Samu 63:3 - Anatunya Buku Baepole Ole Testamene Pii Lapo dee Nuu Tesamene

³ Embame yaki nyii nao mona reto puu penge doko angi ingyapyasa isa yuu dakena piso karo pingi doko mee ingyuo pelyamo dokona embena kingi ketae pyambuo lakando kararo ingilyamo.

Samu 63:3 ပူးပေါင်းရင်းမြစ်များ

Samu 42:2

Anatu emba lete karenge dokona lao ipwa ingyuo nano pipyamo karo. Anjokorape nambame embena lenge kambu dokona kingi wapambu lakao emba lakandala parose?

Samu 51:15

O Kamongo, pii mora piso nyisape. Dokopa nambame embena kingi lakandarowale.

Samu 69:16

Kamongo embena mona reto puu penge keyange dokona piso pii yano pyaka. Embena saka renge palenge doko paleta namba keta ipupi.

Samu 96:6

Banya neta renge yulupi kingi kamame nyilyingi dokope baa keta soo awali lenge. Banya porainya rengepe keyange rengepe banya tembole anda dokona soo simbwualyamo.

Ekesetase 33:18

Dokopa Moseseme piso soo lao, Embena yanga paupau lao lepo lepo pingi doko namba lasaka pii, leya.

Osia 14:2

Kamongo karamo dokona kapu kyuo papala mena pyao kiso maingi dopale ingyuo penale ateŋa dapa lao lalapape. Namwana koo dupwa nyuo kame sakapala ateŋa letamano doko soo nyepe. Soo nyerene dokopa namwa lalu lao leyamanoli pyuo emba lakandarama.

Orome 12:1

Yangonemoo Anatumi banya sakame kumungi doko namwana lao andakyuo peyamo dokona lao nakamame poraiyuo simili lao langilyu. Nakama range lete karo dokopa Anatu kumuo maipala karalapape. Dopa pipala dokopa Anatu keta iki pyamalyuo karo baa rae mainyi pyambuo pyuo karalapape. Dopa pyuo pirami ramo kata doko Anatu angi kinyi kumuo maiyuo lao kararamisa pira.

Orome 6:19

Nakamana yulu mee pinginyili pyuo pyuo karamisa dokona mee isa wambunya pii dupwana palyuo leto. Wamba nakama kokwa singipi koo rengepena kendemande yulu dokona pinya mona kumuo maiyuo oteyami. Renge doko Satane yulu doko iki pinya piyami. Doo piyami doko suu pyaoko dakepa yulu rolaena kendemande yulu dokona pinya dokopa mona kumuo mailapape. Renge doko Anatunya Imambunya yulu dokona iki pinya suu pyapala pipape.

1 Korina 6:20

Anatumi nakama kiiramo nyuo kaeya dokona nakama banya. Dokona lao nakamana yongo dupwame Anatunya kingi ketae pena lao pipwape.

Pilipai 1:23

Laparaena keyange ingyuo pelyamo lao suu pyao karo. Isa panda dakena yaki nyepala Koraisapa role pyao kararo doko mupwa lao suu pilyu.

Ipuru 13:15

Anatu keta kyaa piramo karena lao namwana kambumi kaeya nao lakandamana. Dopa pyuo pirama ramo doko Yesu keta Anatunya kingi doko kulisa palyuo laramanosa pira.

1 Jone 3:2

Nambana puu minyingi dupwa epapu namwa Anatunya wane wanakepe ingyuo petamano. Namwa yake panda dokona apiyakale ingyarama lao nolaka napyamopa kando sepa nalyamano. Dopa piramopape Yesu pano eparamo dokopa namwa baa angi rolae kandarama dokome baa yale ingyarama.