Samu 34:18 - Anatunya Buku Baepole Ole Testamene Pii Lapo dee Nuu Tesamene

¹⁸ Wambu baa rangena yulu dokona uki minyuo pelyasa dokona isa pwuamano lao sepala mona nembenge dupwa keta Kamongo doko repeta karenge. Dee keyange eparali dupwa isa pwuamo lao suu pilyaminyi dupwa baame minyalyingi.

Samu 34:18 ပူးပေါင်းရင်းမြစ်များ

2 Kiŋi 22:19

Nambame Jerusalemepe dee dokona wambupi dupwa randa mairunu dokona pii sepala nambana lenge kambu dokona embena koo dupwana kondome kumuo inyimungu piso embena komau minyuo kanguo ee lao petee. Nambame yuu Jerusaleme keta randa mairu dokopa wambu dupwa mona nembo pakame kumuo kandena lao piru. Dopa piru dokopa wambu dupwame yuu doko kooŋo larami. Laraminyipape nambame embena ateŋa doko sakapu.

Samu 145:18

Wambu dupwame baa keta kulisa palyuo kee letaminyi dupwa peparae keta baa repeta karamo.

Samu 145:19

Wambu baa ketae pyambungi dupwana yano pilyamo karenge dupwa maingi. Baame nakamanaee laminyi doko soo nyepala pyuo nyisingi.

Samu 51:17

O Anatu, nambame mena pyao kiso maingi dokona lao suu pyao nambana imambu inyimungu karenge doko emba keta jilyu. Doko akali inyimungu koo dupwana kondo karenge doko emba yaki nyii nange kandale.

Aisaya 55:6

Kamongo baa keta kapu kyuo papala ateŋa lalapape. Dakepa baa nakama repeta epo karamo.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Aisaya 66:2

Namba rangena kingi dokome yuu muu peparae pyuo wasiyu. Wambu lapome namba iki mupwa lao suu pyao pako warombo soo nakamana koo dupwa polo lao yaki nyepala inyimungu karenge dupwa kando namba epe soo karenge, letamo.

Isikiolo 36:26

Nambame nakamana mona suu pingipi dolapo enenge inginyi pyambwakaro. Nakamana mona kana poko kamba lenge doko nyuo nembakapala laronuli pyuo rape rape lao pingi suu pingi doko jero.

Isikiolo 36:31

Dokopa nakamana yulu koo piyaminyi dupwa suu pyao lao karapala akipamo piyama lao elyame kumarami.

Luku 4:18

Kamongona Imambu doko namba maralyipyamopa karo, dokona lao wambu pendewa dupwa waili pii keyange doko boo pyao lamaiyuo karape lao rombo palyapya. Puu maisi karaminyi dupwa mokwarami laope lenge kwaelyamo dupwa lenge rao kararami lao boo pyao lamaiyala pupi lapyasa epelyo. Wambu isare rao iso karaminyi dupwa mokwala pupi lao