Samu 51:13 - Anatunya Buku Baepole Ole Testamene Pii Lapo dee Nuu Tesamene

¹³ Dokopa enakana koo pingi dupwa nambame embena mawapii dokona lamaiyakaro dokopa nakama kapu kyuo emba keta lanyuo epenale.

Samu 51:13 ပူးပေါင်းရင်းမြစ်များ

Samu 19:7

Kamongona mawa pii dupwa nyisu yakunaipi pisa nao singi dokome wambu enenge ingyuo porai renge maingi. Kamongona mawa pii dupwa soo nyepala karapenge ingilyamo dokome yangilyamo karelyaminyi wambu dupwa singinya renge maingi.

Samu 22:27

Dopa pyuo yuu muu peparaeme liti kuki mendepe neta paa nao dee kone pupuripi peparaemepe Kamongo lao suu pyao loma soo kingi wapambupi lakao misi larami ingilyamo.

Samu 32:5

Nambana koo dupwa emba keta polo langiyu. Kopetame pingi dupwa yalu pinya saka napala emba polo langinya suu piyu. Dokona embame nambana koo pingi dupwa peparae kwuanyi nembakaeye.

Aisaya 2:3

Yuu dupwana wambu dupwame lao dokopa Isaraele wambunya Kamongo Anatunya yuu kyau tembole anda dokona monako lao parami ingyara. Namwa baame apa pimili lao suu pilyamo dokona mana nyuo baame kata parama doko wapwakao otapya dokona pao pimanale. Kamongona mana pii doko yuu Jerusaleme dokona piso epara yuu Sayone dokona piso banya wambu dupwa lamailyamo.

Aisaya 6:10

Lapala namba langyuo, Nakama lengeme kando kaleme soo suu pinginya soo manji nyuo kara narami lao wambu dusipana suu pingi kendanyi nembo kale kata poeyanyi nembo lenge iminjinyi pyambuo karape. Nakama soo manji nyuo karamili mona kapu kyimili dokome namba pyuo nyipuli, leya.

Jeremaya 31:18

Isaraele wambu dupwa mona randame kumuo laminyi doko namba silyu. Kamongo namwa mena kali rae lenge mona kana pokonge dopale ingyuo kareyama. Dopa piyamanopape namwa kamba lao nao warombo selapa lao mana langii kande. Emba Kamongo, namwana Anatu. Namwa emba keta lanyuo ipupi. Dokopa kapu kyuo emba karene dokona epanya epelyamano.

Matyu 18:3

Pyambwapala dopa leya. Kinyi langilyu, nakama mona kapu kyepala wane wanakepena mona palenge dopale ingyuo kara narami ramo doko nakama yake pandana isingi yulu dokona sukusa kando nyii naramisa pira.

Luku 22:32

Karapyamopape embena Anatu kapa ingingi lao suu pilini suu pingi doko kwaeya nana lao nambame embena lao ateŋa lakapu. Embame dee mona kapu kyepala dokopa embena yangone dupwa porainyi pyambwape leya.

APOSELENA YULU 13:10

dopa leya. Emba Satanena ikinyingi dake, emba yulu rolae dupwa peparaena sisi nyuo pyuo karo panga sokondali pyuo kendepo kendepo nao karene. Embame Kamongona kata rolae dupwa kyaimai pyuo karene doko kae narese?

APOSELENA YULU 15:3

Dokopa Elyambu Pingi wambu dupwame nakama pena lao mapeyaminyipa yuu Pinisiape yuu Samariape yuu dolapona sukusa pao dokopa, Juu iki daa wambu wakale dupwa Anatu dokona mona kapu kyepala karaminyi, lao pakana palyuo lamaiyambinyipa yangonge dupwa peparae raeko maiyuo siyami.

APOSELENA YULU 3:19

Nakamana yulu koo dupwa kondapala Anatu dokona mona kapu kyerami dokopa baame nakamana koo dupwa kwuanyi nembaramopa isa para.