Orome 7:14 - Anatunya Buku Baepole Ole Testamene Pii Lapo dee Nuu Tesamene

¹⁴ Lowa doko Imambunya ingyuo silyamo lao silyamano. Dopa pipyamopape namba mee isa akali karo dokona koo dokome namba karapusi pipyamopa karo.

Orome 7:14 ပူးပေါင်းရင်းမြစ်များ

Jenesese 37:27

Isimaelena rara akali dupwa maiyuo kana nyemana. Dopa pyuo mairamaramo doko baa randa maiya naramasa pira. Baa namwana yangonge ranjama mendaki doŋo, leya. Leyasa yangonge dusipame kapa lyamo, leyami.

Jenesese 37:36

Dopa lao piso kareyamo dokopa Mitiane akali dupwame Josepe Isipi dokona lanyuo pao yanda singi Potipa lenge doko keta kana ropo pyao maiyami. Akali doko kiŋi Peraona anda dokona karo yanda singi yango rapu pyuo kareya.

Jenesese 40:15

Namba koo mende pii nayonopa Ipuru yuu dokona waa nyuo epeyami dee dopako pyuo dae mende pipundena karapusi piminde daa, leya.

1 Kiŋi 21:20

Ayapeme Ilainja kandapala dopa leya, Nambana nyisu petenge, embame namba minyarapala nyela epelese? leya. Leyamo dokopa Ilainjame isingi lao, Emba Kamongona lenge kambu dorena emba rangeme koo pipala nyisa rekya lao pao otapi dokona waa nambame emba nyela epelyo.

1 Kiŋi 21:25

(Banya etenge Jesapeleme kyawame suu lao piyamo dokome Kamongona lenge kambu dokona Ayape baame ama koo pyulu pyuo piya. Banya koo piyamo doko wakale dupwana mendeme isa palya nayami.

Jopo 42:6

Dokona lao namba pii peparae lapunu dupwana elyalyo dokona kondome kumuo pee awaipi pyapala pisiru, leya Jopome.

Samu 51:6

Kinyi angi kapa dokona lenge doko emba rae mailini dokona nambana kyawa sisinginya embena mona palenge singinya renge palyuo simbwakape.

Aisaya 50:1

Kamongo dokome lao Nakamame suu pyaminyi dokopa akalimi enda ramanyi nembenge dopale ingyuo nambame nambana wambu dupwa neta ramanyi nembo kaeŋe lao suu pilyamisi? Dopa pyuo suu pyarami ramo ramanyi nembelyo lao pepa piyunu angi doko anja silyase? Akali mendeme banya wane dupwa karapusi ingyuo yulu pyuo pena lao maiyuo kana nyingi dopale ingyuo nambame nakama karapusi ingyuo pupwa lapala maiyuo bange nyiiŋi lao suu pilyamisi? Daa nakama karapusi ingyuo peyami doko nakama rangeme koo pipala lowa yalo piyaminyi dokona peyamisa piya.

Aisaya 52:3

Kamongome banya wambu dupwa kando lamaiyuo lao, Kana mendeme nakama ropo pyao nyuo karapusi palyiyaminde daa. Dokona ingyuo nakama nyisa moko eparami lao kana reto nyeraminde daa.

Aisaya 6:5

Dopa piyasa namba kumuo kaeyalyano lao mee kikurenge doko kareyo. Karo suu pyao, Nambame kambunya pii epenge dupwa karo petenge dupwako epenge dokoŋo dee wambu pii koo kambunya lao piso palyuo piminyi dupwa pipya piso palyuo pyuo karenge. Dopa pyuo karapunupape nambana lenge angi dokome Kamongo Porai Wakasa Kiŋi doko angi kandelyo lao suu piyu.

Lipitikase 19:18

Embame koo dokona isingi yano nyelana suu pyaa nao dee koo embapa piramo wambu dokopa imbu paleta kara nao pipi. Emba rangena yongo mona nyuo karene doko suu pyao parali maki palenge wambu dupwa mona reto karape. Namba Kamongo doko karo.

Emosa 2:6

Kamongome dopa lao, Isaraele wambu dupwa yulu koo doko kamba pyuo kamba pyuo karaminyi dokona nambame nakama angi randa mairu, leya. Isaraele wambu dupwame akali rolae karenge kana aeya nalyamopa kuki mendeme kimbu suu kana kuki penge dupwa ropo pyaramana laope sera nange dupwa kendemande ingyuo karena lao kana nyuo karapusi pyuo nembelyaminyi.

Matyu 16:23

Dokopa Yesumi kapu kyepala Pita lamaiyuo, Satane, emba nambana lenge kambu silyamo dorena kata kaepala matarena puu. Mena gyaana kyalende oko sili lao lapisa pilyamo. Emba Anatu suu pyao karamo dokona daa. Isa wambumi suu pinginyili pyuo lapilyamo leya.

Matyu 18:25

Dokopa baa maiyalana saka nayamo dokona banya kamongo dokome lao, Baamoo banya etengemoo banya wane wanake dusipape banya bange retenge dupwa peparaepe ropo pyao maipala dokome baa namba kana jerali dusipa range nyero, leya.

Matyu 5:22

Dopa leyako doŋo nambame nakama dopa langilyu. Mendeme yangonge mende kando imbwuara ramo doko baa keta kote sera ingilyamo. Mendeme yangonge mende kilya kandalya kandana pyuo lara ramo doko kote andake doko baa keta palira ingilyamo. Mendeme yangonge mende kando, Emba kopyali lao koo keta palyuo lao nembara ramo doko baa isare panda para ingyuowale karara.

Matyu 5:28

Dopa leyako doŋo nambame mende langiru. Mendeme kepo pipuli lao suu pyara ramo doko banya suu pingi dokome enda dokopa kepo pyuo kaeyarasa pira.

Luku 5:8

Dopa piyamo doko kandapala Saimone Pita Yesunya wapambu siyamo dokona pangu sepala dopa leya. Kamongo namba akali koo ingyuo karono dokona embame namba yaki nyuo puu leya.

Luku 7:6

Dokopa Yesu nakama role pyao peyami. Pao baa anda repeta peyamo dokopa yanda singi mupwa dokome puu minyingi lapo baa kareyamo dokona pena lao dopa lamaiyakao lena leya. Emba makare, epa kae. Namba kwao karo dokona nambana anda andakare dokona eparene doko kapa ingya nalyamo.

Orome 3:9

Doko namwa Juu wambu dupwame menge dupwa isa nembowale karamano lao suu pilyamase? Doko daa. Koo dokome namwa Juupi Juu daa rara wakalepe kata mendakinya palyuo peteyama, doko rolo langyalono.

Orome 6:6

Namwa wamba palyuo karo pingi doko Koraisapa role pyao isa mamandona kumuo paleya doko silyamano. Dopa piyamano dokome koona porainya renge doko pyao kokwa sinyi nembeya dokome namwa koona kendemande ingyuo kara narama ingilyamo.

Orome 7:18

Namba isa akali dokome namba keta keyange mende pali nalyamo lao silyu. Nambame keyange doko pipuli pipuli lao sipunupape pinya saka nalyo.

Galasia 4:3

Pii doko namwa dopale lao kongwalu palamo. Namwa Anatunya yulu dokona soo gisapa nao kareyama dokopa imambu koo dupwana karapusi akali ingyuo kareyama.

Epesasa 3:8

Anatunya wambu yapasi menge dupwa peparaena namba kamame isale ingyuo karapunupape Koraisana kamongonge bange kapa pyuo soo nyii naramili dupwa namba keta epeya. Doko Juu daa rara wakale dupwa mana lamaiyuo karapenge dokona lao jiya.

Dutaronome 6:5

Nakamana monape nakamana imambupi nakamana porainya rengepe dupwa peparaeme nakamana Kamongo Anatu doko mona retalapape.

Ipuru 4:12

Anatunya pii doko kumasi daa. Doko pelyamo dokopa papae kareta pele lenge. Wua wakale mende paki pakipi nenge karenge dopale manda manjo ingya nalyamo. Wambunya monarena pelyamo dokopa nenge wakasa karengendeme nyiso puumi bilima nao pusili lenge. Ama koko papala wambunya suu pingi dokona koo keyangepe kando kendali minyinyi nembenge.