Osia 13:5 - Anatunya Buku Baepole Ole Testamene Pii Lapo dee Nuu Tesamene

⁵ Yuu muiyane yando nao oo lasi nenge see nange dokona nambame nakama rapu pyuo kareyo.

Osia 13:5 ပူးပေါင်းရင်းမြစ်များ

Jenesese 31:40

Korakama dokopa netame namba rakusi reya. Kukwa dokopa kupwame kumuo lenge luu dupwa nyuo kame siyu.

Samu 1:6

Kamongome rolae pingi dupwa kyawa minyuo kata lasaka pyuo karamo. Dopa pyuo karapyamopape koo pingi dupwa koo dokona kimbu malyaro karaminyi.

Samu 63:1

Anatu emba nambana Anatu dokoŋo. Namba embapa role pyao karapuli yaka. Nambana suu pingi peparaeme emba keta karapuli yaka lao suu pilyu. Yuu penda penda ipwa pali nange dopale ingyuo karapala nambana imambu dokome embapa karalana ipwa ingyuo nano pipyamo karo.

Ekesetase 2:25

Anatumi Isaraele wambu dupwa karapusi yulu pyuo peteyami doko kandapala baame nakamana lao suu pyaro kareya.

Jeremaya 2:2

Wambu peparae Jerusaleme petaminyi dupwa wai pii dake lamaila pupi. Nakama wane ene dokopa namba yaki nyii nao suu pyao mona reto kareyami kande lao suu pyao karapunu pilyamo. Enda mapwae kanda soo yapo nyepala dokopa mona retalamuli pyuo nakamame namba mona reto kareyami. Nakama yuu muiyane dokonape dee yuu ee nengepe wara pii nange dokonape nakama namba moko minyuo epeyami.

Jeremaya 2:6

Namba nakama Isipi wambu keta kiiramo nyiyu. Nyepala yuu muiyane nenge pulya nange yuu yando dee dokonape mendali pao pii nange yuu dokona lanyuo peyo. Peyonopape nakamame namba Kamongo dokoŋo lao pyapi pyuo soo kara nayami.

Osia 5:3

Nambame Isaraele wambu nakama dopale kandale lao soo gisilyu dokona nakama namba kando kapa yalu pii narami. Dokona nakamame namba yaki nyepala karaminyi dokome namba lakandaraminyi kapa ingya nalyamo.

1 Korina 8:3

Dopa pilyamo dokona mendeme Anatu mona retelyamo doko Anatu baa silyamo.

Galasia 4:9

Epapu nakama Anatu soo gisilyaminyi. Dee Anatumi nakama soo gisilyamoko larowale. Dopa pilyamo dokona akipamo nakama dee isa yuunya imambu koo mee nakama karapusi piyamo kareyami dupwa deeko koto pelyamisi? Akipamo nakama imambu koona dee karapusi ingyalana letamisi?

Dutaronome 32:10

Baame nakama yuu muiyane mende see nange penda penda dokona nyepo nyuo pambu lao papyuo kareyaminyipa kando nyiya. Baa range poraiyuo iso karengenyili pyuo konambe ingyuo nakama kako pyao mondo lao rapu piya.

Dutaronome 8:15

Yuu muiyane andake koo singi kau kyalende popokyalyape singi dokona baame nakama suku suku nyuo lanyuo peya. Yuu yando nasi ipwa epa nange dokona nakamana lao baame kana dokona piso ipwa guu lanyi peya.