Osia 6:3 - Anatunya Buku Baepole Ole Testamene Pii Lapo dee Nuu Tesamene

³ Dokopa Kamongo baa soo nyimwali lao suu pyao karamana. Dokona lao baa yuu rombe lao apunda epenge yuu gii dokopa epapala kaenge dee yuu yangenge gii dokopa yangapala kaenge doko suu pyao baa epapala kaeyara doko silyamano.

Osia 6:3 ပူးပေါင်းရင်းမြစ်များ

2 Samyuele 23:4

wamba yangama kopa yake dokona see nalyamopa neta iki rao karenge dopale ingilyamo. Dee baa apunda epo sokwa pelyamopa netame isako dupwa leya leya pinyi pyambungi dopale ingilyamo.

Samu 19:4

Dopa pipyamopape nakambana neta rao yuu muu dupwana pumbinyi dokome yake yuupi rambungi dolapona kapa kapa pyuo soo otelyaminyi. Anatumi yake dokona renge kuiyuo rao karena lao panda wasakamiya.

Samu 19:6

Yake pinjingi pakirena kanda sepala pao pinjingi paki dokona oko singi. Kama ketae piso rao karelyamopa bange mendemepe kapa nee pii nange.

Samu 63:8

Nambame emba poraiyuo minyaro soo pelyo. Dokona namba kyawa minyuo karene kande.

Samu 65:9

Embame yuu dupwa mondo lao rapu pilyuŋu lao lasaka pyuo apu peelene. Dopa pipinyi dokona yuu amenge kapape dokona nenge andenge. Embame ipwa pona dupwa ipwa epo rangu pena lao pingi. Embame yuu dupwana nenge andena lao peenge. Embame pingi doko dapa pyuo pingi.

Samu 72:6

Kiŋi baa ee yuupinya apunda kulimbwanyi peyalamuli pyuope dee apunda pura pura pyao epo yuu pyuku lanyi pyambwalamuli pyuo karena.

Aisaya 2:3

Yuu dupwana wambu dupwame lao dokopa Isaraele wambunya Kamongo Anatunya yuu kyau tembole anda dokona monako lao parami ingyara. Namwa baame apa pimili lao suu pilyamo dokona mana nyuo baame kata parama doko wapwakao otapya dokona pao pimanale. Kamongona mana pii doko yuu Jerusaleme dokona piso epara yuu Sayone dokona piso banya wambu dupwa lamailyamo.

Aisaya 32:15

Dopa piramopape Anatumi banya Imambu doko dee namwa keta mapanyi peyara. Yuu kwaeyo mee soo paramo dupwa amenge pira. Dee ee yuu dupwa nenge jingi angi mupwa dupwa ando palira.

Aisaya 44:3

Nambame yuu oo lasi dokona rombe lanyi pyambwakaro. Yuu kulisa pao yando nasi dupwana ipwa guu lanyi pyakamena lao piru. Dopa pipala nambana porai renge doko nakamana wane wanakepe dupwa keta kulimbwanyi peyaro dee nakamana para pyao paraminyi dupwa elyape keta pisakaro.

Aisaya 5:6

Ranome ando girapo anamasi minyinya laro lao dokopa pyakepanyi nembo yuu kapu kyuo pii naro. Dopa pingi kandale doko suu pyao nepereke ikyaikyape pulyinya lao piru. Namba kopa dokome apu kata mai nana lao lamairu.

Aisaya 54:13

Namba rangeme embena wambu dupwa mana lamaikapala mona seramopa yulu peparaena kapa palyuo pena lao piru.

Isikiolo 36:25

Nambame nakamana kopetame koo pyuo isa kanape suu pyao karaminyi dupwana ipwa karo pisi nange dokome kulimbwanyi palyuo wate poo pyao nyero.

Osia 14:5

Nambame yuu yando oo lasinya apu epe pau lanyi pyambungi doko suu pyao Isaraele wambu pipya kararo. Dopa pirunu dokopa yuu Lepanone isa andenge dopale ingyuo poraiyuo pingi pyao karo isa jingi kalya pingi pakona pinyi peyo lokwasingi dopale ingyuo ando karo pirami.

Osia 14:6

Nakama enenge ingyuo pingi pyao olipi isa au pyuo andenge dopale ingyuo au pyuo ando kararami. Dopa pyuo nakama yuu Lepanone dokona isa kingi sita lengende kyaa keyange pilyamo karenge dopale ingyuo ando kararami.

Osia 2:20

Nambana lalu lao lenge pii doko range yaki pyuo minyaronopa nakama nambana ingyarami. Dokopa nakamame namba Kamongo dokoŋo lao soo nyerami.

Maeka 4:2

Dokopa nakamana wambu dupwame lao, Kamongona yuu kyau ketae dokona mwua. Isaraele wambunya Anatu banya tembole anda dokona mwua. Namwa baame yulu pimili lao suu pilyamo dupwa mana langira. Baame namwa kata parami lao rombo palyakayamo dupwana parama. Kamongona mana pii dupwa yuu Jerusaleme piso epelyamo. Yuu Sayone piso banya wambu dupwa pii lamailyamo.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Maeka 5:7

Isaraele wambu palyuo karalu kararami dupwa pipyaeme manda rao mona kyakange dopale ingyaramopa Kamongome rara wakale dupwa keta nyisala pena lao nembara. Dokopa nakamame mee akali yaki nyepala Anatu keta kamba kamba serami.

Malakae 4:2

Lapala dopa piramopape lapo namba kando warombo silyaminyi dupwa nakama nyiso neta rengenyili pyuo nambana pyuo nyingi porainya renge dokome nakama keta sipurao nyisala epara. Mena ikyane andana palu kamanda epapala male lao mokwasi karengenyili pyuo nakama rae maiyuo kararami.

Matyu 13:11

Dokopa baa isingi lao dopa leya. Nakamame yake pandana isingi yulu yalu pisi silyamo renge dupwa kapa silyaminyi. Siminyipape wambu menge dupwa kapa see nalyaminyi.

Luku 1:78

Namwana Anatu anjiki pipala namwa kondo sakao nyisaramopa, neta renge akali namwa kiiramo nyera doko epena lara.

Jone 17:3

Isa wambumi emba Anatu angi karenge dokome Yesu Koraisa mapanyi pee doko kando serami doko kyakana renge kulisa doko nakama keta palira.

Jone 7:17

Akali mende baa laramuli pyuo pyuo karapuli lao suu pyara ramo doko mana pii doko Anatunya panda nambame iki sisu lao letepe lao soo gisara.

APOSELENA YULU 17:11

Juu wambu dokona kareyami dupwa suu pingi mondo lao suu pyao kareyami. Nakama Tesalonaika Juu akali dupwame mondo lao suu pyao kara nayami dopale ingya naya. Dokona lao nakama pii lamaiyamo doko simwali yaka lao karapala baa kinyi letape lao Anatunya pii pyasi palamo doko yangama alemanji lao poraiyuo kandaro peteyami.

Dutaronome 32:2

Nambana mana pii doko apu dopale ingyuo isa epara. Eparamo dokopa isa yuu dokona pipyae lenge lenge papyuo ipwa ingyuo pete sera. Nambana pii doko apu raa raa pyao ee nyaŋa dupwana epenge dopale ingyara.

Ipuru 3:14

Namwa kanda soo Kurisene ingyapala dokopa waa waa karo piyama dokona palyuo pyuo puu parama ramo doko Koraisana dupwa namwa opetaenako ingyuo para.

2 Pita 1:19

Dokona ingyuo poropeta akalimi pii leyami doko kinyi ingyuo pelyamo kandelyamano. Nakamame pii doko lambe ingyuo minyuo panda iminjiyamo dokona yanganyi retenge. Dokona leyami dupwa suu pyale pyale pupwape. Pii doko rao pelyamo dokome yuu yangapala nakamana mona anda dorena yanganyi peeyara.

Orepalaisane 22:16

Yesumi, Nambana aŋala mende pii dusipa Elyambu Pingi wambu keta sinya lao lamaiyala pena lapu letamo. Namba Dapitinya para pyao peyamo dokona ingyuo mandeyami. Namba yangama bui yoyowande renge dopale ingyuo karo.