Samu 33:16 - Anatunya Buku Baepole Ole Testamene Pii Lapo dee Nuu Tesamene

¹⁶ Kiŋi yanda singi malu karaminyipape nakamana porai dokome yandana pyao anamasi minyara ingya nange. Yanda singi mendeme banya porainya renge dokome anamasi minya nange.

Samu 33:16 ပူးပေါင်းရင်းမြစ်များ

Jopo 39:11

Embame banya porai dokona mona yukupala embena yulu kenda dupwa pyakaraŋa lao suu pilisi?

Ekesetase 14:28

Dopa pipala mena oseme ipyuo penge uliulipi dee dupwana minyingi akali dupwape Isipi ama yanda singipi Isaraele wambu peteta kanda kanda peyami dupwa ipwame nyuo yambe piya. Mendaki mendepe lete paa nana lao peparae yambe piya.

Ekelesiyastisi 9:11

Dee mende namba lao kandapu. Doko isa yuu dakena wambu puu lao makandelyaminyipape dupwana lapome wini pii nange. Akali paka mona manja nao yanda pingi dokopa yuu peparae wini pii nangeko. Akali mona palenge dupwame bange kanape dupwa yuu peparae mondo lao reta nange. Akali kyawa sisingi palenge dupwame yuu peparae bange malu reto kamongo ingyuo kara nange. Akali mora mora petenge dupwame yuu peparae kamame ulipilipi paa nangeko. Dopa pyuo yuu gii lapona wambu peparae embone kara nao randa nyingi.

Jeremaya 9:23

Kamongo dokome letamo. Mona palenge akali dupwame nakamana mona palyuo soo nyinginya renge doko lakanda nana. Panda akali porai dupwame nakamana porainya renge doko range lakanda nanako. Akali bange malu retenge dupwame nakamana bange dupwana lao range lakanda nanako.

Emosa 2:14

Dopa piraminyi dokopa akali kata wakasa makando penge dupwa kapa paa narami. Dee akali porai dupwa nakamana porainya renge nembarami. Dee yanda singi dupwa nakama rangena kyawa lete minya naramiko.

Emosa 2:15

Yanda pingi akali dupwa nakamana panda isa para. Akali makando penge dupwa makando panya saka narami. Mena osena piso penge dupwa kata mende serandena papa narami.

Jasi 7:2

Dokopa Kamongo dokome Gitione lamaiyuo lao, Akali embame retaro karene dupwa nambame kandapu dokopa ama malu ingilyamo. Dokona nambame Mitiane wambu pipya pyao wini pela paase lao kapa nyisaro ingya nalyamo. Nakamame nakama malu dokona mee wini pimwa lao suu pyapala nambame angi nyisapi lao suu pyaa narami.

Jasi 7:4

Dokopa Kamongome Gitione lamaiyuo, Emba kamame akali soo kaeyoko retaro kareneŋe nakama lanyuo ipwa mare dokona pupi. Dokopa nambame dokona lili pyakaro. Dokopa nambame akali mende embapa role parambi laro ramo doko kapa baa para. Dee akali mende embapa paa narambi laro ramo doko baa paa narako, leya.

1 Samyuele 17:4

Akali Golayate lenge yuu taone Gati lenge dokona palenge doko Pilisitia wambu kareyaminyi dokona piso epeya. Epapala Isaraele wambu dupwa pipya yanda pimanale epena leya. Akali baa ama londe wakasa mita rema dopale ingyuo kareya.

1 Samyuele 2:9

Kamongome wambu banya yulu kare kare soo pyuo karenge dupwa kyawa minyingi. Dopa pilyamopape yulu koo pingi dupwa iminjingi dokona nyuo ope ape pokenge. Akali rangena poraindeme koo dupwa nyuo kalyuo anamengende daa.