Samu 72:9 - Anatunya Buku Baepole Ole Testamene Pii Lapo dee Nuu Tesamene

⁹ Dokopa yuu muiyanena palenge wambu dupwame baa mupwaŋa lao pongwa nao banya kingi lakandarami. Banya yanda pimwai dupwame isa yuu sinjimu dupwana yuu paro oko soo soo pirami.

Samu 72:9 ပူးပေါင်းရင်းမြစ်များ

Jenesese 3:14

Dopa leyamo dokopa Kamongo Anatumi kau doko kando lamaiyuo, Emba dopa pipinyi dokona mena rara wakale wakale dupwapemee kapa ingyuo paraminyipa embako yapo koo ingyuo randa nyuo pare. Emba kaeya nao rombame kata wapuo sinjimu nao papiri, leya.

Samu 110:1

Kamongo dokome nambana kamongo doko lamaiyuo, Nambana kingi rolaerename pisa ipu. Embena yanda pimwai ingyuo dupwa nambame nyuo embena kimbu yukuna dokona rambukinyinyi pyambwakaro.

Samu 110:6

Baame yuu muu dupwana nyuo kyai rolae lao kote lapala yanda pingi yuu dokona wambu malu mee pyao kumasera. Baame kiŋi yuu muu peparaena karaminyi dupwapyao nyuo isa palyara.

Samu 2:9

Embame ane pangalimi pyao kambo dee nakama pee warame wasisi pyao kambele lao piri, lapya letamo.

Samu 22:29

Moŋokyaŋe singi wambu dupwa baa mupwa lao pangu soo dee mendalipi karo kana ingyuo isa lumbi lyeraminde daa dupwa opetaeme baa keta pangu soo mona maiyuo kararami.

Aisaya 49:23

Kiŋi dupwa nakamana rakange dopale ingyarami. Dee enda kuini dupwa nakamana endangi ingyuo parami. Dopa pipala nakamame kingi wapambupi lakao pangu soo nakama lakando ketae pyambuo kuki ingyuo inyimungu karo rape rape lao kararami. Dokopa nakamame namba Kamongo lao soo nyerami. Dee mendeme nambame nyisareŋe lao isaro karara ramo doko mona maka nara, leya.

Maeka 7:17

Nakama rombame kata wapuo yuu dokona kau ingyuo nakamana yalu pyuo pisiraminyi panda doko yaki nyuo neta walu walu lao eparami. Nakama pakame kumuo namwana Kamongo Anatu doko keta kapu kyuo eparami.

Luku 19:27

Akali namba yango palyuo karo namba nakama rapu pyuo kara napili yaka lao suu piyami dupwa dae lanyuo epapala nambana lenge kambu dokona pyalapape leyaŋa, leya Yesumi.