Osia 2:21 - Anatunya Buku Baepole Ole Testamene Pii Lapo dee Nuu Tesamene

²¹ Yuu gii dokopa nambana Isaraele wambu dupwana ateŋa dupwa isingi yano pyakamyuo isa yuu dokona nambame apu peyo piru.

Osia 2:21 ပူးပေါင်းရင်းမြစ်များ

Aisaya 55:10

Apu pipyaepe dolapo mee dasa piso imbu napala yake dokona piso lyuo epo ee yuupi ipwa pyao nenge andanyi pyambungi. Dolapome nenge jingi maiyuo dee kakana pyuo pilyunupa nenge. Nambana pii doko dopale ingyuo sipyamo pilyamo.

Aisaya 65:24

Dopa pyuowako dee nakama nambapa lao ene ateŋa lao otapa naraminyipa kanyasa isingi yano pyakamiru.

Isikiolo 36:29

Dopa pyuo paramo dokopa nambame nakama keta renge kwaeyo para mendepe epa nanya lao nyiso kararo. Nambame nakama keta lopo dee see naraŋa lapala kenapa ee dupwa ando kakana pyakaro.

Osia 14:7

Dopako pyuo nambame nakama kyawa minyuo kararono kararami. Nakama ee menya menya lao andenge dopale ingyuo ando isa girapo ee ando jingi lyuo kakana pingi dopale ingyuo kararami. Yuu Lepanone dokona ipwa waene ama keyange wasingi lao wambu peparaeme singi doko suu pyao nakamana kingi doko uu lepa lepa paramo kararami.

Joele 2:19

Baame nakama isingi lamaiyuo, Epapu nambame nakama witi jingipi ipwa waenepe olipi ipwangepe dupwa jeronopa nakama nao sikya piramopa kararami. Dokopa wambu rara menge dupwame dee nakama kilya kando laa narami, leya.

Malakae 3:10

Nakamame bange akalisa mendena mendena pyuo mendaki yapo nyepapu jerami dupwa peparae tembole anda dokona minyuo ipupwape. Minyuo eparami dokopa nenge kapa sera. Namba apa pilipi lao makande pyuo pipwape. Dokopa nambame yake panda bange singi dupwa lumbwapala nakama keta bange malu mee keyange dupwa kulimbuo jerono nakama kandarami.

Malakae 3:11

Nakamana ee jingi dupwa kau kuki dupwame nao kwaena laa naronopa nakamana isa girapo marange dokona jingi malu mee lyera.

Matyu 6:33

Dokona yanyi pyaramo kara napala banya isingi yulu dokope yulu rolae dokope nyuo wambakao mupwa wakasa lao kando nyimwali lao karalapape. Dokopa bange dopale dupwa peparae konda pyuo nakamana ingyasi sera.

Orome 8:32

Banya Ikinyingi yeelyo mandeyamo doko range retaro kara napala namwana lao kumala penale leya. Rangena Ikinyingi doko jiya kande. Dokome dee bange wakale dupwa peparae mee jii narase?