Osia 14:2 - Anatunya Buku Baepole Ole Testamene Pii Lapo dee Nuu Tesamene

² Kamongo karamo dokona kapu kyuo papala mena pyao kiso maingi dopale ingyuo penale ateŋa dapa lao lalapape. Namwana koo dupwa nyuo kame sakapala ateŋa letamano doko soo nyepe. Soo nyerene dokopa namwa lalu lao leyamanoli pyuo emba lakandarama.

Osia 14:2 ပူးပေါင်းရင်းမြစ်များ

2 Samyuele 12:13

Dokopa Dapitimi lao, Namba Kamongopa ingyuo koo pipu, leya. Netaneme isingi lao, Kamongo dokome nyuo kame sakaraŋa. Emba kuma nare.

Samu 119:108

Nambana sangyu lao leto pii doko Kamongo embame soo nyepala embena mawa pii dokona mana langipi.

Samu 51:16

Emba mena pyao kiso maingi dokona rae mai nange. Rae maipili nambame kapa jipuli. Dee mena kiso rendamu pyuo maingi dokona emba rae mai nange kandaleko.

Samu 51:17

O Anatu, nambame mena pyao kiso maingi dokona lao suu pyao nambana imambu inyimungu karenge doko emba keta jilyu. Doko akali inyimungu koo dupwana kondo karenge doko emba yaki nyii nange kandale.

Aisaya 44:22

Nambame nakamana koo dupwa kopa apupi pyao nembele lao kwuanyi nembakayoŋo. Nambame nakama lete wai pyao nyilyuŋu. Namba range karo dakena ipupwape.

Aisaya 6:7

Epapala isa lengya rao siya dokome nambana kambu dokona warendapala lao dakepa embena koo dupwa pupyamopa nyuo kame sakao kaeyasi silyamo, leya.

Osia 5:5

Isaraele wambunya range mupwa karamano lao suu pingi renge dokome nakamana lenge kambu dokona epo panelyamo. Dokopa nakamana koo dokome pyalya minyapyasa lukuma sepala isa puminyi dokona Juta wambu dupwa pale pale pelyaminyi.

Osia 6:6

Mena pyao kiso jilyaminyi dupwa kapako doŋo nakamame namba kare kare soo mona retenge doko rungi rungi pyao karo. Nambana wambu dupwame mena pyao kiso joo karowape namba soo pakana palyarami doko angi ingilyamo.

Joele 2:17

Purisi akali Kamongome yulu pyakamyuo tembole anda kolandenge dokopa mena pyao kiso maingi rate dokopana kanya dokona yulu pingi dupwame ee lao ateŋa dapa lao lalapape. O Kamongo, embena wambu dupwa kando sakape. Yuu wakale wakale dupwana wambu dupwame namwa kando giyalya giyana pyuo kilya kando nakamana Anatu doko anja karamo laope laa nana, lape.

Jona 2:9

Dopa piminyipape nambame kenane pyao embena kingi minyalyuo bange rendamu pingi lapo yango jero. Pii lalu lao lapunuli pyuo piruŋu, leto. O Kamongo embame namwa pyuo lete nyingi renge jingi kandape, Joname dopa leya.

Matyu 7:11

Dokona suu pyao nakama koo ingyuo petaminyi dokome wane wanakepe dupwa bange keyange maingi doko suu pyao Rakane yake panda karenge doko wakasa ingyuo karamo dokome baa piso serami wambu dupwa renge keyange mai narase?

Luku 11:13

Dokona suu pyao nakama koo ingyuo petaminyi dupwame nakamana wane wanakepe dupwa bange keyange maingi doko suu pyao Rakane yake panda dokona keyange wakasa karamo dokome wambu Imambu Poo Pyasi jinya lao piso serami dupwa eŋa nembapala mai narase? leya.

Luku 18:13

Dopa leyamopa takisi nyingi akali baa dumbisale karo yake panda kandapuli lao suu pyaa napala kandalyuo kanda nao banya kyangali kingi dokome kapa kapa pyuo, Anatu, namba koo doko namba kandapala nyiso karape, lao kareya.

Jone 1:29

Dokopa yangama dokopa baa kareyamo dokona Yesu epeyamo kandeya. Kandapala, Anatunya Sipisipi Ikyane isa wambu dupwana koo dupwa nyuo lanyakao para doko kandalapa.

Orome 11:27

Nambame nakamana koo dupwa nyuo nembakamipala nakama pipya lao kana minyaro leya.

2 Timoti 1:9

Baame namwa lete wai pyao nyepala banya ingyarami lao kyakale leya. Doko namwame range yulu keyange piyamande daa. Baa rangena suu piyamuli pyuo mona keyange palyuo ipyapala kyakale lao rombo palyiya. Yuu ene wasaroŋo lao karo dokopa Koraisa Yesu keta mona keyange palyuo ipingi doko joo kaeya.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Ipuru 10:4

Doko mena bulamakao kalyuwa dee memepena ranjama dokome wambunya koo dupwa isa paa nange.

Ipuru 13:15

Anatu keta kyaa piramo karena lao namwana kambumi kaeya nao lakandamana. Dopa pyuo pirama ramo doko Yesu keta Anatunya kingi doko kulisa palyuo laramanosa pira.

1 Pita 2:5

Nakama opetae lete palengena kana pote isa ingyuo paraminyipa Anatumi Imambunya andaŋa lao nakama wasalana suu pilyamo. Nakama purisinya rara poo pyasi dokona yulu pyuo kararami ingilyamo. Pyuo karo Anatu rae mairali dupwa Imambunya yulu dokona suu pyao Yesu Koraisa keta rendamu pyuo kiso maiyuo karalapape.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.

1 Jone 1:7

Baa yanga paupau lasi dokona karenge doko suu pyao namwa yanga paupau lasi dokona kararama ramo dokopa namwa lao yalya kando pisiramano banya Ikinyingi Yesunya ranjama dokome namwana koo dupwa peparae kwuanyi nembapa pyakara.

1 Jone 3:5

Yesu baame namwana koo dupwa ramanyi nembala pano epeya lao soo gisilyaminyi kande. Baa koo mende pali nange.