Osia 14:3 - Anatunya Buku Baepole Ole Testamene Pii Lapo dee Nuu Tesamene

³ Asiria wambu dupwame namwa nyisa naraminyipa dee yanda pingi mena ose dupwame kyawa minya naramiko. Namwame namwana isa kanapeme wasisi dupwa nakama namwana anatuŋu lao laa naramako. O Kamongo, embame wambu mendalimi nyisara ingya napyamo karaminyi dupwa sakame kumuo nyiso karenge.

Osia 14:3 ပူးပေါင်းရင်းမြစ်များ

Samu 33:17

Yanda pela penge mena ose dupwa wua rombasi ingyuo paramosa kapa pyuo wini laa narami. Nakamana porai renge dokome angi mende pii nara.

Aisaya 1:29

Dopa piramo dokopa isako waingi kemali pingi lapo wara pipalape isa renge kemali pingi laponape moname nyinyi nembo kingi lao petenge lamo dupwa yamarangyuo yaki nyuo kaeyarami ingilyamo, leya.

Aisaya 30:16

Nakamame namba keta pyamalyeramili doko kaepala nakamana mena ose kata makandenge dupwa nyepala piso pao nakamana yanda pimwai dupwa wanjinyi nembarama lao suu pyao rapa rapa pilyaminyi. Doko nakama wanjinyi nembaramaŋa lao suu pilyaminyi doko rolaeko doŋo nakamana mena ose dupwa kapa puu lao makandenge lao suu pilyaminyi. Dopa pyuo suu pyaminyipape wambu lapome nakama minyaro nyuo pyala eparaminyi dupwa kamame puu wakasa lao makandarami.

Aisaya 30:2

Nakama namba kando apa pirama lao langyalase lao piso see napala yuu Isipi range dupwame nyisinya lao pumi. Nakama Isipi range dupwame kyawa lete nyinya lao suu pyami. Dokona nakamame Isipi kiŋi doko keta mona mailyaminyi.

Aisaya 31:1

Nakama yuu Isipi nyisinya lao pelyaminyi dupwa kumuo rumbyuo parami. Nakama Isipi yanda singi malu porai renge palengepe mena osepe mena ose ipyuo papingi uliulipi yanda singi dupwape kandapala nyisaramiŋi lao suu pyao mona maiyuo pelyaminyi. Dopa pipala Isaraelena Kamongo Anatu poo pyasi dokome nyisaramo kararama lao pyamalyuo paope dee baame nyisinya lao piso soope pii nalyaminyi.

Aisaya 31:3

Isipi wambu dupwa nakama anatunde daa. Nakama mee wambu dokoreko. Nakamana mena ose dupwa imambu palengende daa. Anatumi lenge angimi kandaramo dokopa wambu rara porai dupwa kalyuo sinjimu ingyuo nakamame wambu rara porai daa nyisiyami dupwa opetae isa palyara. Dopa pipala dolapo laparae pyao kokwa sinyi nembara.

Isikiolo 36:25

Nambame nakamana kopetame koo pyuo isa kanape suu pyao karaminyi dupwana ipwa karo pisi nange dokome kulimbwanyi palyuo wate poo pyao nyero.

Isikiolo 37:23

Nakama mona karo petelyamopa isa kanape dupwa angiko ingyuo kingi lao wambarae yulu suu pingipi pyaminyi kata dupwana deeko pii narami. Nambame nakama koo dopale mata kando pilyaminyi dokome namba yanda pimwailyamo doko nenge rekya lao nyero. Nakama dopa pyuo poo pyao nyeronopa nakama nambana wambu paraminyipa namba nakamana Anatu kararo, leya.

Osia 14:8

Isaraele wambu dupwa nakamana isa kanapeme wasisi dupwana lao mende piraminde daa. Nambame nakamana ateŋa dupwana isingi yano pyakao nakama rapu pyuo piru. Pipala nambame isa yoko kyako ando karalu karenge dopale ingyuo nakama keta sinyinyi peyakaro. Namba nakamana bange elyape dupwana ipwa ingyuo guu lao karakalyo.

Osia 2:17

Nambame enda baame Bealo kingi dokona dee minyalya nalu nao nana laro.

Osia 4:12

Nakamame isa lomasi doko akali kulimi yanda pepe minyinginyili pyuo mende pira dokona semana lao pisilyaminyi. Dopa pyuo karapala nakamame namba enda pamuku mee yaki nyilyaminyi papingi dopale ingyuo namba yaki nyepala nakama range anatu menge dupwa keta pyamalyuo pelyaminyi.

Osia 5:13

Dokopa Isaraele dupwa nakama kwaeyamo doko kandeyami dee Juta wambu dupwame wua kakupi peteyamo dupwa range kandeyamiko. Kandapala Isaraele dupwame yuu Asiria dokona papala kiŋi dokome nyisinya lao piso sela peyami. Dopa pyuo pisiyaminyipape kiŋi dokome nyiso pyuo nyuo dee rete dupwa au pyuo umbwa pyuo nyera ingya naya.

Jona 2:10

Dokopa Kamongo dokome oma doko lamaiyuo, Jona baa kasinyi ipwa kota pete marenge dokona peena leyasa kasinyi peeya.

Jone 14:18

Nakama range iki karalapa lao yaki nyuo kaeyalu kaeyo kaeronde daa. Nakama kararami dokona epapala kaeyaro.