Samu 37:28 - Anatunya Buku Baepole Ole Testamene Pii Lapo dee Nuu Tesamene

²⁸ Kamongome yulu rolae dupwa mona nyingi. Wambu banya yulu mondo mondo lao pingi dupwa yaki nyuo kaeyara ingya nalyamo. Kamongo baame nakama kyawa minyuo karenge. Dopa pilyamopape kopetame pinginya para pyao nyerami dupwa neta nembara.

Samu 37:28 ပူးပေါင်းရင်းမြစ်များ

Samu 37:25

Namba yuu gii malu nembo kareyo doko dakepa emo kaelyo. Dopa pipunupape akali keyange mende Kamongome kyawa yaki nyiyamo kanda nayo. Dopako pyuo banya wane wanakepeme nenge jinya lao kongo pyuo kareyaminyi kanda nayo.

Samu 37:40

Baame nyiso randa epelyamo dupwana lao nenge rekya lao nyingi. Koo pyuo karelyaminyi dupwana nakama koo keta pali namili lao baame nyisinya letaminyi dokopa nyiso kyawa minyingi.

Ekesetase 20:5

Namba nakamana Kamongo Anatu. Wakale mendeme nambana panda nyinya lao maiya nange. Dokona lao mee bange anatu angi daa dupwana ponga napala kingi ketae pyambuo lakanda nalapape. Wambu mendeme namba awa nara ramo dokopa nakamana para pyaraminyi dupwame manjo jingi para pyao paraminyipa rema panda kisima ingyuo manjiraminyi dusipana mende keta randa mairu.

Aisaya 30:18

Dopa piraminyipape Kamongome sakame kumuo nakama nyisalana lao isaro karamo. Kamongo baame yuu peparae anjuku rolae lao dokonako pingi dokome nakama kando kondome kumuo nyisalana suu pyao rapa rapa pisi karamo. Kamongo kapa ingingi lao suu pyao mona pyamalyapala karaminyi wambu dupwa rae maiyuo parami ingilyamo.

Aisaya 61:8

Kamongo dokome lao, Namba kyai rolaepena anjuku lao lao rolenge yulu mona nyepala wambu randa maingi yulupi yulu kopetame pingipi epe kanda nange. Nambame nambana wambu dupwa yaki nyii nao nakama kingi kiso maiyuo nakama pipya kana minyuo lalu lao lenge pii ingyuo laro.

Jeremaya 9:24

Mendeme range lakandalana suu pyara ramo doko baame namba Kamongo doko soo nyuo soo giso pilyamo dokona lakandara. Renge dokona nambame wambu mona retenge doko reto puu penge. Dopako pyuo nambame pii pali nana lao yulu rolae dupwa kapa pyuo puu penge. Renge dolapome namba rae mainyi pyambungi, Kamongo dokome letamo.

Jone 15:9

Rakaneme namba mona reto karapyamo doko suu pyao nambame nakama mona retoko karapu. Nambana mona kulisa retenge renge dokona sukusa karalu karo karalapape.

Jone 5:24

Kinyi kinyi langilyu, mendeme nambana pii soo nyepala namba mapanyi peeyamo doko kapa ingingi lao suu pyao karaminyi dupwa keta kyakana renge kulisa doko palira. Kumungi renge doko yalo epo lete renge dokona karamo dokona baa keta kote pali nara ingilyamo.

1 Pita 1:5

Lumwa pingi yuu gii pyaka seramopa Anatu namwa lete wai pyao nyero lao reteyamo doko kandalana iso karaminyi. Baa kapa ingingi lao suu pilyaminyi dokona baa banya porai renge dokome nakama kyawa minyaro karamo.

1 Jone 2:19

Namwa role pyapeta sukusa karenge dokona karapala neta peyami. Nakama namwa role pyapeta kareyaminyipape namwana pongwae ingyuo kara nayami. Nakama namwana pongwae ingyuo kareyamili doko nakama namwa role pyapeta karalu karamwali. Nakama namwa yaki nyuo peyami doko namwana pongwae ingyuo kara nayamindeme dokopa paneya.

Juti 1:1

Namba Juti Yesu Koraisana kendemande akali Jemesana yangonge doko. Nakama enda akalipi Anatumi kee lao rombo palyiyamo dupwa pepa dake pyao jilyu. Rakange Anatunya mona retenge renge nakama keta palipyamopa Yesu Koraisame nakama nyiso minyuo karamo.