Samu 22:6 - Anatunya Buku Baepole Ole Testamene Pii Lapo dee Nuu Tesamene

⁶ Dopa piyamopape namba epapu wambu ingya nalyamo. Namba mee kau kui dopale. Wambu dupwame namba kando awa nao giyalya giyana pyuo karaminyi.

Samu 22:6 ပူးပေါင်းရင်းမြစ်များ

Aisaya 41:14

Kamongo dokome lao, Isaraele wambu dupwa nakama kuki ingyapala porai ingya napyamopape namba nakama nyisaroŋo paka nalapape. Namba Isaraele wambunya Anatu poo pyasi dokome nakama kyawa lete nyuo nyisiyu kande.

Aisaya 49:7

Akali mende baa kando yuu liti wakale wakale range dupwame kilya kando awa nao karaminyi doko randa nao karo baa isingi akali mupwana kendemande yulu pyakamyuo karenge akali doko kando Isaraele wambunya Anatu poo pyasi lete wai pyao nyingi dokome dopa pira, letamo. Kiŋi dupwame emba kiiramo epare kandapala nakamame sipurapala rape rape lao kararami. Dee kiŋinya wane dupwame emba kandapala isa pangu soo embena kingi ketae pyambuo lakandarami, lamailyamo. Dopa pyuo para renge doko Kamongo dokome banya kendemande akali doko rombo palyiya. Isaraele wambunya Anatu poo pyasi doko banya pii lalu lao lapala kaeya nange

Aisaya 53:3

Namwame baa epe kanda nale nale lapala baa mata maiyuo kareyama. Baame randa dupwa epeyamopa yasu nao rando kareya. Dopa pyuo kareyamopa mendeme baa kandalana suu pyaa nayami. namwame baa mende daaŋa lao suu piyama.

Matyu 11:19

Dee Ikinyingi Akali epapala nenge nao waene ipwange nao pyuo karapyamo kandapala nakamame baa kyawa sisingi bolombalo lapyamopa takisi nyingi akalipi dee yulu koo pingi wambupi dupwana puu minyingi ingilyamo, letaminyi. Dopa pyuo laminyipape Anatunya singinya renge dokome yulu angi kulisa doko potemelyamo.

Matyu 12:24

Dopa leyaminyipape Parisi dupwame sepala, Imambu koo dupwana kamongo Belesapulu lenge dokome baa minyapyasa imambu koo dupwa rekya lanyi nembelyamo, leyami.

Jone 7:15

Juu wambu dupwame dopa pyuo kareyamo kando ayaka lao dopa leyami. Akali dake sukuli laa nange dokona apa pyuo soo gisilyase? leyami.

Jone 7:20

Wambu dupwame isingi lamaiyuo, Emba keta imambu koo mende palamo. Apimi emba pyao kumakalana lao suu pyao karamisi?

Jone 8:48

Juu akali dupwame baa lamaiyuo, Emba Samaria akali ingyuo imambu koo mendeme maralyipyamo karene lalamano doko kapa laa nalyamase? leyami.

Ipuru 13:12

Menana yanenge dupwa taone kame netarena mee kisinyi nembenge doko suu pyao Yesu baa taone netarena dokona banya ranjama angi doko wambunya koo dupwa wate pinyi nembaro lao yaso koo nao kulimbuo maiya.

Orepalaisane 15:3

Nakamame Anatunya kendemande akali Mosesena kenane doko pyao dee Sipisipi Ikyanena kenane doko pyao dopa pyuo leyami. O Kamongo Anatu Ama Porai doko, embena yulu dupwa peparae ama wakasa ingyapala elyape rolae ingyuo singi. Emba yuu muu peparaena kiŋi ingyuo karene.