Osia 1:4 - Anatunya Buku Baepole Ole Testamene Pii Lapo dee Nuu Tesamene

⁴ Banya rora ambasu akali Jiyu baame yuu Jeserele dokona koo piyamo dokona nambame Isaraele wambunya kiŋi doko randa mairunu yuu gii mende mee kore yuu sera ingya nalyamo dokona lao banya kingi Jeserele lena leya Kamongo dokome. Lapala lao Jiyunya rora ambasumi Isaraele rapu pilyaminyi dupwa nambame ote pinyi nembaro, leya.

Osia 1:4 ပူးပေါင်းရင်းမြစ်များ

Aisaya 7:14

Dakepa Kamongo baa rangeme emba renge lyakai mende pyuo lasaka piramo doko dopale. Doko enda mapwae mende petamo doko keta wane ingyaramo manjipala dokopa kingi doko Imanuele larami, leya. (Imanuele kingi doko Anatu namwa role pyao karamo dopale.)

Aisaya 8:3

Yuu gii lapo epo papeyamo dokopa nambana enda doko wane ingiya. Wane manjo nyiyamo dokopa Kamongo dokome langyuo, Banya kingi Waiya Lao Kokwa Soo Apa Nenge lape, leya.

Aisaya 9:6

Wane mende manjakarami. Ikinyingi doko jera ingilyamo. Doko namwa iso karara. Banya kingi doko Rapu Pingi Nyiso Karenge Elyapiŋi laraminyi karara. Anatu Porai doko, Letena Renge Palenge Rakaneŋe, larami. Kiŋi Mona Kyuu Lao Singinya Ikinyingi, larami.

Jeremaya 20:3

Dokona yangama dokopa Pasame namba neta nyiyamo dokopa nambame baa lamaiyuo, Kamongo dokome embena kingi Pasa kaepala Wambu Paka Renge Maiyuo Paenge Akaliŋi lape lapya, leya.

Jeremaya 23:2

Isaraele wambunya Kamongo Anatu dokome dopa letamo. Isaraele wambunya akali kyawa dupwame nambana wambu rapu pyakamiramili kata dokona pyaka nalyaminyi. Nakamame pyao kusape palyuo bolombalo lanyi nembakalyaminyi. Dopa pyuo yulu koo doo pilyaminyi dokona lao nambame nakama randa jero, letamo.

Osia 1:6

Leyamo dokopa enda Goma baa dee kamba wane paleyamopa wanake mende manjo nyiya. Yuu gii dokopa Kamongome Osia lamaiyuo, Nambame Isaraele wambu dupwa mona randame kumuo nakamana koo dupwa nyuo kame sakamiru ingya nalyamo dokona wanake kingi Mona Reta Nange lena leya.

Osia 1:9

Dokopa Kamongo dokome lao, Wane banya kingi doko Nambana Wambu Daa lare, leya. Doko nakama Isaraele wambu dupwa nambana wambu daa dee namba nakamana Anatu daako, leya.

Osia 2:13

Dee enda baame namba kame siyamo dokopa baa kalya pipala akali banya mona retenge dupwa peta ralyuo karo dee nenge rendamu pingi dupwa mee bange anatuŋu lenge Bealo doko kiso maiyuo piya dokona nambame baa randa mairu. Kamongo dokome dopa letamo.

Osia 2:22

Dokopa yuu dokona kenapa isa girapo jingi olipi jingipi dupwa ando lyera.

Emosa 9:8

Namba Kamongo Mupwa Andake Wakasa karenge dokome Isaraele wambunya Kiŋi dokome isingi yuu doko poraiyuo kando karo. Dokopa yuu dokona yulu koo dupwa palyuo simbwalyamo. Simbwalyamo renge dokona nambame nakama pyao kokwa soo nembalu nembo nembaro. Nembaronopape Jekopena ree palu dokona lapo kyawa minyaro.

Matyu 1:21

Baame wane mende manjiramopa wane dokome banya wambunya koo dupwa raka lanyi nembo pyuo nyera dokona embame banya kingi Yesu lare leya.

Luku 1:13

Piyamopape aŋala dokome baa dopa lamaiya. Sakaraya, emba paka kae. Emba ateŋa lao karene doko Anatumi soo karamo. Embena etene Ilisapeta baame wane mende manjakara. Banya kingi Jone lare.

Luku 1:31

Embena rombanda wane ingyaramopa manjiri lyakande. Manjipala banya kingi Yesu lare, leya.

Luku 1:63

Dokopa pepa pingi bange doko minyuo epena lao lamaiya. Dokopa, Baa kingi Jone larama, lao pepa pyao reteya. Dopa lao pyao reteyamo dokopa nakama peparae ayaka leyami.

Jone 1:42

Baame Yesu kareyamo dokona Pita lanyuo peya. Yesumi baa kandapala dopa leya. Emba Saimone Jonena ikinyingi lyasili. Emba kingi Sipasa larama leya. (Kingi Sipasa doko wambu kingi kana dopale.)