Samu 148:8 - Anatunya Buku Baepole Ole Testamene Pii Lapo dee Nuu Tesamene

⁸ Yuu pelepe randake kapape ipwa ase dokope kopape porambaiye porai dupwamepe nakama pii laramuli pyuo pingi dupwame baa lakandalapape.

Samu 148:8 ပူးပေါင်းရင်းမြစ်များ

Jenesese 19:24

Dokopa Kamongo dokome yuu Sotoma Gomorapana yake kata lumbwa lao pipala apu epengedopale ingyuo kana dupwa isare paleta isa peeya.

Samu 103:20

Nakama aŋala porai banya mawa pii rape rape lao piraminyi dupwape baa laramopii doko waa lao kale yukupala soo pisiraminyi dupwapeme Kamongo doko lakandarami.

Ekesetase 10:13

Dokopa Moseseme pangali isa doko minyalyiyasa Kamongome yuu dokona porambaiye yuu neta pyakaenge dorena piso korakama peparae minyuo pao kukwa peparae ingiya. Dokopa yangama aimbu angi dupwa nyuo soo epo malu palyiya.

Ekesetase 10:19

Dokopa Kamongome dee neta pyakaenge dorena piso poo leyamo doko alowa pyuo neta yalyingi dokona piso porai ingyuo renge kuiyuo lapala aimbu peparae nyepala ipwa kota Kone lenge dorena soo kaki piya. Dokopa Isipi dokona aimbu mendaki mendepe pyarepala pao pisa naya.

Ekesetase 14:21

Dokopa Mosesena kingi doko ipwa kota dorena ketae palyiyamo dokopa Kamongome neta pyakaenge dorena porambaiye ama porakai mende minyapala ipwa kota doko pyao soo peya. Minyuo pao yuu gii dokona kukwa peparaepe mende minyoko siyasa ipwa kota doko kaepala mee yuu oo lasi ingyuo siya.

Joele 2:30

Repe repe lamaiyuo dokopa yake dulunya yulu andake wambu dupwame kando yamarangwarami dopale pyuo isa yuu dokona wambu kandena lao yulu andake lapo lasaka pyuo piru. Ranjama kulimbuo soo isare rao isare sukwa doko kopa soo rali pyuo pira dusipa kandena lao lasaka piru.

Emosa 4:13

Anatu baame iki yuu kyau dupwa pyuo waso porambaiye dupwa pyuo piya. Baame banya suu pingi dupwa akali dupwa soo nyinya lao lamaingi. Baameko yuu yango karenge doko iminjinyi lao alowa pingi. Baa yuu muu dupwana kyawa nyuo kata papingi. Dopa pingi dokona kingi doko Kamongo Anatu Porai Wakasa lenge.

Emosa 7:4

Kamongo Mupwa Andake Wakasa karenge dokome renge mendeko namba lasaka piyamo kandeyo. Kandeyono dokona Kamongo dokome banya wambu dupwa isarena pyao yangalana rapa rapa piyamo kandeyo. Isare dokome yuu kokorena ipwa kota andake doko reyamo kandeyo. Rao epo yuu dake ralana kanda soo reyamo kandeyo.

Jona 1:4

Peyamopape Kamongome porambaiye andake mende ipwa kota dokona minyiyamosa ipwa kota doko kasakole minyuo ketae epapala nakamba sipu paleta nyuo kapu kyalena piya.

Jona 1:5

Dopa piyasa sipu akali dupwa pakame kumuyami. Kumapala nakamana anatu wakale wakale dupwame nyisinya lao poraiyuo loma siyami. Dopa sipu doko yaepena lao bange minyiyaminyi dupwa pyao ipwa kota dokona nembeyami. Dopa piyaminyipape Jona baa papala sipu koko donge siyamo dusa luu palu palyuo paleya.

Josua 10:11

Isaraele wambu dupwame peteta peyaminyi dokopa Amote wambu dupwa lano makando peyaminyipa Kamongome yake dokona piso randake kapa isa peyapala wambu malumee pyao kumakaya. Isaraele wambu dupwame wambu pyao kumakayaminyipape randake kapame kamame wakasa pyao kumakaya.

Orepalaisane 16:21

Apu andake randake kapa reeko lasi kope byake dopale paleta isa epeyamo dokopa wambu dupwa piya. Dopa pyuo piyasa randake kapa dokome randa koo napala Anatu kando kilya kando leyami. (Anatu yaki nyepala imambu wakale wakale suu pyaro kareyasa dokona enda pamuku leya.)