Samu 51:10 - Anatunya Buku Baepole Ole Testamene Pii Lapo dee Nuu Tesamene

¹⁰ O Anatu, mona au pisi sinya laowasakare. Dee imambu enenge emba keta yaki nyii nao yulu pingi doko namba keta jereko.

Samu 51:10 ပူးပေါင်းရင်းမြစ်များ

Samu 24:4

Dokona akali mende yulu piramo dokopa koo pii nao suu pingi keyange palyuo bange kingimi wasisi dupwa lakanda nao kyambo lao kana minya nao pira.

Samu 73:1

Anatumi Isaraele wambu keta yulu elyape pingi. Kinyi, wambu monarena yapasi seramo dupwa keta elyape ingyuo penge.

Isikiolo 18:31

Nakamana koo doo pyuo karaminyi dupwa mata maiyuo kaeyalapa. Kaepala suu pingi enenge palyuo mona alowa pyuo pipwape. Nakama Isaraele wambu dupwa akipamo kyawa kana palyapala kumalana karamipi?

Isikiolo 36:37

Namba Kamongo Mupwa Andake Wakasa dokome letamo. Isaraele wambu dupwame nambame nakama nyisapili lao piso sela imili lao suu pilyu. Dee nakamana wambu doko ipwa pota kee kana ingyuo kakana pena lao suu pilyu.

Matyu 5:8

Wambu mona mendaki palyuo karaminyi dupwame Anatu kandarami dokona nakama rae maiyuo pelyaminyi.

APOSELENA YULU 11:23

Baa papala dokopa Anatumi nakama pyuo elyape keta piso nyisiya doko kandapala rae maiya. Nakamame Kamongo doko yaki nyii nao baa mona reto karalu kararama lao poraiyuo suu pyaokondali pipala pyuo karalapape, lao waipi lao nakama lamaiyuo kareya.

APOSELENA YULU 15:9

Baame namwa kamame mendepale inginyi pyambuo suu pyao nakama mee mende ingyuo suu pyao piyande daa. Nakamame Yesu kapa ingingi lao suu piyamisa monarena koo dupwa pyuo poo pyao nyakamiya.

Orome 12:2

Mee wambu dupwame rae mairami kata dokona pasarami daa. Anatumi nakamana mona andarena alowa pyuo suu pingi doko kapu kyakana. Kapu kyakaramo dokopa Anatumi emba apa pipili lao suu pilyamo lao sere. Dokopa keyange doko anjuku lao soo nyuo Anatu apa pirusa rae maira lao dokona soo nyuo yulu anjuku yapasi lao dusipana soo kararami ingilyamo.

1 Korina 15:58

Yangonemoo dokona lao nakamame kaeya napala poraiyuo karalapape. Kamongona yulu pilyaminyi doko mee pyuo nemba narami dokome yuu peparae Kamongona yulu imambu see nao pyulu pyuo pyuo karalapape.

2 Korina 5:17

Wambu mendali Yesu Koraisapa pakarambi ramo doko baa kyaka ingyuo para. Wambarae doko isa paramopa enenge doko sipuro eparasa pira.

Epesasa 2:10

Anatu range namwa wasiya. Namwa Koraisa Yesupa pako yulu keyange pirami lao wasiya. Namwa kata rolae dupwana papyuo kararama dupwa Anatumi wamba rapa rapa piya.

Kolosi 3:10

Anatumi nakama wambu enenge ingyuo wasiya. Wasiyamopa nakama baa yale enenge ingyuo kisokwanyi pyambwalana pyuo karamo dokome banya dupwa soo giso parami.

Jemesa 1:8

Baa suu pingi lamana palyuo kyakao paenge akali dopale ingyuo karamo.

1 Pita 1:22

Nakama pii kinyi doko moko minyuo papala yulu koo dupwa kaeyapala Anatunya Imambunya yulu rolae pilyaminyi dokona Kurisene yango dupwa mona angi reto karalapape.