Pilipai 2:7 - Anatunya Buku Baepole Ole Testamene Pii Lapo dee Nuu Tesamene

⁷ Baa range banya peparae yaki nyuo kaepala kendemande akali ingyuo karapala mee isa wambu dokore isa komba pyao epeya. Epapala baa mee isa akali ingyuo ando kareya.

Pilipai 2:7 ပူးပေါင်းရင်းမြစ်များ

Samu 22:6

Dopa piyamopape namba epapu wambu ingya nalyamo. Namba mee kau kui dopale. Wambu dupwame namba kando awa nao giyalya giyana pyuo karaminyi.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Aisaya 49:3

Dopa pipala baame namba langyuo, Isaraele emba nambana kendemande. Wambu dupwame emba dokona kandapala namba lakandarami.

Aisaya 53:11

Baa randa yasupi naparamo dokopa enakana baa rae maingi renge dee kamba nyera. Baa doo randa naramo dupwa mee male male lao randa neyolyamo lao suu pyaa nara. Nambana kendemande dokome namba mona retenge doko kando namba rae maingi. Baame peparaena koo dupwana randa nyeramopa banya lao nambame nakamana koo dupwa kame sakamiru.

Daniele 9:26

Ee kana 434 epo paparamopa nakamame Anatunya rombo palyisi akali mupwa doko mee langa pyao kumakarami. Dokopa wambu iso karenge akali mupwa mendena ami yanda singi dupwame epapala yuu taonepe tembole andape dupwa pyao lalyuo kokwa serami. Anatumi yanda pyuo randa epo pira lao reteyamo doko ipwa kopetame palyuo epenge dopale ingyuo lumwa pyuo epara.

Sekaraya 9:9

Yuu Sayone wambu nakama rae rae maiyuo karalapape. Jerusaleme wambu dupwa rae maiyuo pii porakai lalapape. Nakamana kiŋi doko epapu nakama keta epelyamo kandalapa. Banya yanda pimwai anamasi minyuo isa palyuo epelyamo. Dopa pyuo ipyamopape baa pau lao epo donge dokona piso epelyamo. Donge ikyane kumwambona dokona piso epelyamo.

Matyu 12:18

Nambana kendemande akali nambame nyuo rombo palyiyu, nambame mona retelyo doko kando monarena raeko maiyuo karo doko kandalapa. Baa keta nambana imambu doko maralyaronopa baame rara wakale peparae yulu rolae dokona lao polo lamaira.

Matyu 20:28

Doko suu pyao Ikinyingi Akalimi baa wambumi isaro pyuo karena lao epa napala baame wambu dupwa isaro pyuo karala epeya. Baa range kumuo maira dokome wambu malu kiiramo nyela epeya.

Make 9:12

Leyaminyi dokopa baame nakama lamaiya. Kinyi, Ilainja baa wambo epapala peparae mondo lao rapa rapa pira ingilyamo. Dokona ingyuo buku Baepolena pii mende Ikinyingi Akali dokonasa lao baa randa bange malu naramopa minya kongwalya kongwana piraminyi karara, pii doko apa pipyasa palamo?

Luku 22:27

Akali anjukusi mupwa ingyarase? Taepo dokona nenge nao pisira dokope panda akali isaru pyuo karara dokope? Taepo repeta nenge nao pisira doko mupwa daase? Doko doŋo nakama karaminyi dokona nambame isaru pyuo karo leya.

Jone 1:14

Pii doko baa isa wambunya yongo nyepala namwa pipya role pyao kareya. Kinyinya rengepe mona keyange palyuo ipingi rengepe baa keta palyuo simbuyamopa ama yanga paupau lao kareyamo kandeyama. Baa Ikinyingi mendaki dokona Rakangeme yanga paupau lao karenge renge doko baa keta pyamalyiyamo kareya.

Orome 1:3

Waili pii doko banya Ikinyingi namwana Kamongo Yesu Koraisa doko baa mee isa wane ingyuo kiŋi Dapitinya rora ambasupi ree palu dokona manjo nyiyami dokonasa letamo.

Orome 15:3

Koraisa range lakando kareyande daa. Pii poo pyasi dokona lao dokopa, Pii kopyali minyinyi nembo leyaminyi dupwa namba keta soo punjiya letamo.

Orome 15:8

Koraisana baa Juu dupwana kendemande akali ingyuo epeyamo doko Anatumi yaki nyii nao karalu karamo lao lasaka pyuo kareya. Doko Anatumi Aporakame, Aisake, Jekopemoo pipya lao kana minyiyamo doko angi ingyuo peya.

Orome 8:3

Yanenge dokome poraiyuo Lowa kata dokona pira ingya nayamo dokona Anatumi piya. Baame banya Ikinyingi yeelyo pena leyamopa namwana koo yanengena palamo doko nyuo nembeya. Dopa pyuo pena leyamopa Ikinyingi doko mee isa wambu koo dopale ingyuo koo doko nembaroŋo lao epeya.

2 Korina 13:4

Baa pau lasi ingyuo kareyamopa isa mamandona pyao palyiyaminyipape Anatunya porainya renge dokome Koraisa lete karamo. Baamoo pipya pakao karenge dokome namwa opetaeko pau lasi ingyuo karenge. Anatunya porainya renge namwa keta paliramopa namwa Yesupa role pyao karo nakama rapu pyuo kararama.

2 Korina 8:9

Kamongo Yesu Koraisa baa mona keyange palyuo ipingi doko nakama silyaminyi. Baa kamongo ingyuo kareyamopape nakamana reke lao baa pendewa ingyuo peya. Dopa pyuo baa pendewa ingyuo peyamo dokome nakama kamonganyi pyambuya.

Galasia 4:4

Dopa piyamanopape yuu gii angi rolae epeya dokopa Anatumi banya Ikinyingi doko epena leya. Baa isa wane ingyuo Juu wambunya Lowa doko moko minyuo pyuo kareya.

Pilipai 2:6

Yesu baa Anatu angiko ingyuo karenge. Baa rangeme sisu lao Anatu yale ingyuo karapuli lao suu pyaa naya.

Ipuru 12:2

Yesumi namwana Kurisene kata doko wapwakapala namwa dokonako lanyuo puu para doko baa kandaro soo monale. Baame isa mamando nyerolyamo lapala kaeyande daa. Enakana rae maiyuo kararo lao suu pyapala baa elya napala isa mamando dokona mona kuki palyuo peya. Dopa pyuo piyamopa Anatumi baa nyuo ketae pyambwapala banya kingi rolae dorena pisapyamopa epapu petamo.

Ipuru 13:3

Lapo karapusi palaminyi dupwana nakama dokona mendako ingyuo karo, dee randa ipyamo yaso nelyaminyi dupwana mendako karo lao suu pyao pisipwape.

Ipuru 4:15

Namwana purisi mupwa dokome namwa monarena randa nyilyamano dokopa konda nao mona kana ingyapyamo karande daa. Baa koo dupwame namwa pilyamuli pyuo makande piyamo nakanjo siyamopape baa ketako koo angi pali nange.