Orome 8:2 - Anatunya Buku Baepole Ole Testamene Pii Lapo dee Nuu Tesamene

² Namwa Yesu Koraisapa pakao karenge wambu keta Imambu letena renge palenge baame porayapala koo renge namwa rambu leyamo doko rekya lapala namwa moko nyiyasa piya.

Orome 8:2 ပူးပေါင်းရင်းမြစ်များ

Samu 51:12

Embame namba pyuo nyiinyi dokona piso mona pyakalyuo pingi renge doko epenge. Doko dee range jepe. Jepala dokopa namba waa waa karo rape rape lao pingirenge jere.

Isikiolo 1:21

Yuu gii peparae bange lete karenge dusipa kata paope mee karope sipuro yake ketae pao uliuli bunu dusipa mendare dokonako palyuo peyami.

Jone 4:10

Yesumi isingi dopa lamaiya. Emba Anatumi renge keyange jingi dupwa soo giso apimi ipwa jii letamo lao sipili doko embame baa piso serenepa baame ipwa letena renge palenge lapo jipyali, leya.

Jone 4:14

Ipwa namba mairunu mendeme narami dupwa yango nano ama pii naramopa mona dokona guu lao endangi palyuo karara. Dokome kyakana renge palu palenge dokome baa keta ranjo neta epara leya.

Jone 6:63

Wambumi imambu paliramopa lete karenge. Yanenge yeelyo dokona renge mende pali nalyamo. Pii langyalono dupwa imambunya pii ingilyamo dokome soo nyepala lete parami.

Jone 8:32

Dokopa pii angi kinyi doko soo gisaraminyisa pii kinyi dokome nakama kiiramo neta nyera leya.

Jone 8:36

Dokona Ikinyingi dokome nakama kiiramo nyera ramo doko nakama kinyi kinyi moko nyisi kararami.

Orome 16:3

Pirisila Akuilapa nambamoo pipya Yesu Koraisana kendemande yulu pingi dolapo yako leto.

Orome 3:27

Aki bange mendeme minyuo mupwa ingyalyamano lao suu pyaramape? Bange mendena dopa pirama ingya nara. Lowa minyilyamo dokona lao range lakandarape? Dokona daa. Renge angi doko Yesu mona maiyamo dokona range lakando karara ingilyamo.

Orome 5:21

Dokona ingyuo koo dokona kumungi renge doko palipala wambu dupwa isili laro kareya. Dopako pyuo Anatunya mona keyange palyuo ipingi renge dokome rolaena renge palipala wambu dupwa nyuo kalyaro karamo. Dokome Kamongo Yesu Koraisa keta letena renge dokona nyuo kararamo kararama.

Orome 6:14

Koo dokome nakamana kiŋi ingyuo kara nana. Nakama lowame rapu pyuo kara napyamopape Anatunya mona keyange palyuo ipingi dokome isapyamo karaminyi.

Orome 6:18

Nakama koo dupwana kiiramo epapala yulu rolaena kendemande ingyuo kareyami.

Orome 6:22

Dopa piyamopape dakepa nakama koo dokona kiiramo epapala Anatunya kendemande ingyuo karaminyi. Dokona lao nakama Anatunya angingyuo pelyaminyi dokona yuu gii lumwa piramo dokopa letena renge nyerami.

Orome 7:21

Namba keta koo renge palamo doko soo gisilyu. Doko yulu keyange pinya lao suu pyapunupape yulu koo dokona namba sinyi palyapa pilyamo.

Orome 7:23

Dopa pipunupape lowa wakale mendeme nambana yanenge dokona keta palamo lao silyu. Lowa wakalendeme lowa namba mona retelyamo doko yanda pimwai ingilyamo. Dakepa lowa koo dokome yanengena yulu pilyamo silyu dokome namba puu maipyamo karo.

Orome 7:4

Yangonemoo, pii doko nakama keta palamo. Nakama Yesu Koraisana yanenge dokona pingyasi karaminyi dokona lao Lowa dokome nakama minyaro sulu see nalyamo. Yesu kumapala lopo epeya doko baapa pakao karo Anatunya yulu rolae dupwa piramasa pira.

Orome 8:1

Wambu Yesu Koraisa keta pyamalyuo petaminyi dupwana lao koo dokona kote pii larami dokopa nakama keta pali nalyamo.

1 Korina 15:45

Baepole dopa pyuo letamo. Wambo epeyamo Atame doko mee isa akali ingyuo epeya. Enakana epeyamo Atame doko baa Imambu lete karengena maingi ingyuo epeya letamo.

2 Korina 3:17

Kamongo lapu doko Imambu dokona lapusa pilyamo. Kamongona Imambu doko wambu keta eparamopa manda rao kararama.

2 Korina 3:6

Anatu baame iki namwa kana minyuo lenge enenge kapa pyuo inginyi pyambuya. Kana minyuo lenge enenge doko pepana pyasi lowa daa. Imambu dokome pingi. Lowa pyasi palamo dokome kumungi renge sipuro epenge. Ipyamopape Imambu dokome lete renge minyuo epenge.

Galasia 2:19

Lowa dokome namba mata rukyu piyamo kumasi ingyuo kareyo. Lowa rangeme dopa pyuo namba pyao kumuyamopa epapu Anatunya lete dokona karalu kararo. Koraisapa isa mamandona kumasi paleyo dokona epapu namba range angi kara nalyo. Koraisa banya lete renge doko namba keta palamo. Epapu yulu pyuo karo dupwa Anatunya Ikinyingi namba mona retapala kumuyamo doko baa kapa ingingi lao suu pyao pyuo karapusa pilyamoko. Anatunya mona keyange palyuo ipingi doko mata maiyuo nemba nalyo. Akali dupwa Lowa dokome Anatupa rolae ingyuo peyamili doko Koraisa baa mee kumuo paleyali.

Galasia 5:1

Koraisa nyisipyamopa namwa kiiramo nyisi karamano dokopa kiiramo nyisi ingyuo karo dee kambako Satanena kendemande anjisi ingyuo kara nalapape.

Galasia 6:2

Yango mendena kendange dupwa nakamame nyuo sakamyuo karalapape. Dopa pyuo piraminyi dokomeko Koraisana lowa andake doko minyaramisa pira.

Jemesa 1:25

Akali mendeme lowa keyange yapasi wambu kiiramo nyingi dokona poraiyuo sepala karo mee kalena ketae angi sepa nae naepe, waiya lao kame soo kara nangende ramo doko Anatumi nyisaramopa raeme kumuo para.

Orepalaisane 11:11

Yuu rema dee apo ingyuo kote yuu sepeyamo dokopa poporambaiye lete palenge doko Anatu keta piso epapala nakamba keta maralyiyamopa sipurao epeyambi. Doko kandeyami dupwa mona nembo pakayami.

Orepalaisane 22:1

Enakana aŋala dokome ipwa letena renge palenge doko namba lasaka piya. Ipwa doko Anatu dee Sipisipi Ikyanepe dolapona petenge isana piso guu lapala ketapa ingyuo lepolepo pyuo epo peyamo kandeyo.