Osia 13:15 - Anatunya Buku Baepole Ole Testamene Pii Lapo dee Nuu Tesamene

¹⁵ Isaraele wambu dupwa mee ee pisinya ukunanyi andele laraminyipape yuu muiyane neta pyakaenge dorena piso porambaiye ama isasa pingi mende peyaronopa dokome ipwa isa yuunya piso potemo epengepe dee ipwa guu lao epengepe dupwa soko rali pira. Dee porambaiye dokomeko nakamana bange wakale wakale mona nyingi dupwa nyuo nembarasa pira, leya.

Osia 13:15 ပူးပေါင်းရင်းမြစ်များ

Jenesese 41:23

Enakana dokonako kenapa yanda ipingi nyepo dee lokwasiya. Dupwa porambaiyeme pyao netame nao piya.

Jenesese 41:52

Dee dopako pyuo, Anatumi namba randa nyuo karapunu panda dakena wane jilyamo, lapala wane enakana doko Eporaime leya.

Jenesese 41:6

Enakana dokonako kenapa yanda ipingi nyepo dee lokwasiya. Dupwa porambaiyeme pyao netame nao piya.

Jenesese 48:19

Dokopa alemo dokome, Rakane, soo kaeyapala pilyuŋu daa, leya. Wane wambobaa kamongapala wai kiso nyeramo dupwa rara andake ingyuo parami. Dopa piramopape yangonge enakana Eporaime doko akali nyilyingi wakasa ingyuo kararamopa banyawambu dupwana rara kama andakyara, leya.

Jenesese 49:22

Josepe baa mena donge rae lenge dopale baa ipwa guu lao epenge dupwana nao palenge. Yuukyaunya mena ose yakane rae lenge dopale

Samu 1:4

Akali koo pingi dupwa dopale ingya nange. Yangi porambaiyeme poo lanyi nembenge dopale ingyuo penge.

Aisaya 41:16

Dopa pipala pyao yake dulunya nembaraminyipa porambaiyeme soo pao kopa apupi dokona raeyara. Dokopa namba nakamana Anatu dokona nakama rae mairami. Nakamame namba Isaraele wambunya Anatu poo pyasi doko lakandarami ingilyamo.

Jeremaya 20:5

Nambame nakamana yanda pimwai dupwame yuu taone andake dakena panda maiyuo kaeyaronopa epo nakambana mena bangepe kamonganyi nembengepe rungi rungi pingipi dupwa peparae andambupi nao nyuo pao dokopa Juta kiŋi dupwana kana bangepe dupwa opetae nyuo yuu Bapilone dokona nyuo pao kaki pirami.

Osia 2:3

Daaŋa lao kepo pyuo puu para ramo doko nambame papara pena lao rokwanyi nembakamirunupa baa ene manjinyi peyaminyi papara siyamo dopale ingyuo para. Dopa pipala enda baa yuu ingyuo ketange pyanyi pyambwaronopa ipwa nanome kumuo pisira.

Osia 4:19

Nakama mee kalendakuna porakanale lapo mee papyuo karaminyi. Mee bange dupwa anatuŋu lao lakandelyaminyi dokona elya nyerami.

Jona 4:8

Dokopa dee Anatumi neta epenge kata dorena porambaiye isasa pingi mende minyiyasa Jonana ayemba doko netame rao makyapala lenge doko malawai lapala kumasi selana piya. Dopa piyamopa namba lete kararo doko kapako dokoŋo kumaro doko iki kapa lao suu pilyu, leya.

Dutaronome 33:17

Josepe baa bulamakao kalinya porai renge dopale palenge. Dee yulu pingi bulamakao kali okese lenge dokona kyawa kulinya nenge potemo epenge dopale ingyuo nyuo pee pipala karara. Banya kyawa kulinya nenge kyai doko Manasana akali taosandeme poraiyuo karaminyi. Dokona mendeke ingyuo Eporaimena wambu ama malu taosande akalisa (10,000) karaminyi dopale. Manda manjo pao piramopa porai dokome yuu liti wakale dupwana wambu rara dupwa pyao Suu lanyi kipwa kipwasa palyuo karara, leya.