Samu 137:7 - Anatunya Buku Baepole Ole Testamene Pii Lapo dee Nuu Tesamene

⁷ Kamongo embame Jerusaleme wambu anjo nyuo peyami dokopa yuu Itome wambu dupwame koo piyami kande doko kame soo kaeya napala suu pyao karape. Suu pyao karo dokopa nakamame yuu andape lalyuo bolombalo nembena lao lapa pyuo kareyami kande.

Samu 137:7 ပူးပေါင်းရင်းမြစ်များ

Ekesetase 17:14

Dokopa Kamongome Mosese lamaiyuo lao, Wambu dupwame suu pyaramiŋi lao dopa pyuo Amaleke wambu pyao anamasi minyiyamaŋa lao arome pyaramiŋi sinju pii pyao retape. Dee Josua lamaiyuo, Nambame Amaleke wambu dupwa kingi see nana lao pyao nembalu nembo nembaro lapya lape, leya.

Emosa 1:11

Kamongo dokome dopa leya. Yuu Itome range wambu dupwame yulu koo doko kamba pyuo kamba pyuo karenge dokona nambame nakama randa mairu, leya. Nakamame nakamana yangonge Isaraele wambu dupwa mena rae lenge pyalaminyili pyuo roko nyinyi palyuo pyao kareyami. Dopa pyuo piyaminyipa saka renge mende nakama keta pali naya. Nakamana imbu singi doko ipwa ingyuo guu lao kareya. Dokome kame soo kaeyarami ingya naya.

Apakuku 3:13

Embame papala embena wambu dupwa nyiso dokopa embena rombo palyasi kiŋi doko nyisiiko. Akali yulu koona mupwa ingingi doko pyapala banya letamuli pyuo pingi dupwa pyao kokwa sinya nembalu nembo nembee.

1 Samyuele 15:2

Isaraele wambu dupwa yuu Isipi piso epeyaminyi dokopa Amaleke wambu dupwame pyao randa maiyaminyi dokona Kamongo Anatu baame nakama randa maira.