Osia 4:1 - Anatunya Buku Baepole Ole Testamene Pii Lapo dee Nuu Tesamene

¹ Isaraele wambu nakama Anatunya pii epelyamo dake selapa. Kamongome Isaraele wambu nakama yuu dakena palaminyi dupwa pipya apiyanda pii ingyuo letamo. Yuu dakena wambu dupwame namba yaki nyuo mona reta nao namba Anatuŋu lao soo nyii nalyaminyi.

Osia 4:1 ပူးပေါင်းရင်းမြစ်များ

1 Kiŋi 22:19

Leyamo dokopa Maekayame deeyako lao, Epapu Kamongo dokome apa letamo lao sepe. Kamongo doko yake panda dokona banya petenge isa dokona pisipyamo banya aŋala dupwa baa pisipyamo wangusa karaminyi kandapu.

Aisaya 1:10

Jerusaleme akali kanjili komiti lowa minyingi dee nakamana wambupi dupwa yuu Sotoma Gomora wambu peteyaminyi dopaleko ingyuo pelyaminyi. Dupwa Kamongome nakama kando apa langilyamo lao selapa. Banya mana letamo dokona doko mende lalyamo lao wangu lakapala selapape.

Aisaya 1:18

Kamongome dopa letamo. Dakepa kwaelyamo dupwana rolo lamanale. Nakama koo dokome ranga yuku napyasa koo pilyaminyi dopa pilyaminyiko doŋo dopa piraminyipape nambame nakamana koo dupwa wate pyuo kewa lanyi nembakaronopa maa bilima kapa ingyuo kewa lao rao karenale. Nakamana koo dupwa kamame pingi pyao silyamo doko kaepala kwuala pao kewa lenale.

Aisaya 28:14

Dakepa nakama akali mupwa yuu Jerusaleme iso karaminyi moŋokyaŋe singi dupwa Kamongome letamo doko apa letamo lao selapa.

Aisaya 5:3

Dokona lao Juta Jerusaleme palenge wambu nakamame namba mende pii napusa pilyape panda girapo ee baame pilyape lao soo kandapala lalapape.

Jeremaya 19:3

Dokopa Kamongo dokome namba dopa lape, langiya. Juta wambunya kiŋi dupwape Jerusaleme wambu dupwape Isaraele wambunya Anatu namba Kamongo Porai Wakasa dokome lalopono doko selapape. Nambame randa andake mende yuu dakena minyuo eparonopa wambu mendeme doko sera ramo doko mona nembo yamarangyuo karara.

Jeremaya 2:4

Nakama Isaraele rara dupwa peparae Kamongona pii dake, selapa.

Jeremaya 2:9

Dokona lao namba Kamongo dokome nambana wambu dupwa pipya yanda pimwaiyuo nambana kote pii doko lao retakamiru. Nakamana para pyaraminyi dupwa keta nambame nakama koo piyami laro.

Jeremaya 7:28

Embame nakama lamaiyuo, Nakamana rara dupwame nakamana Kamongo Anatu doko namba kando warombo see nao dee nakamana randa epeyamo dupwana mana nyuo kando soo gisa nangeko lare. Anatu kando mondo lao suu pingi doko kumuo pelyamo. Nakamame renge doko dee arome pyao see narami ingilyamo, lare leya.

Jeremaya 9:20

Enda dupwa Kamongo dokome apa letamo lao sinya leyo. Banya pii doko kale yukupala selapape, leyo. Wanenge dupwa kumanda piso ee larami lao mana lamainya. Dee nakamana puu minyingi dupwa malu pinya dokopa apa pyuo kenane pingi doko mana lamairami, leyo.

Osia 5:1

Nakama purisi dupwa dake selapape. Isaraele wambu dupwa pii dake kale yukupala selapape. Nakama kiŋinya ree palu dupwa selapapeko. Nakamame kote dupwa rolae lapenge lyakande. Dokona nakama keta kote palira ingilyamoŋo kando karalapape. Yuu Misipa yuu kyau Tapo dolapona nakamame wambu nyuo koo keta palyalana anga pyuo kone makasi ingyaro silyaminyi.

Osia 5:4

Wambu dupwana koo piminyi dokome nakama kata maipyasa Anatu keta kamba kapu kyuo eparami ingya nalyamo. Mee bange isa kanapeme wasisi anatuŋu lao karaminyi dokome nakama poraiyuo minyapyasa Kamongo doko baaŋa lao soo nyii nalyaminyi.

Joele 1:2

Selapa, nakama wambu andapae dupwa. Wambu peparae yuu Juta dokona karaminyi dupwa peparaeme selapapeko. Yulu dapale mende emba ando karene yuu gii dokopape panda embena rakane ando kareyamo yuu gii dokopape mende piyase?

Emosa 3:1

Nakama Isaraele wambu dupwa peparae Kamongo dokome Isipi piso nyuo lanyuo epeya. Dokona nakamana lao baame pii dake langilyamo selapape.

Emosa 7:16

Dokona lao Kamongo baame dakepa apa letamo lao see leya. Embame poropeta pii laa nao karape lao dee Isaraele wambu dupwa pyalana pyuo laa napipi lao pilini.

Maeka 6:2

Yuu kyau isa yuu dokona susa pyao sulu singi dupwa Kamongona pii laramo doko selapape. Kamongo dokome banya Isaraele wambu dupwa pipya koo kando lalana suu pilyamuli pyuo lara.

Jone 8:55

Nakamame baa soo nyepa nange. Nambame baa soo nyingi. Nambame baa soo nyepa nange lapuli doko nakama kyambo lao karenge dokonako mendeke ingyuo karapuli. Dopa pipyamopape nambame baa angi soo nyepala banya pii lengenyili pyuo pyuo lao karenge.

Orome 1:28

Akali dupwame Anatu dokona lao suu pyaa nalyamisa Anatu baame nakamana suu pingi doko kwaena lao kaeya. Dokona lao nakama lao nakama yulu pii naramili dupwako pingi.

1 Korina 15:34

Yulu kopetame pilyaminyi doko yaki nyuo rolo suu pyalapape. Nakama lapo Anatu see nao karaminyi dokona nambame elyanyi pyambuo leto.

Orepalaisane 2:11

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome kale yukupala selapape. Anamasi minyarami dupwa kumungi renge lapo pyuo dokona nakama keta mende pii nara. Ote.

Orepalaisane 2:29

Kale kata singi ramo dokome Imambumi Elyambu Pingi dupwana pii lamailyamo dupwa kale yukupala selapape. Ote.