Samu 115:1 - Anatunya Buku Baepole Ole Testamene Pii Lapo dee Nuu Tesamene

¹ Emba yeelyo Kamongo. Embena kingi doko iki lakandarama. Namwana kingi doko isa palena. Emba mondo lao pyuo karo mona retalu reto retapinyi dokona lakandarama.

Samu 115:1 ပူးပေါင်းရင်းမြစ်များ

Samu 96:8

Kamongona kingi keyange ketae palenge doko lakandalapa. Bange Anatu mee maingi mende minyuo banya tembole anda dokona epo karalapape.

Isikiolo 36:22

Dakepa doko namba Kamongo Mupwa Andake Wakasa karenge dokona pii Isaraele wambu nakama lamainya pilyu doko lamaiyakape. Nambame renge mende pyupono lamo doko Isaraele wambu nakamana reke lao pinya pilini lao suu pyasaramiŋi doko daa. Nakama yuu liti wakale wakale dupwana peyaminyi dokona nambana kingi poo pyasi doko nyuo yuu paranyi nembo peyaminyi dokona lao piru.

Isikiolo 36:32

Nambana yulu keyange pilyu dupwa Isaraele wambu nakamana reke lao pilini lao masarami doko daa. Nakama nambana yulu keyange doko kando koo dupwana elya nyimili lapala pipunu pilyamo, dopa lao namba Kamongo Mupwa Andake Wakasa karenge dokome pii dake lapunu pilyamo.

Daniele 9:19

Kamongo, namwana ateŋa sakape. Sakapala Kamongo namwana koo dupwa nyuo kame sakape. Kamongo namwana pii sepala namwa keta yulu keyange mende pyakape. Wambu peparaeme emba Anatu lao soo nyinyaleŋe dokona mende pinya suu pilini doko waiya lao pepe. Yuu taone dake embena. Dee wambu dae karenge dupwa embenako.

Maeka 7:20

Embame embena yulu keyange pyakao karalu karenge dokope embena mona retalu reto retenge renge dokope dolapo embena Isaraele wambu Aporakame Jekopepena para pyasi dupwa lasaka piri. Wamba namwana rora ambasu dupwa dopa piruŋu lalu lao leeneli pyuo lasaka pirisa pira.

Jone 1:17

Mawa Pii doko Mosese keta jiya. Enakana dokopa mona keyange palyuo ipingi rengepe pii angi kinyinya renge dokope Yesu Koraisa baa keta paleyamopa epeya.

Epesasa 1:6

Anatumi mona keyange palyapala banya Ikinyingi mona retenge doko namwa mee jiya dokona lao banya kingi lakandamana.