Samu 33:3 - Anatunya Buku Baepole Ole Testamene Pii Lapo dee Nuu Tesamene

³ Banya lao kenane enenge pyao dokopa rambyalu gitape dupwa mora mora piso pyao pii ketae palyuo lao rae maiyuo karalapape.

Samu 33:3 ပူးပေါင်းရင်းမြစ်များ

Samu 40:3

Baame namba namwana Anatu lakandenge kenane enenge mende pyao mana langiya. Wambu malu dupwame dake kando pako karo repe repe laramo doko soo Kamongo baa kapa pira lao suu pyarami.

Samu 40:4

Wambu isa kanape anatu lao kingi lenge dupwape anatu kyambo lenge dupwape angi lao suu pyao kara napala Kamongo doko kapa ingingi lao suu pyao karaminyi dupwa rae maiyuo kararami.

Samu 96:1

Kamongo kando kenane enenge pyalapape. Yuu muu peparaena wambu dupwame Kamongona lao kenane pyalapape.

Aisaya 42:10

Kamongo kando kenane enenge pyalapape. Yuu muu peparaena wambu dupwame baa lakando kenane pyalapape. Nakama lapo ipwa kotana piso papiyaminyi dupwame baa lakandalapape. Ipwa kota dupwana lete bange silyaminyi dupwame baa lakandalapape. Yuu nanesape dee dupwana wambu palaminyi dupwa peparaepeme kenane pyalapape.

Epesasa 5:19

Nakama yango sukusa misi kenane dupwape Imambunya kenane dupwape pyao, Kamongo keta kenane dokome monarename piso nyuo ipwa kyukunaiye maiyuo pena lao pyao karalapape.

Kolosi 3:16

Koraisana pii nakamana mona anda dokona palyuo ando nyimbunya. Nakamana mona anda dokona Anatu sangyu lao misi kenane dupwape imambunya kenane dupwape ipwa kyukunaiye maiyuo pena lao pyao karalapape.

Orepalaisane 14:3

Anatunya petenge isa dorena lee renge bange kisimape dee wambake dupwa kareyaminyipa kenane enenge mende pyao kareyami. Kenane doko mee wambu dupwa soo nyii naramilinde Anatumi kiiramo nyiyamo wambu 144,000 dusipame mana nyerami ingiya.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.