Osia 11:2 - Anatunya Buku Baepole Ole Testamene Pii Lapo dee Nuu Tesamene

² Lapala nambame nakama epenako lao kyakale lao nyuo peyonopa nakamame koo doko konda konda pyuo pyuo puu pao peyami. Nambana wambumi mee bange anatu lao wasisi kingi Bealo doko mena pyao kiso maiyuo. dee isa kanapeme wasisi dupwa rendamu pingi bange kiso maiyuoko pyuo kareyami.

Osia 11:2 ပူးပေါင်းရင်းမြစ်များ

1 Kiŋi 12:33

Pipala kana mange lama karo dokona yuu gii akalisa ipisu kingi paki dokopa baa rangeme yuu gii waso leyamo dokona baa yuu Betele papala kana pyare lasi dokona mena pyao kiso maiya. Isaraele wambunya lao malu palyuo nenge nenge yuu gii waso reteyamuli pyuo piya.

1 Kiŋi 18:19

Lapala, Yuu kyau Kamele dokona Isaraele wambu dupwa peparae kee lao sukusa sukusa pipala namba kandala epena lape. Epo dokopa mee bange anatu kingimi wasisi kingi Bealo lenge dokona poropeta akali andete kisima dee akalisa kingi paki (450) dusipape dee mee bange enda anatu Asera lenge dokona poropeta akali andete kisima (400) kuini Jesapeleme paka pyao sipyamo karaminyi dupwa lanyuo epena leya.

Niyamaya 9:30

Ee kana peparae embame wambu dupwa pipya imbu singi nyii nao waa waa lao repe repe lamaiyuo karee. Embena poropeta akali dupwa keta nakama pii lamainyipa embena wambu dupwa kale poeyasa see nayami. Dokona lao wambu yuu lili wakale lapome embena wambu dupwa iso karena lao panda maiyuo kaeye.

Jeremaya 18:15

Dupwa alowa pii napyamopape nambana wambu nakamame namba kame soo kaeyapala mee bange kingimi wasisi dupwana lao rendamu pingi bange kiso mailyaminyi. Nakama paraminyi kata rolae doko ranilyaminyi. Wamba paenge kata doko yaki nyuo kaeyapala nakama kata kyakana pelyaminyi.

Osia 11:7

Nakama namba mata julu jooko jilyaminyi. Dee nakama keta kenda silyamo dokome ee lao kararaminyipape mendeme nakama kiiramo minyalyuo nyii nara.

Osia 2:13

Dee enda baame namba kame siyamo dokopa baa kalya pipala akali banya mona retenge dupwa peta ralyuo karo dee nenge rendamu pingi dupwa mee bange anatuŋu lenge Bealo doko kiso maiyuo piya dokona nambame baa randa mairu. Kamongo dokome dopa letamo.

Osia 4:13

Papala yuu kyau ketae kemali pingi dupwana mena pyao kiso mailyaminyi dee yuu kyau kuki isa palu isarena pau lenge dupwana manda rao piso rende kyaa pingi dupwa kiso maiyuo petaminyi. Dopa pilyaminyi renge dokona nakamana wanenge dupwa pamuku ingyuo puminyipa nakamana ikinyi dupwana etenge dupwa kepo pyuo pilyaminyi.

Osia 4:17

Isaraele wambu dupwa mee bange anatu lenge dokona kingi lao karaminyi lao karena kae.

Luku 13:34

O Jerusaleme, Jerusaleme, Anatunya poropeta akali dupwa pyao kumwakao baa wambu nakama karaminyi dokona mapanyi peenge dupwa nyuo kaname pyao karenge. Kola endangimi ikyane dupwa papakeme nee pyuo arapunya palyingi doko suu pyao nambame yuu malu mee embena wane wanakepe dupwa nyuo arapunya sukusa palyapuli yaka lao suu pyapa piyu. Suu pyapa piyunupa daa lee.

Jone 3:19

Yanga paupau lenge doko isa panda epeyamopape isa wambu dupwame baa mona mai napala yulu koo pingi dokome iminjingi yulu dupwa mona mailyaminyi renge dokona kote pii palamo.

APOSELENA YULU 7:51

Sitipename lao, Dopa lao palipyamopa nakama wambu mata enokwaro piso monarena simbi simbi pyuo kalena palyuo see narama lao Imambu Poo Pyasi dokopa sisi nyuo karaminyi leya. Nakamana rora ambusipi pyuo kareyaminyili pyuo karaminyi.

Jasi 2:13

Nakamame Kamongo Anatu kando dee kingi ketae pyambuo lakanda nao dokopa wambu wakalena kyambo anatu Bealo Asetatepa lenge dolapona lao yulu pyuo kareyami.