Osia 2:18 - Anatunya Buku Baepole Ole Testamene Pii Lapo dee Nuu Tesamene

¹⁸ Yuu gii dokopa mena suwa rae lenge dupwa pipyape dee wii saa yaka dupwa nambamoo pipya lalu lao lapala nambana wambu dupwa randa maiyaka nana laro. Yuu dokona yanda pingi bange wua gela yandape dupwa peparae nyuo nembaro. Nembaronopa nambana wambu dupwa mona seramopa manda rao palena lao piru.

Osia 2:18 ပူးပေါင်းရင်းမြစ်များ

Jopo 5:22

Ee kwaipi apa nao lopo seramo yuu gii dokopa emba mee giyuo karare. Mena rae lenge dupwa emba paka nareko ingilyamo.

Jopo 5:23

Yulu pirinyi panda dupwana yuu kapa doko iki seramopa mena rae lenge dupwame emba mona jeraminyi karare.

Samu 148:10

Anda suwa menape suwa mena rae lengepe kimbu kara nange rombame kata papingi kaupi yakape nakamame Kamongo lakandalapape.

Samu 23:2

Baame namba yuu isako kyakange dokona imambu soo pale lao panda joo dee ipwa pete manda rasi dokonalanyuo pao pingi.

Samu 46:9

Baame yuu muu peparaena yanda pilyaminyi dupwa kaena lao nenge rekya lao nyilyamo. Baame yanda kakupi dupwa punjinyi nembo konambe dupwa nyuo isarena yango pilyamo.

Aisaya 2:4

Baame yuu muu andake dupwana apiyanda pyuo lao kararami dupwa kooso karena lao rolara. Nakamana wua gela dupwa yanda kaepala yuu apu renge ane isa ingyuo wasarami. Nakamana kaku dupwame kope pyakepenge wua ingyuo wasarami. Yuu muu andake dupwa dee yanda pela pelyamano lao paminyili pyuo paa nao dee yanda pingya mata wara pyuo karo puminyili pyuo paraminde daa.

Aisaya 32:18

Anatunya wambu mona nemba nao nakamana anda dupwana mona seramopa koo dupwa sukusa nyepa nao piso karo pirami ingingi.

Aisaya 54:5

Bange peparae pyuo wasiyamo doko embena akalingi mendeke ingyuo karara. Dokona lao Kamongo Porai Wakasa letamano doko banya kingi dokosa lenge. Isaraele wambunya Anatu poo pyasi dokome nakama nyiso kyawa lete nyera. Doko baa yuu muu peparaena mupwa ingyuo karamo.

Aisaya 65:25

Yana suwa kararope sipisipi yakane dupwape nenge mendakinya narami. Mena laene dupwame bulamakao nenge rambi yanda dupwa nengenyili pyuo nao kararami. Kau dupwa wambu nalanako pinginyili pyuo paa napala anjiki pyuo serami. Sayone nambana yuu kyau poo pyasi dokona koo renge dee randa nyingi rengepe mende see nara.

Jeremaya 23:6

Baa kiŋi ingyaramo dokopa Juta wambu dupwa kyawa minyara. Dee Isaraele wambu dupwa manda rao mona seramo palyuo karo pirami. Banya kingi doko Kamongo Namwana Lete Wai Pyao Nyingi, larami.

Isikiolo 34:25

Mona seramopa koo keta pali nao kararami lao namba nakama pipya lao kana minayro. Mena suwape wambu nalana pingi dupwa yuu dokona pali nana lao pyao ralinyi nembaro dokopa nambana sipisipi dupwa yuu dokonape imwa dupwanape mondo lao palyuo kararami.

Sekaraya 9:10

Kamongome dopa letamo. Nambame yanda pingi mena oseme ipyuo penge uliuli Isaraele dokona singi dupwa nyuo nembo Jerusaleme rae yanda pela piso penge mena ose dupwa nyuo nembo piru. Yanda walakape minyuo yanda pilyaminyi dupwa nyuo uki aki minyinyi nembaroko. Nakamana kiŋi dokome yuu muu dupwana wambu mona kyuu lao seramo palena lao pira. Kiŋi baame ipwa kota Metiteraniane piso iso pao Kumungi Ipwa dokona para. Ipwa Yuporisa dokona piso iso pao yuu yakepe pinjingi dolapona suu lara.