Poropepe 13:4 - Anatunya Buku Baepole Ole Testamene Pii Lapo dee Nuu Tesamene

⁴ Akali yulu poraiyuo pingi dokome baa nyelana suu pilyamo dupwa peparae nyingi kandale. Akali yulu pinya maka suku suku nenge dokome nyelana lao poraiyuo suu pilyamopape dupwa angi kapa nyii nange.

Poropepe 13:4 ပူးပေါင်းရင်းမြစ်များ

Jenesese 26:32

Yuu gii mendaki dokopako Aisakena kendemande akali dupwame yuwale kyasiyami dokona epo lamaiyuo lao, Namwa yuwale kyasimwa dokona ipwa kando nyimwa, leyami.

Poropepe 13:3

Dopa piraminyi pii angi suu pyaa nao langa lenge dokome baa range kokwa soo koo keta penge kandale. Dokona suu pyao emba pii kandokondali pyuo lapala embena lete kyawa doko range minyuo lao karare.

Poropepe 13:5

Wambu pii angi dokonako iki lenge dupwame kyambo pii dupwa epe kanda nange. Dopa pilyaminyipape akali kopetame pinginya pii dupwame wambu elya nyingi.

Poropepe 20:4

Akali ee wara pingi dokome baa yuu ape ape pyarali yuu gii dokopa maka suku suku napala kaenge doko dee jingi lyuo nyingi yuu gii eparamo dokopa baa angi mende lyuo nyii nara.

Poropepe 6:6

Maka suku suku nenge wambu dupwame sipurali kando apa pyuo palu karo pingi dokona mana nyerami ingilyamo.

Poropepe 8:34

Akali mende nambana anda kame kambu konandawame dokona isaro petengepe dee akali mende nambana pii soo nyingipi dupwa rae mairami.

Aisaya 58:11

Dokopa yuu peparae nambame nakama bange keyange dupwame mende yangya naramo karamili lao joo kata angi lasaka pyuo kararo. Dopa pyuo dokopa nambame nakama yanenge reto porai ingyuo karalapa lao minyaro kararo. Dokopa nakama ee nenge ipwa apupi nyepala menya menya lao andenge dopale ingyuo kararami. Dee ipwa guu doko sokwa nao epo karenge dopale ingyuo palyuo karo pirami.

Nambase 23:10

Sinjimu dupwa kapa yaka laa nange doko suu pyao Isaraele para pyasi dupwa sinjimu ingyapyasa kapa yaka laa nalyaminyi. Anatunya wambu mende yuu gii otapyamo kumulyaminyi dopale ingyuo namba kumapuli. Anatunya yulu rolae pingi wambu dupwa mona kyuu lao sipyamo kumulyaminyi dopale ingyuo namba mona kyuu lao seramo kumapuli, leya.

Jone 6:27

Nenge rumbyara ingilyamo dupwa nyelana yulu pii nalapape. Nenge oo korokoro sulu soo sera doko nyelana yulu pipwape. Nenge doko Ikinyingi Akali dokome nakama jera. Dokona lao Rakane Anatumi baa rombo palyiya leya.

Ipuru 6:11

Nakama yulu doko kaeya napala waa waa lao pyuo karo keyange nyeramili dupwa nyimili yaka lao suu pilyamano.