Samu 80:1 - Anatunya Buku Baepole Ole Testamene Pii Lapo dee Nuu Tesamene

¹ Isaraele Wambunya Iso Karenge embame namwana pii soo karape. Emba aŋala dupwana kyawa ingyuo karenge dokome

Samu 80:1 ပူးပေါင်းရင်းမြစ်များ

2 Samyuele 6:2

Doko pipala Dapitimi akali dusipa lanyuo yuu taone Bala lenge yuu Juta dokona singi dokona Kamongona Kana Minyuo Lalu Lao Lenge Pii Palenge Bokote doko nyela peyami. Nakamame bokote doko Kamongo Porai Wakasa dokona lenge. Bokote ketae dokona aŋala yale wasisi lama karenge. Dokopa Kamongona petenge isa doko aŋala dolapona ketaerena singi.

2 Kiŋi 19:15

Retapala ateŋa lao, O Kamongo Isaraele wambunya Anatu, lete bange papake karenge ketae embena kiŋi petenge isa dokona petenge. Emba Anatu mendaki iki. Emba yuu muu dupwana rara karenge dupwa peparae isingi. Embame yake yuupi dupwa pyuo wasii.

Samu 69:1

O Anatu, ipwa dokome epo nambana mange koe nyilyamo nyisape.

Samu 80:19

Kamongo Anatu Porai Wakasa dokome namwa range sukusa nyepe. Embena sakame kumungi renge doko lasaka pirinyi dokopa namwa kyawa minyinyale.

Samu 80:3

Anatu embame namwa range sukusa nyepe. Embena sakame kumungi renge doko lasaka pirinyi dokopa namwa kyawa minyinyale.

Samu 80:7

Anatu Porai Wakasa dokome namwa range sukusa nyepe. Embame sakame kumungi renge doko lasaka pirinyi dokopa namwa kyawa minyinyale.

Aisaya 40:11

Baame banya mena sipisipi dupwa sipisipi rapu pingi akalimi pyamuli pyuo mondo lao rapu pira. Baame mena sipisipi yakane dupwa nyuo pyasepala banya kingi kalengena reto kupyuo lanyuo papira. Baame sipisipi yakane dupwana endangi dupwa anjiki pyuo laminyuo para.

Aisaya 60:1

Jerusaleme emba epapu eŋa nembo neta dopale ingyuo rao sipurape. Dokopa Kamongome banya neta renge yulu doko nakama keta ranyi pisilyamo.

Aisaya 63:11

Dopa piyamosa wambana Kamongona kendemande Mosese kareyamo doko suu pyapala piso soo lao, Wamba Isaraele wambunya Kamongo dokome Isaraele wambunya lita dupwa kota pete dokona kyawa lete nyisiyamo doko epapu anja karase? leyami. Akali Mosese keta banya Imambu Poo Pyasi maiyamo Kamongo doko epapu anja karase? leyami.

Isikiolo 1:13

Bange lete karenge kareyami sukusa dokona kendapuli yale mende kaeya nao rao papyuo kareya. Kareyamo dokona isare uliyapu nyuo lelenge pyao rao peya.

Isikiolo 34:23

Nambame kiŋi mende nambana kendemande akali Dapiti yalende mairu. Mairunu dokome sipisipi peparaena rapu pingi mendaki doko ingyuo karapala baame mondo lao rapu pira.

Daniele 9:17

Anatu nambana ateŋa piso sokondali pyuo leto doko sepe. Sepala embena tembole anda kokwa siyamo doko karengenyili pyuo elya pepe. Emba Anatuŋu lao wambu peparaeme soo nyinyaleŋe dokona tembole anda doko kamba elya pepe.

Jone 10:14

Namba sipisipi angi keyange rapu pyuo karenge. Rakange dokome namba soo gisilyamopa nambame Rakange doko soo gisingi doko suu pyao nambame nambana range dupwa soo gisilyunupa nambana range dupwame namba soo gisingi. Dopa pilyamo dokopa nambame nambana sipisipi dupwa reke lao kapa kumakamairu ingilyamo.

Dutaronome 33:2

Kamongo doko yuu Sainai kyau dokona piso epeya. Epo yuu Itome neta pyakaenge dorena neta potemengenyili pyuo epo dokopa baa yuu kyau Parane piso banya wambu keta neta ranyi pisiya. Aŋala taosande akalisa baa pipya kareyaminyipa banya kingi rolaerena isare uliyapu rao kareya.

Ipuru 13:20

Yesu kumuo ranjama isa peyamo dokome Anatunya lalu lao leyamo pii doko kapa wai wara pisi silyamo. Namwana Kamongo Yesu baa kumuyamopa Anatu baa lopo nyiya. Nyiyamopa namwana sipisipi rapu pingi mupwa ingyuo peya.

1 Pita 2:25

Nakama wambo mena sipisipi isako dupwana ralo penge ingyuo kareyami. Dakepa Anatunya Imambunya yulu rapu pyuo karenge akali andake dokona repeta epapala moko minyuo pelyaminyi.

1 Pita 5:4

Dokome Sipisipinya Rapu Pingi akali angi doko eparamo dokopa kyawa rarange ama keyange yanga paupau lao sulu singi mende emba nyere.

Orepalaisane 21:23

Taone dokona neta kanape dolapo rao karara kata mende see naya. Anatunya yanga paupau lenge dokome neta rao dee Sipisipi Ikyane dokome lambe ingyuo rao kareyamo kandeyo.

1 Samyuele 4:4

Bokote ketae dokona aŋala lama wasisi petenge. Doko suu pyao Kamongo Porai Wakasa dokona kiŋinya isa petenge dopale ingingi. Dokona lao nakamame yuu Sailo dokona akali lapo papala. Kamongome bokote doko nyuo soo epeyaminyi dokopa Ilaina ikinyingi akali Opini Pineyasepa lenge dolapo role pyao epeyambi.