Samu 104:2 - Anatunya Buku Baepole Ole Testamene Pii Lapo dee Nuu Tesamene

^2-3 Emba kendali dokome komauna mendeke ingyuo pee piro karenge. Yake doko komau anda ingyuo kawake lapala karene. Ipwa ketae dorena embena anda pisi karenge kandale. Kopa dupwa mena ose ipyuo penge uliuli ingyaro karo porambaiye dokome papake ingyaro karena lao piso pengepya.

Samu 104:2 ပူးပေါင်းရင်းမြစ်များ

Aisaya 40:22

Baa isa yuu dokona ketaepe yake dulunya pena banya petenge isa dokona petenge dokome wasiya. Wambu isa palaminyi dupwa baa sipurali kuki dopale ingilyamo kandenge. Baame yake doko komau ingyuo minyuo pee lao komau anda pipala palenge dopale inginya lao pingi.

Aisaya 45:12

Nambame yuu doko wasapala dokona wambu rara dupwa palena leyo. Nambana porai renge dokome palepeta pyasinju leyo dokopa yake doko pee leya. Nambame renge palyuo neta kana buipi panda range dokona karena lao rapu pyuo karenge.

Daniele 7:9

Namba kandeyono dokopa petenge isa dupwa singinyili pyuo reteyamo kandeyo. Dokopa mendali palu karalu karenge doko baa petenge isa mendena peteya. Banya komau doko ama kewa wakasa lao randake kapa yale dee banya kyawa doko puu ulu karo pisa nange dopale. Banya petenge isa dokona isare uliyapu ingyuo rao dee isa petengena kimbu ipyuo minyuo penge dusipana isare ingyuo rao piyako.

Apakuku 3:4

Kamongo Anatu baa yanga paupau lao yuu pele ingyuo epenge. Banya kingi kape dokona piso yanga paupau lao epenge. Bange porainya renge doko banya kingi kape dokona yalu piru karenge.

Matyu 17:2

Peyaminyi dokopa baame nakama dusipana lenge kambu siyamo dorena karapala baa wamba yongo karenge doko kaepala yongo wakale maralyiya. Dokopa banya lenge kambu doko neta rao karenge doko suu pyao rao kareyamopa banya komau dusipa yanga paupau lao kyewa lao mama nyiya.

1 Timoti 6:16

Anatu baa iki kumungi renge doko pali nange. Baa rao yanga paupau lao karelyamo dokona mendali repeta paa nange. Baa mendemepe kanda nange dee mendeme kapa kandarami ingya nangeko. Banya kingi ketae pyambuo paliramopa wambu peparae iso karalu karena, doko kinyi.

1 Jone 1:5

Ikinyingi dokome waili pii namwa langiyamopa soo nyepala nakama langilyamano. Anatu baa yanga paupau lao karenge. Iminjingi doko baa keta pali nange.