Samu 73:18 - Anatunya Buku Baepole Ole Testamene Pii Lapo dee Nuu Tesamene

¹⁸ Kinyi, embame nakama kata keta keta pyuo puu pelyamo dokona nyuo karapala pyao lukundo soo randa nyinya lao piri ingilyamo.

Samu 73:18 ပူးပေါင်းရင်းမြစ်များ

Samu 37:20

Koo pyuo karenge dupwa kumarami ingilyamo. Kamongo nyisu petenge wambu dupwa mee isa jingi rele lao kalya pipala mee ingyuo pao yangama yangama kopana mendeke ingyuo meeingyuo parami ingilyamo.

Samu 37:24

Isa penge ramo dokopa Kamongome nyisilyasa isa puu pao paa nange.

Jeremaya 23:12

Nakama kata moko minyuo pelyaminyi dupwa iminjo keta keta pira. Nambame nakama lukumakapala pao palena lao piru. Nambame nakama keta randa andake mairu. Nakamana randa nyerami yuu gii doko epelyamo. Namba Kamongo dokome leto.

Dutaronome 32:35

Kamongome koo pirami dupwana bakeme pyuo isingi pyakamira Yuu gii nakama randa narami doko repeta ipyamo pilyamo. Dokopa isa paomene.

2 Tesalonaika 1:9

Anatu see nange wambu dupwa Kamongopa pakao kara narami. Yuu gii pyaka seramo dokopa baa porai wakasa neta renge ingyuo epapala dokopa nakama rekya lanyi nembalu nembo nembara.