Samu 24:4 - Anatunya Buku Baepole Ole Testamene Pii Lapo dee Nuu Tesamene

⁴ Dokona akali mende yulu piramo dokopa koo pii nao suu pingi keyange palyuo bange kingimi wasisi dupwa lakanda nao kyambo lao kana minya nao pira.

Samu 24:4 ပူးပေါင်းရင်းမြစ်များ

Jenesese 6:5

Isa wambu peparae ama yulu koo wakasa pyuo karo suu pingi koo rengeme simbwapyamo karaminyi lao Anatumi kandeya.

Samu 15:4

Anatumi awa nange dupwa baame nakama epe kanda nange. Dopa pipyamopape Kamongo rape rape lenge dupwa baame ketae pyambungi. Baame piru lengenyili pyuo kaeya nao andake dokona palyilyamopape pipala kaenge.

Samu 51:10

O Anatu, mona au pisi sinya laowasakare. Dee imambu enenge emba keta yaki nyii nao yulu pingi doko namba keta jereko.

Samu 51:12

Embame namba pyuo nyiinyi dokona piso mona pyakalyuo pingi renge doko epenge. Doko dee range jepe. Jepala dokopa namba waa waa karo rape rape lao pingirenge jere.

Samu 73:1

Anatumi Isaraele wambu keta yulu elyape pingi. Kinyi, wambu monarena yapasi seramo dupwa keta elyape ingyuo penge.

Isikiolo 18:15

Isaraele wambu dupwana anatu lao isa kanapeme wasisi dupwa semango karo lakanda nao Anatumi daa lenge panda dupwana bange lapo pyao kiso maingi dupwana wane baa naa nao akali mendena enda dupwa kepo pyakami nao

Isikiolo 18:6

doko baa Isaraele wambu dupwame bange lapo anatu lao wasisi semango karo bange lapo lakando pyao kiso maingi dupwana naa nange ingyara. Baa akali mendena enda kepo pyakami nao panda enda nenge range nao petenge dokopa kepo pii nange ingyuo karara.

Malakae 3:5

Kamongo Porai Wakasa dokome lao, Nambame nakama yapalya yapana pela eparo. Epapala pipu lao karenge wambu dupwape kepo pingi dupwape panga soo kote pii lenge dupwape dee yulu pyakamingi akali dupwame kana lapo waa pyakepo nyakamingipi enda waiyape wane muiyanepe wambu yuu wakale rangepe minyoko pingi dupwape dee namba rape rape laa nao karengepe wambu dupwana peparae namba epapala aopa isa palyuo lakamiru.

Matyu 5:8

Wambu mona mendaki palyuo karaminyi dupwame Anatu kandarami dokona nakama rae maiyuo pelyaminyi.

APOSELENA YULU 14:15

Nakama akali dupwa apa pipyasa dopa pilyaminyi? Nambwa mee akali nakama dopale. Nakama mee bange kingi lao karaminyi dupwa yaki nyepala Anatu lete karalu karenge dokome baa yake doko pyuo waso yuu doko pyuo waso ipwa kotape dee dokona palenge dupwa pyuo waso piya. Wasiyamo dokoko mona kapu kyuo suu pyao karalapape lao waili pii keyange doko nakama langya epelyambano.

APOSELENA YULU 15:9

Baame namwa kamame mendepale inginyi pyambuo suu pyao nakama mee mende ingyuo suu pyao piyande daa. Nakamame Yesu kapa ingingi lao suu piyamisa monarena koo dupwa pyuo poo pyao nyakamiya.

2 Korina 7:1

Yangonemoo Anatumi kinyi lalu lao leyamo renge keyange dupwa peparae namwa keta palamo. Dokona yulu mendeme namwana yongope imambupi karo pisinyi pyambungi doko rekya lao liti pimana. Yulu poo pyasi iki moko minyuo pyuo karo Anatu pako karo baa yeelyo poraiyuo suu pyao karamanale.

Dutaronome 4:19

Nakamame yake dokona netape kanape buipi dupwa kandapala dokopa walu lao lakando dusipana lao minyuo yulu pii nalapape. Nakamana Kamongo Anatumi wambu wakale keta bange dusipa lakandena lao maiya.

1 Timoti 1:10

Dopako pyuo wambu pundange yulu pingipi wambu kepo pingipi wane wanake nyaŋa waa nyingipi wambu kyambo lengepe wambu pii kyarepa pingipi wambu angi rolae pii nangepe Anatumi nakamana lao suu pyao lowa pii dupwa wasiya.

1 Timoti 2:8

Anatu iki suu pingi dupwa imbuo apiyanda pyuo lao kara napala yuu muu dupwana peparae ateŋa lao karamili lao suu pilyu.

Jemesa 4:8

Anatu karamo dokona repetale ipupwape. Dokopa baa nakama keta repetale epara. Nakama akali koo pingi dupwa nakamana kingi dupwa wate pipape. Nakama suu pingi lama mandenge dupwa monarena pyuo poo pyalapape.

Orepalaisane 21:27

Dopa pyuo eparaminyipape yulu kwao karengepe dee elya nao koo pingipi kyambo lao karengepe dupwa taone dokona epa narami. Sipisipi Ikyanena lete palenge buku dokopa nakamana kingi silyamo dupwa iki taone dokona eparami.