Samu 19:8 - Anatunya Buku Baepole Ole Testamene Pii Lapo dee Nuu Tesamene

⁸ Kamongona mawa pii dupwa rolae ingyuo penge. Mendeme dokona soo rape rape lao minyaraminyi dupwa rae maiyuo parami. Banya mawa pii pinya lao lenge dupwa angi dokona lenge dokome soo nyingi renge maingi.

Samu 19:8 ပူးပေါင်းရင်းမြစ်များ

Jenesese 26:5

Aporakame namba leyonuli pyuo nambana mawa piidupwape lowa kuki andakepe warombo soo kareyamo dokona lao piralya kande, leya.

Niyamaya 8:12

Pii doko soo nyiyaminyi dokome wambu peparae kata nyuo papala nenge nao ipwa nao nenge mokwa soo maiyuo raeme kumuo piyami.

Niyamaya 9:13

Yake dokona karo epo yuu Sainai kyau dokona embena wambu dupwa pii lamaii. Mawa pii keyange dupwa maiyuo mana pii rolae dupwa lamaiyuo pii.

Samu 105:45

Renge doko banya wambu dupwame banya lowa dupwana kamba laa nao karo mawa pii lasi dupwa minyakao karo pirami lao piya.

Samu 119:105

Embena pii doko lambeme pinginyili pyuo namba kata lasaka pingi. Dopa pyuo namba pelyono dokona kendali ingyuo namba rao lanyuo penge.

Samu 119:130

Embena mana lenge doko pano eŋa papala yakara pingi wambu dupwa soo nyingi renge maipinyipa soo karaminyi.

Samu 119:143

Namba keta randa renge simbuo sipyamosa mona randame kumulyu. Dopa pipunupape embena mawa pii dokome namba rae mainyi pyambulyamo.

Samu 40:8

Emba suu pyarenyili pyuo piri. Embena mawa pii doko nambana monarena manjo karenge, leya.

Samu 93:5

Kamongo, embena lowa dupwa yuu peparae sulu singi. Embena tembole anda doko ama poo pyasi wakasa ingyuo karalu karara.

Ekesetase 18:16

Wamba lama apiyanda pipala namba keta epenge dokopa namba apinya angi rolae lao yapalyuo soo rolenge. Rolapala dokopa Anatunya mawa pii dupwa polo lamaingi, leya.

Aisaya 64:5

Wambu rolae doko anjuku lao soo nyuo rae maiyuo pingi dupwa embame yako lao nyingi. Embame nakama apa pyuo piso karo pimili lao suu pilini dokona palyuo pyuo petenge dupwa yako lao nyingipya. Embame namwa kando imbu singi nyipinyipape namwame koo doko pyuo puu pelyamano. Embame randa jelana imbu singi manjipinyipape wamba koo pyuo kareyaminyili pyuo namwa pyuoko pelyamano.

Jeremaya 15:16

Embame namba pii langii dokopa pii mende isa nemba nao siyu kande. Kamongo Anatu Porai Wakasa doko, namba embena kandale. Dokona lao embena pii doko nambana monarena rae maingi mona pyakalyuo pingipi renge dupwa pipya palyuo simbulyamo.

Isikiolo 36:27

Nambame nambana imambu doko nakamana mona rena palyapala nambana lowa pii kuki epengepe jiyunu dupwa apa pyuo minyilyaminyi lao kando kararo.

Orome 3:20

Akali mendeme Lowana iki minyapala Anatunya lenge kambu dokona rolae ingyuo kara nara. Baa Lowa singi dokome yulu koo pipulyamo lao baa range sera.

Orome 7:22

Kinyi nambana mona andarena Anatunya lowa doko mona retelyo.

Orome 7:7

Dokona lao apa laramase? Lowa angi doko kooŋo laramase? Ama daa. Lowa dokome koo dokoŋo lao lasaka piya. Lowame wambu yangona bange awuapala nyipuli nyipuli yaka lao suu pyaa napipi laa nayali doko nyipuli nyipuli yaka lao suu pingi kata dokona lao soo pakana palya nayoli.

Galasia 2:19

Lowa dokome namba mata rukyu piyamo kumasi ingyuo kareyo. Lowa rangeme dopa pyuo namba pyao kumuyamopa epapu Anatunya lete dokona karalu kararo. Koraisapa isa mamandona kumasi paleyo dokona epapu namba range angi kara nalyo. Koraisa banya lete renge doko namba keta palamo. Epapu yulu pyuo karo dupwa Anatunya Ikinyingi namba mona retapala kumuyamo doko baa kapa ingingi lao suu pyao pyuo karapusa pilyamoko. Anatunya mona keyange palyuo ipingi doko mata maiyuo nemba nalyo. Akali dupwa Lowa dokome Anatupa rolae ingyuo peyamili doko Koraisa baa mee kumuo paleyali.

Galasia 3:21

Pii doko Anatunya lalu lao lenge pii dokona Lowa dokome yanda pimwailyamo lao letape? Doko daa. Wambu lete maingi lowa wasiyali doko Anatumi lowa dokome wambu rolae inginya leyali.