Samu 110:3 - Anatunya Buku Baepole Ole Testamene Pii Lapo dee Nuu Tesamene

³ Embame embena yanda pimwai pipya yanda pirinyi dokopa embena wambu dupwame yanda pinya mona kumapala epo yanda pimana larami. Yangama yangama pipyae raeya malu singi dopale ingyuo embena wanyane akali dupwa emba karare dokona eparami.

Samu 110:3 ပူးပေါင်းရင်းမြစ်များ

Samu 96:9

Nakama mona yapasi dokome Kamongona lenge kambusa wapambu pii pyaro piso lakandalapape. Wambu peparaeme baa mupwa lao suu pyao walu lao pakao karalapape.

Maeka 5:6

Nembaramanopa nakamana yanda kaku wuape dokome porayapala yuu Asiria doko nyuo isa palyarami. Asiria wambu dupwame namwana yuu doko pyao uki palyamwali lao pirami dokopa dopa pyuo pyapala namwa nyiso kyawa lete nyerami.

APOSELENA YULU 1:8

Kapa see naraminyipape Imambu Poo Pyasi nakama keta epo maralyiya kande dokopa porainya renge nyerami. Nyepala nambana yulu dokona lao yuu Jerusaleme dokonape Jutia peparae dupwanape Samaria dupwanape isa yuu pinjingi dupwanape lamaiyakao kapa kapa pirami leya.

APOSELENA YULU 19:20

Dopa piyaminyi dokopa Kamongona pii doko soo ando londalu londo londeya.

APOSELENA YULU 2:33

Baa lopo epapala Anatunya kingi rolaerename nyiyamo dokopa Rakangeme Imambu Poo Pyasi nyera lao kaeyamo doko nyiya. Nyepala namwa keta mokwa soo jipyamopa poo lao ipyamosa pilyamo doko kandelyaminyi.

APOSELENA YULU 2:41

Leyamopa yuu gii dokopa wambu akalisa rema daako ama malu wakasa (3,000) banya pii soo nyepala bapitisimo nyuo sukusa epeyami.

APOSELENA YULU 21:20

Lamaiyamo pii doko sepala nakamame Anatu lakandeyami. Lakandapala nakamame baa dopa lamaiyami. Juu wambu karaminyi dupwana ama malu Yesu suu pyao karaminyi kande. Nakama peparaeme Mawa Pii dupwa kandokondali pyuo minyuo karenge.

APOSELENA YULU 4:4

Dopa piyaminyipape wambu malu pii soo kareyaminyi dokona kinyilyamo lao sepala Yesu mona maiyami. Dokona wamba kareyami dokona enakana sukusa pao konda pyuo peteyami akali peparae akalisa pao kingi paki daako ama malu wakasa (5,000) ingiya.

2 Korina 13:4

Baa pau lasi ingyuo kareyamopa isa mamandona pyao palyiyaminyipape Anatunya porainya renge dokome Koraisa lete karamo. Baamoo pipya pakao karenge dokome namwa opetaeko pau lasi ingyuo karenge. Anatunya porainya renge namwa keta paliramopa namwa Yesupa role pyao karo nakama rapu pyuo kararama.

2 Korina 8:12

Nakama rae maiyuo mailana suu pyarami ramo dokopa bange seramuli pyuo mairaminyi doko Anatu kapa lao suu pyara. Bange daa ramo doko mende laa nara.

2 Korina 8:16

Namwame nakama rae maiyuo nyisalana suu pilyamano doko suu pyao Anatumi Taitesa opetae nakama rae maiyuo nyisinya lao kareya. Dokona lao Anatu kando sangyu letamano.

Epesasa 1:4

Anatumi yuu muu dupwa ene wasapa nao karo dokopa Koraisa role pyao kararama lao namwa rombo palyiya. Dokome namwa koo mende pali nao yapasi inginyi pyambwara ingilyamo. Anatumi renge kuiyuo mona reto karapala

Pilipai 2:13

Anatumi nakama keta yuu peparae waa waa karanyi pyambuo dee banya renge dupwana warombo serami lao pingi.

1 Tesalonaika 4:7

Anatumi namwa rombo palyuo dokopa waa kepo pingi yulu dokona kararami lao kee leyande daa. Poo pyasi ingyuo kararamiŋi lao kee lao nyiya kande.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Ipuru 13:21

Anatu mona kyuu lao singi renge maingi doko baa nakama mora pisinyi pyambwaramopa Yesu Koraisa keta namwa yulu baa pipili lao suu pilyamo dupwa pimwali yaka. Koraisa baa neta renge ingyuo karalu karara, doko kinyi.

Orepalaisane 7:9

Dopa pyuo kandapeyono dokopa wambu ama soo kaeyo, mendeme kapa yaka lao sukusa paa narami dopale kandeyo. Yuu muu peparaenape pii rara wakale wakalepe yanenge rara wakale wakalepe wambu rara wakale wakalepe kiŋinya petenge isa andake siyamo Sipisipi Ikyanena lenge kambu dorena komau kakepame pipala isa bona yoko dupwa lakao eta eta palyuo minyuo kareyami.

Jasi 5:2

Isaraele wambu dupwana lita dupwame angingyuo yanda pelana suu piyami. Wambu dupwa rae maiyuo mee yanda pela peyami. Dokona lao Kamongo doko lakandalapape.

Jasi 5:9

Nambana mona doko Isaraele wambunya yanda singi dupwana akali iso karenge dupwa keta silyamo. Dee wambu lapo mee rae maiyuo yanda pela peyaminyi dupwana keta silyamoko. Kamongo doko lakandalapape.