Samu 110:2 - Anatunya Buku Baepole Ole Testamene Pii Lapo dee Nuu Tesamene

² Yuu Sayone dokona piso Kamongome embena kiŋinya yulu doko nyuo andakyanyi pyambwakaro. Dopa pipala embena yanda pimwai dupwa iso karalase lao piru, letamo.

Samu 110:2 ပူးပေါင်းရင်းမြစ်များ

Samu 72:8

Banya isingi yulu doko ipwa kota mendasa piso pao kota pete mendena suu lao dee ipwa Yuporisa lenge dokona piso pao yuu wangu dolapona kapa kapa pira.

Ekesetase 7:19

Kamongome Mosese lamaiyuo lao, Embame Erone lamaiyuo banya pangali isa doko nyepala yuu Isipi dokona ipwa epo pengepe ipwa epo pena lao suu nyingipi ipwa pete singipi dupwa peparaena ketae palyuo minyaro karena lamairi. Dopa piramo dokopa ipwa peparae ranjama ingyuo dee isa lukuluku pisinya ipwa singi dupwanape dee kana wasisinya ipwa petenge dupwanape opetaeko ranjama ingyuo yuu peparaene ranjama soo pira.

Ekesetase 8:5

Kamongome Mosese lamaiyuo lao, Embame Erone lamaiyuo banya pangali isa doko nyepala ipwa epo pengepe ipwa epo pena lao suu nyingipi ipwa pete singipi dupwa peparaena ketae palyuo minyaro karena. Dopa piramo dokopa mungi dupwa ketae epo yuu Isipi dokona mee ree ingyara lare, leya.

Aisaya 2:3

Yuu dupwana wambu dupwame lao dokopa Isaraele wambunya Kamongo Anatunya yuu kyau tembole anda dokona monako lao parami ingyara. Namwa baame apa pimili lao suu pilyamo dokona mana nyuo baame kata parama doko wapwakao otapya dokona pao pimanale. Kamongona mana pii doko yuu Jerusaleme dokona piso epara yuu Sayone dokona piso banya wambu dupwa lamailyamo.

Maeka 4:2

Dokopa nakamana wambu dupwame lao, Kamongona yuu kyau ketae dokona mwua. Isaraele wambunya Anatu banya tembole anda dokona mwua. Namwa baame yulu pimili lao suu pilyamo dupwa mana langira. Baame namwa kata parami lao rombo palyakayamo dupwana parama. Kamongona mana pii dupwa yuu Jerusaleme piso epelyamo. Yuu Sayone piso banya wambu dupwa pii lamailyamo.

Maeka 7:14

Kamongo, embena wambu yapo rombo palyuo nyiinyi dupwana emba rapu pingi akali karape. Nakama yuu muiyane dokona palyuo karaminyipape paki pakipi yuu elyape sipyamoko palaminyi. Yuu Besane yuu Giliatepe nenge singi yuu dolapona wamba piyaminyili pyuo nao palyuo karala pena lapili yaka.

Orome 1:16

Yesu Koraisana waili pii keyange dokona namba lalana elya nalyo. Banya waili pii keyange dokona porainya renge dokome Anatumi wambu baa mona mairami dupwa pyuo nyepa pingi. Juu dupwa wambo nyepala Juu daa rara wakale dupwa opetaeko pyuo nyera ingilyamo.

1 Tesalonaika 2:13

Renge mendena opetae yuu peparae Anatu sangyu letamano. Namwame Anatunya waili pii minyuo epeyamano doko soo nyiyami. Pii leyama doko mee wambunya pii lao masa nao Anatunya piilyamo lao soo nyiyami. Pii soo nyiyami doko Anatumi angiko. Anatumi nakama Kurisene wambu sukusa dokona yulu pyuo porainyi pyambuo karamo.