Samu 103:1 - Anatunya Buku Baepole Ole Testamene Pii Lapo dee Nuu Tesamene

¹ Nambana imambu dokome Kamongo doko lakandarowale. Nambana yongope suu pingi imambupi peparaeme banya kingi poo pyasi doko lakandarowale.

Samu 103:1 ပူးပေါင်းရင်းမြစ်များ

Samu 103:22

Yuu baame isilyamo dupwa peparaena kata papingi bange peparae Kamongo wasiyamo dupwame baa lakandarami. Dopako pyuo namba Kamongodoko lakandarowale.

Samu 104:1

Nambana imambu dokome Kamongo lakandape. O Kamongo, nambana Anatu, emba kamame mupwa wakasa. Kingi ketae pao kingi neta renge ingyuo karo pingi dopale emba ketako paleta karenge.

Samu 145:1

Nambana Anatu emba kiŋi ingyuokarene doko embena yulu andake dupwa nambame lao panaro. Nambame embena kingi dokona ange lao karalu kararo.

Samu 47:7

Anatu baa kiŋi doko yuu muu dupwapeparaena iso karamo dokona kenane pyao lakandamana.

Samu 63:5

Nambana imambu doko imambunya nenge nao sikya pira dokopa nambame emba kenane pyao lakandaro.

Aisaya 6:3

Nakama range yango sukusa pii lao alowa pyuo lao, Poo pyasi, poo pyasi, poo pyasi, Kamongo Porai Wakasa doko poo pyasi. Banya neta renge yulu dokome yuu muu dupwana soo kapa kapa pinyale leyami.

Jone 4:24

Anatu baa imambuŋu dokome wambu baa ketae pyambuo yako lao karaminyi dupwame imambunya kulisa palyuo ketae pyambuo kingi larami ingilyamo leya.

1 Korina 14:15

Dokona lao apa pirusi? Nambana imambupi suu pingipi dolapo laparaeme ateŋa laope kenane pyaope pyuo kararo.

Pilipai 1:9

Nakama suu pyao ateŋa lakalyo. Ateŋa lao dokopa nakamana mona retenge doko kamame ando pulyuo paramopa nakama soo gisapala suu pingi keyange palyuo pyuo kararami lao lakalyo.

Kolosi 3:16

Koraisana pii nakamana mona anda dokona palyuo ando nyimbunya. Nakamana mona anda dokona Anatu sangyu lao misi kenane dupwape imambunya kenane dupwape ipwa kyukunaiye maiyuo pena lao pyao karalapape.

Orepalaisane 4:8

Lee renge bange kisima dupwa papake yanda ipingi nyepo kareta matarena andarenape dokona lenge yuu sero kareya. Nakama kukwa korakamape imambu sepa nao kenane dopa pyuo pyao karalu karenge. Poo pyasi, poo pyasi, poo pyasi Porai Wakasa Kamongo Anatu baa wamba kareya epapu karamo rengya kararako.