Samu 42:2 - Anatunya Buku Baepole Ole Testamene Pii Lapo dee Nuu Tesamene

² Anatu emba lete karenge dokona lao ipwa ingyuo nano pipyamo karo. Anjokorape nambame embena lenge kambu dokona kingi wapambu lakao emba lakandala parose?

Samu 42:2 ပူးပေါင်းရင်းမြစ်များ

Samu 27:4

Nambame renge mendaki mende Kamongo piso sipu. Renge mendaki iki nyelana suu pilyu. Doko namba lete kararono dokopa Kamongona anda dokona iki palyuo karapuli yaka. Dokona karobaa keyange wakasa ingyuo karamo lao soo nyuo rae maipala nambame baa kata keyange lasaka pinya lao piso soo kararowale.

Samu 43:4

O Anatu, enakana namba embena kana pyare laro karenge dokonaparo. Emba keta nambana mona pyakalyuo pyao rae maingi renge potemo epenge. Anatu, nambana Anatu, nambana rambyalu lao kenane pyao emba lakandaro.

Samu 63:1

Anatu emba nambana Anatu dokoŋo. Namba embapa role pyao karapuli yaka. Nambana suu pingi peparaeme emba keta karapuli yaka lao suu pilyu. Yuu penda penda ipwa pali nange dopale ingyuo karapala nambana imambu dokome embapa karalana ipwa ingyuo nano pipyamo karo.

Samu 63:3

Embame yaki nyii nao mona reto puu penge doko angi ingyapyasa isa yuu dakena piso karo pingi doko mee ingyuo pelyamo dokona embena kingi ketae pyambuo lakando kararo ingilyamo.

Samu 84:10

Yuu gii mendakiembena tembole anda pao pisiru doko angingyuo papala yuu gii taosande nembo yuu wakalena mee kata papyuo kararo dusipa mee ingyuo pelyamo. Yulu koo pinginya anda dupwana kara nao nambana Anatunya anda kambu konandawamedokona karapuli yaka lao suu pilyu.

Samu 84:2

Mona nyepala namba dokona karapuli lao suu pyale pyale karo. Nambana yongo mona dolapona piso renge kuiyuo Anatu lete karenge dokona lao raemaiyuo wee romope lao karo.

Samu 84:4

Wambu embena tembole anda palyuo karo piso pingi dupwame embapa rae maipala yuu peparae kenane pyao lakandenge.

Samu 84:7

Nakama pao dokopa ando poraiyuo penge. Nakama mee bange anatuŋu letaminyi dupwa nyuo isa palyuo Anatu mupwa doko yuu Sayone dokona kandarami.

Jeremaya 2:13

Dokona lao nambana wambu dupwame yulu koo lama ingyuo piyami. Nakamame namba ipwa kamuo nenge guu lao epenge doko mata jiyami. Jepala nakamame ipwa pete sinya lao yuwale kyasiyami. Kyasiyaminyipape yuu kipwa kipwa dupwa yando nao poro lao rali pipala ipwa naku pao karo angi see naya.

Daniele 6:26

Nambame mawa pii dake reto lalu lao leto. Yuu muu nambame isingi dupwana wambu peparaeme Danielena Anatu doko mupwa lao suu pyao pakame kumuo rape rape lao laramuli pyuo kararami ingilyamo. Baa Anatu lete karalu karenge. Dee baame iso karo puu para. Banya kiŋi yulu doko kamame kokwa see narami. Dee banya porainya renge doko kamame ote pii nara.

Jone 5:26

Rakange letena renge renge kuiyuo karamuli pyuo Ikinyingi keta pyamalyiya.

Jone 7:37

Nenge nao kareyami yuu dusipana lumwa pingi yuu gii wakasa dokopa Yesu sipurapala pii ketae palyuo dopa leya. Wambu mendeme ipwa nano pyuo karara ramo doko namba karo dokona ipupwape.

1 Tesalonaika 1:9

Namwa nakamana yuu dokona kanda soo epeyama dokopa nakamame yako lapala yulu andake piyami doko wambu peparae lao karaminyi. Dokona lao nakamame bange wakale anatu yaleoko kingimi waso kareyami dupwa yaki nyepala Anatu angi lete karenge dokona dokoko wambu peparae lao karaminyi.

Josua 3:10

Nakama parami dokopa baame Kenane wambupi Iti wambupi Ipi wambupi Perasi wambupi Gukasi wambupi Amote wambupi dee Jepusi wambupi dupwa pyao ralinyi nembara.

Orepalaisane 22:1

Enakana aŋala dokome ipwa letena renge palenge doko namba lasaka piya. Ipwa doko Anatu dee Sipisipi Ikyanepe dolapona petenge isana piso guu lapala ketapa ingyuo lepolepo pyuo epo peyamo kandeyo.