Samu 132:2 - Anatunya Buku Baepole Ole Testamene Pii Lapo dee Nuu Tesamene

² Baame embapa lao kana minyuo Isaraele wambunya Anatu Porai dokome pii porai leyamo doko suu pyao karape.

Samu 132:2 ပူးပေါင်းရင်းမြစ်များ

Jenesese 49:24

Pyalana peyaminyipape yanda ipyuo pyalana saka nayami. Rakane Jekopena Anatu Porai Wakasa dokome nyisiyasa piya. Isaraelena Rapu Pingi Kanana Porai dokome baa nyisiyasa piya.

2 Samyuele 7:1

Kiŋi Dapiti banya anda dokona kapa palu pisipiyamo dokopa Kamongo dokome banya nyisu petenge dupwame pyasasaramiŋi lapala nyiso kyawa lete nyiya.

2 Samyuele 7:2

Dokopa kiŋi dokome poropeta akali Netane lamaiyuo lao, Namba dae isa sita lengeme anda pisi dokona palo. Dopa pipunupape Kamongona Kana Minyuo Lalu Lao Lenge Pii Palenge Bokote doko mee komau anda pisi dokona silyamo. Doko kapa daa, leya.

Samu 119:106

Nambame embena mana pii rolae doko rape rape lao minyuo yaki nyii naroŋo lao pii lalu lao lenge ingyuo andakena palyuo lao retapunu pilyamo.

Samu 132:5

Dopa pyuo pao Kamongo karara yuu dokope dee anda Isaraele wambunya Anatu Porai doko palira anda doko maipala dokopa luu palyuo nenge nao kame sero.

Samu 46:11

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 65:1

Anatu, yuu Sayone dokona namwame emba lakandapengeli ingilyamo. Namwame dopa pirama lao lalu lao lenge pii doko minyapenge ingilyamo.

Aisaya 49:26

Nambame nakama pyalana piraminyi wambu dupwa yango sukusa range pyao kumasinya lao piru. Wambu ipwa biya napala kopyali kyakaenge doko suu pyao nakamame wambu yango mende pyao kumako imbu singi andake manjo kararami. Dokopa wambu rara peparae dupwame namba Kamongo nakama kyawa lete nyuo kiiramo nyii doko lamo lao soo nyerami. Nakamame namba Isaraele wambunya porai renge palenge Anatu doko lamo lao soo nyuo pirami.

Aisaya 60:16

Dokopa endangimi dokome banya wane rapu pinginyili pyuo wambu rara dupwamepe kiŋi dupwamepe nakama rapu pirami. Dokopa namba Kamongo Isaraele wambunya Anatu porai dokome nakama kyawa lete nyuo kiiramo nyiilyamo lao serami.