Orome 8:38 - Anatunya Buku Baepole Ole Testamene Pii Lapo dee Nuu Tesamene

³⁸ Mendeme baame namwa mona retenge renge doko rekya lao nemba nara doko soo gisilyu. Kumungi renge lete rengepe dolapome nyuo nembarambinde daa. Aŋalape yake panda porai wakale wakalepe dusipame nyuo nembara ingya nara. Dakepape panda rakyamepe bange mendeme nyuo namwa wakale wakale pira ingya nalyamo.

Orome 8:38 ပူးပေါင်းရင်းမြစ်များ

Jone 10:28

Dokopa nambame nakama letena renge kulisa palu palenge doko mailyunusa nakama kumalu kumuo kuma naraminyipa nambame minyaro kararonopa mendeme kingi raka lao nyii narami ingilyamo.

Orome 14:7

Dokona lao namwa mendeme range dokona sisu lao kara nange. Dopako pyuo mendeme range dokona sisu lao kumarama ingya nange. Lete kararama ramo doko Kamongona yulu sera.

Orome 14:8

Dee kumarama ramo doko banyako yulu sera. Lete kararama ramo panda kumarama ramo doko namwa Kamongona.

Orome 4:21

Anatumi lalu lao leyamo dokona pira lyakande lao angi soo otapala kareya.

Orome 6:23

Koona yole nyilyamano lao dokopa kumungi renge nyerami. Dopa piraminyipape Anatumi Kamongo Yesu Koraisa keta letena renge mee jera.

1 Korina 15:24

Yuu lumwa piramo dokopa baame kamongo dupwape mupwa dupwape porai dupwape kui lanyi palyapala peparae Rakange Anatunya kingi rakana palyara.

2 Korina 11:14

Yulu dopale doko silyamano. Sataneme alowa pipala aŋala yanga paupau lenge dopale ingyuo makande pyuo karenge.

2 Korina 4:13

Baepolena pii lao dokopa, Namba kinyi lao suu pyapala sipurapala lao kareyo letamo. Doko suu pyao namwa pii soo nyepala kinyi lao suu pyao leto lao lao karamanoko.

Epesasa 1:21

Dokopa mupwa dupwape ketae karamo dupwape poraingi dupwape kamongonge dupwape kingi ketae palenge dupwa peparaena Koraisa baa mupwa ingyuo petena lao piya. Yuu gii dusipana iki daako, yuu gii ene eparamo doko opetaenako.

Kolosi 1:16

Baa ketako yake bange dee isa bange dupwapeko wasisi silyamo. Bange kandenge dee mendeme kanda nangepe Imambu dupwape kiŋi dupwape kamongo dupwape gapomane dupwape baa ketako pyuo ingiyamopa banyako silyamo.

Kolosi 2:15

Koraisame isa mamando dokona mupwa dupwape imambu dupwape anamasi minyuo puu maipala yuu aupa lao anda lanyuo epeyamopa wambu peparae kandeyami.

2 Timoti 1:12

Renge dokona lao namba keta randa nyilyu. Randa nyipunupape namba dokona lao elya nalyo. Nambame akali kapa ingingi lao suu pyao karo doko range silyu. Yuu gii mupwa ene pyaka sepa naramopa yulu piri lao rombo palyakaya dokona minyuo pyuo kararo dokopa kyawa minyuo karara.

Ipuru 11:13

Enda akalipi dusipa Anatumi bangende nyerami leyamo dupwa nyepa nao nanesale karo mee kyanyi kandapala, Namwa dae mee sisi panda ingyuo epo karamwano pilyamo lao kareyami. Dopa pyuo nakama Anatu kapa ingingi lao suu pyao karo kumuyami.

1 Pita 3:22

Baa yake panda papala Anatunya kingi rolae dokona piso aŋala dupwape imambu mupwa, dee kamongo dupwa iso karamo.