Samu 15:5 - Anatunya Buku Baepole Ole Testamene Pii Lapo dee Nuu Tesamene

⁵ Bange mailyamo dokona mende konda pyuo nyipulinya suu pyaa nao mailyamo dolapoko range nyingi. Wambu koo pii nange dupwa kando wambu lapome bange jeramaŋa wambu lapo kando pii kyatepa pyuo lakana lenge dokona lakami nange. Yulu doo letamo dusipa piramo wambu doko range kame pyuo minyarasa pira.

Samu 15:5 ပူးပေါင်းရင်းမြစ်များ

Samu 16:8

Yuu peparae Kamongo doko namba role pyao karapyamo doko soo karo. Baa repeta karamo dokona namba walu lao kara naro.

Aisaya 33:15

Lete karalana ramo doko rolae doko anjuku lao pirami. Nakama pendewa dupwa kando panga soo ilimungu kalimungu lao bange nyakami narami. Dopa pyuo kunji pyuo kana nakami nalapape. Nakamame wambu pyao kumakalana pingipi yulu koo wakale wakale pinya pingipi pipya role pyao kara nalapape.

Isikiolo 18:17

Baa koo dupwa pii napalape dee kana dupwa matana piso nyii nange. Baa nambana lowa minyuo letonuli pyuo karara. Dopa pira ramo doko banya rakangena yulu koo dupwana lao kuma napala baa mee lete karara.

Isikiolo 18:27

Dee akali koo pingi mendeme koo doko mata maiyuo kaepala epo keyange rolae pira ramo baa range lete wai pyao nyerasa pira.

Isikiolo 18:8

Baame kana matana piso nyipuli lao maiya nange. Koo dupwa pinya pakapala kote dupwana kinyi dokona iki lao kunjingi.

Maeka 7:3

Nakama peparae yulu koo dupwana pinya ama mora piso otasi karaminyi. Akali mupwa dupwape kote singi dupwapeme yulu koo dokona panga soo nyisamana kana jinya lao nyakamyuo karaminyi. Akali andake dokome lao dokopa, Dopa pimili lao suu pilyu, lapyamo dokopa menge dupwa pipya wato lao petaminyi.

Matyu 26:15

Nambame Yesu nakama keta minya sakaro ramo doko aki bange mende jerami, leya. Dokopa kana kulingi akalisa rema baa maiyami.

Jone 13:17

Pii doko soo gisapala kararami ramo doko nakama keyange keta palirami.

1 Samyuele 12:3

Dokona namba dae karo dakeŋe namba nakama keta kopetame mende piyunde ramo doko Kamongo banya lenge kambu dokonape epo namba randa joo lalapape. Nambame nakama mendena mena bulamakaope dee mena dongepe dupwana mende nyakayose? Nambame mendali kando randa maiyuo panga sepala mendena waa nyakamipusi? Panda akali mende nambame girisi pyuo nyiso kote sakamipusi? Nambame doo leto dupwana lapo piyunde ramo doko angi bange nyiyunu dupwana isingi range yano pyakaro, leya.