Samu 1:2 - Anatunya Buku Baepole Ole Testamene Pii Lapo dee Nuu Tesamene

² Yulu koo pingi kandale doko suu pyao alowa pyuo banya rae maingi dokome Kamongona Mawa Pii lasi singi dokona warombo soo yuu peparae kukwa korakamape yaka lao poraiyuo suu pingi.

Samu 1:2 ပူးပေါင်းရင်းမြစ်များ

Jenesese 24:63

Alemanji dokopa Aisake baa sipurapala ee dokona pao poraiyuo suu pyao kareya. Karo dokopa lenge pendakae lapala mena kamele dupwa epeyaminyi kandeya.

Esera 7:10

Eserame Kamongona lowa dupwa rae maiyuo mana nyepala moko minyuo karo lowa dupwa Isaraele wambu mana lamaiyuo kareya.

Samu 104:34

Nambana rae maingi renge doko baa keta epenge dokona nambame kenane pyaro dokome baa epe sinyale.

Samu 40:8

Emba suu pyarenyili pyuo piri. Embena mawa pii doko nambana monarena manjo karenge, leya.

Jeremaya 15:16

Embame namba pii langii dokopa pii mende isa nemba nao siyu kande. Kamongo Anatu Porai Wakasa doko, namba embena kandale. Dokona lao embena pii doko nambana monarena rae maingi mona pyakalyuo pingipi renge dupwa pipya palyuo simbulyamo.

Luku 18:7

Dokona suu pyao Anatumi banya wambu rombo palyiyamo yangala kwuara pilyamopa baa piso soo karenge dupwa kando lao rolakami narase? Nakama kando iliki maliki lapala nyisa nao kaeyarase?

Luku 2:37

Akalingi kumuyamopa baa enda waiya ingyuo ee kana akalisa mange lama karo ipisu kisima (84) peteya. Baa tembole anda doko yaki nyii nao kukwa korakamape nenge wasaka pyuo ateŋa lao Anatu ketae pyambuo yako lao peteya.

Orome 7:22

Kinyi nambana mona andarena Anatunya lowa doko mona retelyo.

1 Tesalonaika 2:9

Yangonemoo namwame yulu poraiyuo pyulu pyuo piyama doko kinyi silyaminyi. Bange lapo kee laa narama lao yuu peparae kukwamape korakamape Anatunya waili pii keyange polo langyuo yulu pyuoko kareyama.

1 Timoti 4:15

Yulu dokonako emba kumuo maipala mana nyuo piri. Pirinyi dokopa yulu doko ando paramopa wambumi kandenale.

2 Timoti 1:3

Nambana rora ambasupimi Anatu lakando mona suu pinginya pyapi pyuo soo lenge dokona namba opetaeko piyaminyili pyuo pipala eŋa pupyamopa Anatu sangyu lao karo. Yuu peparae kukwa korakamape ateŋa lao dokopa embena lao suu pyao Anatu sangyu lao lapa pilyu.

Josua 1:8

Embame Mawa Pii buku doko kambunya lao lao pyuo karape. Yuu peparae kukwa korakama lao mana nyepala pii dokona pyasi palamo dusipa peparae suu pyanyi pyano piso dokopa warombo sepe. Dokopa emba au pyuo keyange ingyuo elyape keta pare.

1 Jone 5:3

Dokonako ingyuo namwa Anatu mona reto kararama doko banya lowa dupwa palengenyili pyuo pyuo kararamasa pira. Banya lowa dupwame randa jii nange.