Samu 24:1 - Anatunya Buku Baepole Ole Testamene Pii Lapo dee Nuu Tesamene

¹ Yuu muu silyamo dokope bange peparae yuu dokona silyamo dupwape Kamongona ingyuo silyamo. Yuu dokope wambu dokona palaminyi dupwa opetaeko banya ingyuo pelyamo.

Samu 24:1 ပူးပေါင်းရင်းမြစ်များ

Jopo 41:11

Api mendeme baa minyapala nyera ramo wambu doko range lete kararase? Yuu muu dupwana peparae wambu mendemepe dopa pirami ingya nange.

Jopo 41:3

Embame nembapili lao emba piso sokondali pirase? Embame baa sakame kumapili lapala angangi pii larase?

Samu 89:11

Yake doko embena ingyuo silyamo. Dee yuu doko opetaeko. Embame yuupi yuu muu dupwana bange wakale wakale singi dupwape wasii.

Samu 89:12

Yuu parali dolapo wasiinyi silyamo. Yuu Tapo Emonepa kyau dolapome embena lao rae maiyuo kenane pyakange.

Ekesetase 19:5

Epapu nakama nambana pii warombo soo kana minyuo lalu lao lenge pii doko minyaro kararami ramo doko nakama namba rangena wambu ingyalu ingyuo ingyarami. Isa yuu dake peparae nambana ingyapyamopape nakama nambana rombo palyisi wambu ingyarami.

Ekesetase 9:29

Leyamo dokopa Moseseme baa lamaiyuo, Namba taone andake dake yaki nyuo paparo dokopa aopa yake dokona Kamongo Anatu karamo dokona nambana kingi pyalyuo ateŋa laro. Dokopa yuu galape apunda randake kapape dupwa epa nara. Dopa piramo dokopa yuu muu doo silyamo dupwa Kamongonalyamo lao sere, leya.

Daniele 4:25

Emba wambu menge dupwa pipya rekya lao nyisa papala mena suwa rae lengepe pipya palyuo kararami. Dee emba mena bulamakao yale okese lenge rambi nenge dopale ingyuo nao ee kana yanda ipingi kamanda palyuo kararenepa pipyae dupwa kondo epo emba keta piso karara. Dokopa embame lao, Mee isa wambunya kiŋinya isingi yulu dupwa peparae Anatu Mupwa Andake Wakasa dokome rolo rapu pyuo karenge. Baame yuu dupwana kiŋi karena lao rombo palyingi lare, leya.

Maeka 4:13

Kamongome dopa letamo. Jerusaleme wambu dupwa nakamana yanda pimwai dupwa randa nenge kyai ane isa dopale manda manjo wasanyi pyambwaro. Nakamame wambu rara malu anamasi minyinyi palyuo kararami dokona nakamana bange dupwa peparae nambana ingyuo dee Kamongo yuu muu peparaena ingyuo karamo dokona ingyara.

1 Korina 10:26

Anatunya pii pyasi dokome lao dokopa, Yuu peparae dee bange dokona silyamo dupwape Kamongona letamo.

Dutaronome 10:14

Yake ketae silyamo dokope isa yuu dokope dee isa yuu dakena bange peparae silyamo dupwape Kamongona.