Osia 3:1 - Anatunya Buku Baepole Ole Testamene Pii Lapo dee Nuu Tesamene

¹ Kamongome namba dopa langiya. Enda baa akalingi wambo dokome mona reto karapyamopa wakaleko kepo pyuo pelyamoŋo doko baa range deyako pao mona retala puu, langiya. Isaraele wambu dupwame isa girapo jingi kiso isa kanape wasisi anatuŋu lenge dupwa mailyaminyi. Maiminyipako nakama mona reto karo doko suu pyao embame enda doko mona reto karape.

Osia 3:1 ပူးပေါင်းရင်းမြစ်များ

2 Samyuele 6:19

Dopa pipala Dapitimi wambu peparae nenge mokwa soo maiya. Baame Isaraele enda akalipi dupwa mendaki mendaki lao nenge borete mendaki larapu maiyuo mena minju isarena kisasi mendaki lao maiyuo dee isa girapo jingi yando dupwa maiyuo piya. Dokopa wambu peparae anda peyami.

Niyamaya 9:31

Dopa piyamopape embena kondo sakame kumungi renge doko kamame wakasa ingiyasa nakama pyao kokwa soo koo keta palya nana lao yaki nyii naye. Emba ama sakame kumungi Anatu dokome ipyuo mona keyange palyuo dopa pyuo nyiso karenge.

Ekesetase 32:6

Leyamo dokopa yuu gii mende dokona wamba yangama dokopa wambu dupwame mena lapo minyuo epo pyao kiso maiyuo dee lapo dupwa nakama pipya Anatumoo mona mendaki palyuo kiso maiyuo piyami. Pipala nakama nenge nao piso kopetame pyuo ipwa biya nao kepo pyuo peteyami.

Aisaya 45:22

Dakepa yuu muu peparaena wambu palaminyi dupwa nakama namba keta kapu kyuo epapala range kyawa lete nyelapape. Anatu doko iki namba karo.

Jeremaya 31:20

Isaraele nakama nambana wane mona wakasa retenge ingyuo karaminyi. Wane nambame mona angingyuo retenge dupwa nakama iki. Yuu lapo nambame nakamana kingi dokona arome pyao dokopa nambame nakama mona reto suu pyao lenge. Nambana mona doko nakama keta silyamo. Nambame nakama sakame kumuo kararo.

Osia 11:8

Isaraele wambu dupwa nambame nakama apa pyuo yaki nyuo kame soo kaeyarose? Yuu taone Atama Sepoimipa pyao kokwa siyunuli pyuo nakama pyarose? Namba nakama mona retapu doko mee ketae ketae reta nange dokona nakama pyaro ingya nalyamo.

Osia 2:5

Dokopa kepo pingi enda elya pali nange dokome lao, Nambana akali mona retenge dupwa piya paro dokopa nakamame namba nenge ipwa dee komau ipwa waene isa olipi ipwange dupwa jerami, leya.

Osia 4:11

Kamongome lao, Ipwa waene dokome nambana wambu dupwana kyawa sisingi suu pingi doko waa nyakamilyamo, letamo.

Emosa 2:8

Pendewa dupwame kamongo akali dupwana kana mone kyanje ingyuo nyiyami. Nyiyaminyisa yano pyakaraminyi dokopa komau dupwa range peyakarama lapala pendewa dupwana komau dupwa nyepala kingi wapambu lakao misi lenge panda dupwana kwuapala palyuo silyaminyi. Nakamana Anatunya anda dokona kana mone yano reto nyiyaminyi dupwa keta ipwa waene nyepala nao karaminyi.

Emosa 6:6

Nakama ipwa waene sipyamuli pyuo nakondali pyuo mamba kyapingi ama keyange dupwa kiso kondali pyuo pipala Isaraele wambu dupwa isa pwaminyi lao mona rando larami doko kame kame soo kaelyaminyi.

Maeka 7:7

Dopa piraminyipape nambame Kamongo kandaro kararo. Namba mona porayapala Kamongo dokome namba pyuo nyeramo doko keta isaro kararo. Nambana Anatu dokome nambana pii sera.

Matyu 26:50

Yesumi baa lamaiyuo, Puu minyingi, akipamo dae epelepe? leya. Dokopa nakamame Yesu minyarapala minyaro kareyami.

1 Korina 10:21

Nakamame Kamongona pee lomasi naoko dee imambu koo wasisi dupwana pee lomasinya ipwange doko role pyao naa narami. Kamongona borete narami ramo dokona imambu koo dupwa suu pyao maingi nenge doko naa narami.

1 Korina 10:7

Nakama yulu koo pyuo mee bange kingimi wasisi dupwa kingi lao mona mai narama lao repe repe langilyamo. Anatunya pii pyasi dokome lao dokopa, Wambu dupwame ipwape nengepe napala piso sipurapala mali lyiyami.

1 Pita 4:3

See nange wambu dupwame pundame kumapala, enda kepo pyuo, biya nao kyakapala, pati andake dupwana piso yuu kwuapala nenge renge nao ipwa koo porai dupwa napala Anatu dokona kaeyapala bange kingimi wasisi dupwa kingi lao karaminyi yulu dopale pyuo kareyami.