Samu 69:13 - Anatunya Buku Baepole Ole Testamene Pii Lapo dee Nuu Tesamene

¹³ Dopa lao karaminyipape nambaramo doko Kamongo embapa lao loma soo kararowale. Anatu, yuu gii mende embame rombo palyuo nyepala namba isingi langipi. Embame namba mona andakeretelene dokona laope embame kyawa lete nyero lenge pii doko minyingi dokome isingi langipi.

Samu 69:13 ပူးပေါင်းရင်းမြစ်များ

Jenesese 24:27

Nambana akali mupwa Aporakamena Kamongo Anatu dokome Aporakamepa banya lalu lao leyamo pii doko yaki nyii nao minyaro karo mona reto karenge dokona kingi ketae palena. Dee namba keta Kamongome kata lasaka pipyamo Aporakamena ree palu epo kando nyilyu, leya.

Samu 32:6

Embena pii mondo laominyingi wambu dupwame yuu gii randa epelyamo dokopa emba kando loma serami ingilyamo. Randa dupwa apunda ingyuo kulimbwanyi peyo epenge dokopa randa epenge dokome nakama nyera ingya nangepya.

Samu 51:1

Anatu yuu peparae kaeya nao mona reto puu penge dokona embame namba kando sakame kumuo karape. Embame namba sakame kumulini dokona nambanakoo dupwa kwuanyi nembakare.

Samu 91:15

Nambame nyisape lao kyakale laraminyi dokopa isingi pii yano doko pyakamiro. Nakamba randa nyepala pisiraminyi dokopa kaeya nao role pyao piso nenge rekya lao nyepala dokopa nakama lakando kingi ketae pyambuo piro.

Aisaya 49:8

Kamongo dokome banya wambu dupwa lamaiyuo, Yuu gii angi nakama lete wai pyao nyero doko pyaka seramo dokopa nambame nakama anjiki pyuo nyisa lao ee lao karaminyi dokona isingi yano pyakaro. Nambame nakama rapu pyuo karo konambe ingyaro kararonopa nakama keta wambu dupwa peparae kana minyuo lalu lao laro. Nambame nakamana yuu dakepa mee apa soo peelyamo dokona range piso palyuo pipwa, laro.

Aisaya 55:6

Kamongo baa keta kapu kyuo papala ateŋa lalapape. Dakepa baa nakama repeta epo karamo.

Maeka 7:20

Embame embena yulu keyange pyakao karalu karenge dokope embena mona retalu reto retenge renge dokope dolapo embena Isaraele wambu Aporakame Jekopepena para pyasi dupwa lasaka piri. Wamba namwana rora ambasu dupwa dopa piruŋu lalu lao leeneli pyuo lasaka pirisa pira.

Luku 1:72

Namwana rora ambasupi kando lamaiyuo kaeyamuli pyuo, pii yapasi doko kame see napala kondo nyiso karara.

Luku 22:44

Dokopa banya monarena randa andake nao karo ateŋa poraiyuo laokondali pyuo peteya. Dokopa banya pusi epeyamo doko ranjama rauli dupwa kondo yuunya epeya.)

2 Korina 6:2

Anatunya pii letamo doko selapa. Yuu gii keyange pyaka siyamopa nakamana pii siyu. Lete wai pyao nyingi yuu gii dokona nakama nyiso kareyo letamo. Selapa. Epapu dakepa Anatu nyisinya lapenge ingilyamo. Epapu dakepa Anatunya lete wai pyao nyingi yuu gii doko pyaka sepelyamo.

Ipuru 5:7

Wamba Yesu isa akali kareyamo dokopa Anatumi lopo lete nyipyalinya suu pyao ateŋa pyao ee andake lao piso siya. Yesu baa Anatupa lao suu pyapala range kuki ingyuo pyuo karenge dokona lao banya ateŋa doko Anatu siya.

1 Pita 2:23

Baa kando kilya kando leyaminyipape baame isingi pii koo dopale laa naya. Piyami dokopa isingi pyalana pii nayako. Anatu baa kote pii rolae lenge dokona suu pyapala mona kare kare kareya.