Samu 73:24 - Anatunya Buku Baepole Ole Testamene Pii Lapo dee Nuu Tesamene

²⁴ Embame dopa pyuo dapa pyuo karape lao namba kata lasaka pipinyi karo pelyo. Pao lumwa pyuo dusa nambana kingi ketae pyambuo lakando nyere ingilyamo.

Samu 73:24 ပူးပေါင်းရင်းမြစ်များ

Samu 16:7

Kamongo dokome namba kata lasaka pilyamo dokona lao baa lakandelyo. Kukwa dokopa doko kyaiŋi lao repe repe pii ingyuo langilyamo.

Samu 32:8

Kamongome lao dokopa, Nambame emba apa pyuo palyuo karo piri lao mana langiru, letamo. Nambame dopa pyuo pipingi lao mana pii langiru.

Samu 49:15

Dopa piramopape Anatumi namba kyawa minyara. Baame namba kumungi rengena porai dokona piso kingi rekya lao nyera ingilyamo.

Samu 84:11

Kamongo doko baa namwana konambe ingyuo karo kiŋi neta renge ingyuo karenge. Baame namwa elyape keta piso anjiki pyuo namwa nyuo ketae pyambuo karenge. Baame wambu lapo rolae pyuo karenge dupwa bange keyange mainya kata rokwakami nange.

Poropepe 8:20

Namba yulu rolaena kata iki pao kote singi kata angi dokona moko minyuo penge.

Aisaya 58:11

Dokopa yuu peparae nambame nakama bange keyange dupwame mende yangya naramo karamili lao joo kata angi lasaka pyuo kararo. Dopa pyuo dokopa nambame nakama yanenge reto porai ingyuo karalapa lao minyaro kararo. Dokopa nakama ee nenge ipwa apupi nyepala menya menya lao andenge dopale ingyuo kararami. Dee ipwa guu doko sokwa nao epo karenge dopale ingyuo palyuo karo pirami.

Aisaya 58:8

Dopa pirami dokopa nambame nakama kando epe kando yangamana neta lepo lepo pyuo nakama keta ranyi peenge dopale inginyi pisaro. Dopa piru dokopa nakamana yongo dupwana mendasa wua kakupi pisiramo dokopa waiya lao umbwa pinyi retakaro. Nambame yuu peparae nakama pipya role pyao karo kyawa lete nyuo kararo. Nambame dorena darena pyuo nakama konambe ingyuo alyasa minyaro.

Nambase 9:22

Yuu gii lama panda kana mende kuma soo panda ee kana mende epo pao piyamopape kopa doko komau anda ketae mee sulu siyamo dokopa wambu dupwa yuu doko yaki nyuo mendasa paa nayami. Dopa piyamopape kopa doko sipuro peyamo dokopa wambu dupwa peyami.

Luku 11:13

Dokona suu pyao nakama koo ingyuo petaminyi dupwame nakamana wane wanakepe dupwa bange keyange maingi doko suu pyao Rakane yake panda dokona keyange wakasa karamo dokome wambu Imambu Poo Pyasi jinya lao piso serami dupwa eŋa nembapala mai narase? leya.

Luku 23:46

Dokopa Yesu pii poraiyuo lapala, Rakane nambana imambu doko emba keta pyamalyilyu, leya. Dopa lapala lumwa pyuo ŋee siya.

Jone 14:3

Dokona suu pyao nakama kararami panda doko pao rapa rapa pyakapala namba kararo dokona nakama opetae kararama lapala dee kamba epo dokopa nakama nyuo nambana arapunya karako leya.

Jone 16:13

Kinyi lengena Imambu doko epapala dokopa baame nakama pii kinyi peparae mana langira. Dokona lao baame range sisu lao larande daa. Baa renge seramuli pyuo polo langyuo karara. Baame ene pipa nalyamo dupwa wambo nolakao lao karara.

Jone 17:24

Rakane, wambu namba jiinyi dusipa namba kararo dokona nakama opetae role pyao karamwali lao leto. Karo dokopa isa yuu ene pyuo wasapa naenepa embame namba mona retapala yanga paupau lenge renge jii doko nakama kandarami.

Jone 17:5

Rakane, isa yuu doko ene wasa nange siyamo dokopa embapa nambapa yanga paupau lao kareyamba dokona suu pyao embena lenge kambu seramo dokona kararonopa embame namba yanga paupau lanyi pyambwape.

APOSELENA YULU 7:59

Retapala Sitipena kana dupwame pyao kumakao kareyami dokopa baa, Kamongo Yesu, nambana imambu nyakape, lao ateŋa leya.

2 Korina 5:1

Namwa isa petamano yanengena anda lalyaramo dokopa Anatu baa rangeme anda yake pandana piyamo karalu karo karara dokona namwa dokona palipa Anatumi lara.

Jemesa 1:5

Mendeme singinya renge doko mwuara ramo doko baa Anatu piso seramo dokopa maira. Anatumi wambu peparae kando daa laa nao mona keyange palyapala mee maiyamoko maingi.