Samu 43:2 - Anatunya Buku Baepole Ole Testamene Pii Lapo dee Nuu Tesamene

² Emba nambana alya minyingi ingyuo karene. Akipamo embame namba yaki nyelese? Yanda pimwai dupwame namba randa kopetame ingyuo joo kararaminyipa akipamo namba randa dokonyuoko parose?

Samu 43:2 ပူးပေါင်းရင်းမြစ်များ

Samu 42:10

Nakamana giyalya giyana pyuo pii lami dokome namba mata rukyuo pili lao, Embena Anatu doko anja karase lao piso soo karalu karaminyi.

Samu 42:9

Anatu nambana kyawa minyuo karenge doko kando leto. Akipamo namba yaki nyilisi? Nambana yanda pimwai dupwame akipamo namba koo keta palyuo randa joo puu pao pena lao kaelese?

Ekesetase 15:2

Kamongome namba porainyi pyambwapyamo porai ingyuo karo. Baame namba elyape keta palyuo kiiramo nyiya. Nyiyamo dokona baa nambana Anatu dokona nambame banya kingi lakandaro. Baa nambana rakanena Anatu. Banya kingi andake dokona lao nambame lakandaro.

Aisaya 40:31

Dopa piramopape wambu Kamongo nyisara lao baa keta pyamalyuo kapa ingingi lao suu pyao karaminyi dupwa porainya renge enenge nyuo kararami. Yaka kambe banya papakeme ketae poraiyuo soo penge dopale ingyuo kararami. Nakama makando paraminyipape maka narami. Dee kata paparaminyipape nakama mee porai ingyuo kararami.

Aisaya 45:24

Nakamame lao namba keta iki anamasi minyuo wini pingi rengepe dee porainya rengepe dupwa kando nyerama ingilyamo larami. Dopa piraminyipape wambu lapo namba kando epe kanda nalyaminyi dupwa randa andake nyuo elyame kumuo kararami.

Epesasa 6:10

Pii dake lao lumwa pyuo leto. Kamongopa pako karo banya porainya renge doko nyepala kulisa palyuo karalapape.

Pilipai 4:13

Koraisa baame namba porainyi pyambuyasa yulu peparaena lao mona kuki palyuo karenge.