Samu 84:7 - Anatunya Buku Baepole Ole Testamene Pii Lapo dee Nuu Tesamene

⁷ Nakama pao dokopa ando poraiyuo penge. Nakama mee bange anatuŋu letaminyi dupwa nyuo isa palyuo Anatu mupwa doko yuu Sayone dokona kandarami.

Samu 84:7 ပူးပေါင်းရင်းမြစ်များ

Samu 122:2

Doko epapu namwa dae angi Jerusaleme kame kambu andakarerena epo karamano.

Samu 42:2

Anatu emba lete karenge dokona lao ipwa ingyuo nano pipyamo karo. Anjokorape nambame embena lenge kambu dokona kingi wapambu lakao emba lakandala parose?

Samu 43:3

Embena yanga paupau lengepe kinyinya rengepe dolapo peyakape. Embena yuu kyau poo pyasi Sayone lenge dokonape embena tembole anda emba palenge dokonape namba dee kamba laminyuo penale.

Aisaya 40:31

Dopa piramopape wambu Kamongo nyisara lao baa keta pyamalyuo kapa ingingi lao suu pyao karaminyi dupwa porainya renge enenge nyuo kararami. Yaka kambe banya papakeme ketae poraiyuo soo penge dopale ingyuo kararami. Nakama makando paraminyipape maka narami. Dee kata paparaminyipape nakama mee porai ingyuo kararami.

Aisaya 46:13

Namba pyao mata kyakao nyero yuu gii doko oo repeta minyuo epelyo panda londesa see nalyamo. Nambame anamasi minyuo pyuo nyero yuu gii doko oo repe repe pyuo retelyo. Nambame yuu taone Jerusaleme doko nyiso pyuo nyuo Isaraele wambu dupwa dokome kingi ketae palyinyi nembaro, leya Anatumi.

Aisaya 58:11

Dokopa yuu peparae nambame nakama bange keyange dupwame mende yangya naramo karamili lao joo kata angi lasaka pyuo kararo. Dopa pyuo dokopa nambame nakama yanenge reto porai ingyuo karalapa lao minyaro kararo. Dokopa nakama ee nenge ipwa apupi nyepala menya menya lao andenge dopale ingyuo kararami. Dee ipwa guu doko sokwa nao epo karenge dopale ingyuo palyuo karo pirami.

Jeremaya 31:6

Waa. Yuu kyau Eporaime dokona karo isingi akali dupwame lao lao, Yuu kyau Sayone namwana Kamongo Anatu petamo dokona monale kee larami yuu gii doko epelyamo.

Isikiolo 34:26

Dokopa nambame nakama kalya pinyi nembo yuu kyau poo pyasi dokona palyuo karena laro. Palyuo karo apunda ipyali lao maseraminyi dokopa nambame dupwa elyape keta pisinyi pyambuo apunda kulimbwanyi peyo mairu.

Luku 2:24

Kamongona mawa pii leyamuli pyuo yaka wayamu lama panda yaka pumwa ikyane lama kiso mairami doko maiyala peyambi.

Jone 1:16

Mona keyange palyuo ipingi renge baa keta palyuo simbulyamopa imambunya renge keyange dupwa namwa peparae konda pyuole jepa pingi.

Jone 14:3

Dokona suu pyao nakama kararami panda doko pao rapa rapa pyakapala namba kararo dokona nakama opetae kararama lapala dee kamba epo dokopa nakama nyuo nambana arapunya karako leya.

Jone 15:2

Nambana wangya jingi angi lyii nange dupwa peparae baame pyakepanyi nembalu nembo nembenge. Wangya jingi angi lyingi dupwa peparae jingi lyulu lyuo karena lapala baame elya pyuo pyakepenge.

Jone 6:39

Namba mapanyi peeyamo dokome baame namba jeramo dupwana mende pyakuiyaka naramopa yuu gii otaramo dokopa minyalyuo nyere lao manjo karamo.

2 Korina 3:18

Dokona lao namwana lenge kambu dupwana mende yambe pyaa napyamopa karamano dokome Kamongona yanga paupau lenge doko nyepala namwa yanga paupau lao baa yale manda manjinyi pyambulyamo. Yanga paupau lenge jilyamo Kamongo doko baa Imambu.

1 Tesalonaika 4:17

Dokopa namwa kararama dupwape wambo kumapala sipurarami dupwa peparaepe nyuo pyaso kopa dokona kata pao Kamongo yakena kararamo doko kando nyerama. Kando nyepala dokona namwa Kamongo Yesumoo role pyao yuu peparae karalu kararama.

2 Pita 3:18

Nakama Lete Wai Pyao Nyingi Kamongo Yesu Koraisa soo ando paraminyipa banya mona keyange palyuo ipingi renge doko nakama keta jokondali pinya lao leto. Mange epapu piso pao rengyanape banya kingi doko ketae palyuo puu penale, doko kinyi.