Samu 116:1 - Anatunya Buku Baepole Ole Testamene Pii Lapo dee Nuu Tesamene

¹ Nambana pii sipyamo dokona Kamongo doko mona maiyuo karo. Baame nambana ateŋa lao karapu dupwa silyamo.

Samu 116:1 ပူးပေါင်းရင်းမြစ်များ

Jenesese 35:2

Dokopa Jekope banya role pyao karenge akali dupwape banya ree palupi dupwa lamaiyuo lao, Nakamba yuu wakalemana pyarepa kana dupwa nembapala nakamana kata minyingi dupwa nembo rolo komau elyapedupwa wapwalapape.

1 Kiŋi 9:3

Dopa pipala Kamongo dokome baa lamaiyuo lao, Nambame embena ateŋa doko sipu. Namba yuu peparae lakando karalu kararami panda ingyuo embame waso pipinyi tembole anda dake nambame poo pyasi inginyi pyambulyu. Dopa pyuo nambame au pyuo rapu pyuo kyawa minyuo karalu kararo.

Samu 119:132

Embena mona retenge dupwa kando pingi dokosuu pyao namba lenge kambu joo sakame kumuo karape.

Samu 40:1

Kamongo dokome namba nyisara lao suu pyao mee isaro kareyo. Dokopa enakana nambana ee leyo doko baame siya.

Samu 69:33

Kamongome bange yano pilyamo karelyaminyi dupwana pii doko soo nyuo dee banya wambu karapusi palenge dupwa kame see naowako karo pingi.

Jona 2:3

Embame namba nyuo koko isa pyambwapisa namba ipwa kota dokome koko kako pyapala nyuo yambe pyapya.

Nambase 21:3

Pii leyaminyi doko Kamongome sepala nyisiyamopa Kenane range dupwa pyao isa palyiyami. Dokona lao Isaraele wambu dupwame nakamape nakamana yuu taonepe pyao nembalu nembo nembapala yuu doko kingi Orima, leyami.

Make 12:33

Namwa isa wambu dupwame mona anda dokomepe suu pingi dokomepe rangena imambu dokomepe ama porayapala, Anatu dokona mona reto karapenge ingilyamo. Dokonako ingyuo wambu yango opetae mona reto kararama ingilyamo. Namwa wamba Anatu lao mena pyao kana pyare dupwana kiso maiyuo kareyami doko epapu lowa andake dolapo angiŋi minyapenge ingilyamo leya.

Jone 16:24

Wamba nambana kingi dokona lao piso see nayami. Monarena pyakalyuo pingi renge dokome simbuo pyoko pyoko lena lapala piso selapape. Dokopa kando nyerami ingilyamo.

Jone 21:17

Lapala dee kamba repo pyuo piso siya. Saimone, Jonena ikinyingi, embame namba puu minyuo karese? leya. Baame repo pyuo, Embame namba puu minyuo karese? lamaiyamo dokopa Pita mona randaya. Randapala, Kamongo, emba peparae soo gisingi leya. Nambame emba puu minyuo karo doko emba kando silinyi lao kande, leya. Yesumi baa lamaiyuo, Nambana sipisipi nenge pyako karape, leya.

1 Jone 4:19

Baame namwa wambo mona reteyamo dokona lao namwame baa mona reto karamano.

1 Samyuele 1:26

Aname Ilai kando lao, Pii mende langirole lapala lamaiyuo, Namba enda mende dakena karo Kamongo lao ateŋa lao kareya kande dokoŋo lao kando soo gisa nalepe? leya.