Orome 4:17 - Anatunya Buku Baepole Ole Testamene Pii Lapo dee Nuu Tesamene

¹⁷ Doko suu pyao Anatunya pii pyasi dokona lao, Emba yuu muu peparaena rara dupwana rakange ingyuo rombo palyiyu lasi silyamo. Dokona lao Anatunya pii lao kana minyingi doko range alowa pinya rae mai nange. Anatu Aporakameme mona maiyamo Anatu dokome kumasi dupwa letena renge maipala banya pii dokome bange wamba see nayamo dupwa mee poro lena lenge.

Orome 4:17 ပူးပေါင်းရင်းမြစ်များ

Jenesese 17:16

Nambame baa elyape keta pisinyi pyambwaronopa embena wane mende manjakara. Dopa pyuo baa elyape keta pisirunupa baa rara malu dupwana endangi kyawa ingyuo pisira dee baame para pyaramo dupwana lapo kiŋiingyuo parami, leya.

Jenesese 17:20

Isimaelena dokona lao sakao larene doko silyu. Nambame baa elyape keta pisinyi pyambwaronopa baame kaiya karo manjo jingi parape pyao paramopa dupwana akali akalisaipisu lama kamonganyi nembaronopa rara andake ingyuo para.

Jenesese 28:3

Anatu Porai Wakasa dokome emba ketae nembo wai kisaramo dokona wambu akalyanda liti pyuo parami, leya.

Aisaya 43:6

Dopa pyuo karaminyi dokopa yuu dulurena wambu dupwa lamaiyuo dokopa nambana wambu dupwa kakaso pena kaeyakana laro. Dee donorena wambu dupwa lamaiyuo dokopa penaleŋe minya sili sili laa nana lao piru. Dokopa kamame panda lao saka nange yuu muu wakale wakale dupwana naneta kararaminyi dupwape dee yuu muu peparae kipwa kipwa dupwana kararaminyi dupwape andako kili kali pyuo epena.

Aisaya 44:7

Mendeme namba piyunu dopale piyamende karase? Api mende ene kanda soo dokona piso yuu gii lumwa piramo dupwana dopa piraŋa lao leyamende karase?

Aisaya 49:12

Nambana wambu dupwa kaname nanesa piso eparami. Eparaminyi dupwa dulurena pisope neta yalyingi dorena pisope dee yuu taone Asawane yuu Isipi dokona donorena singi dokona pisope eparami.

Aisaya 55:12

Nakama yuu Bapilone mona seramopa raeme kumuo yaki nyerami. Yuu kyau kuki andakepe nakama paraminyi kata dokona silyamo dupwame puli pyao kenane pyarami dee isa dupwame rae maiyuo pii ketae palyuo larami.

Matyu 3:9

Aporakame namwana rakange kyawa ingiyamopa karamano lao nakama range ketae pyambuo laa nalapape. Dokona ingyuo Anatumi mee kana dupwa nyuo Aporakamena wane wanakepe ingyuo petena lao kapa wasara.

Jone 5:21

Dokona suu pyao Rakange dokome wambu kumuo palenge dupwa lete minyalyuo nyingi doko suu pyao Ikinyingi opetaeme lapo letena renge mairu lao suu pilyamuli pyuo maingi.

Jone 5:25

Kinyi kinyi langilyu, yuu gii mende pyaka sera doko pyaka soo kaepyamopa wambu kumuo palaminyi dupwa Anatunya Ikinyingi pii laramo doko sepala lete parami.

Jone 6:63

Wambumi imambu paliramopa lete karenge. Yanenge yeelyo dokona renge mende pali nalyamo. Pii langyalono dupwa imambunya pii ingilyamo dokome soo nyepala lete parami.

APOSELENA YULU 15:18

Kamongome pii doko yuu wamba lao paneya kande.

Orome 3:29

Anatu baa Juu wambunya ikisi? Baa rara menge dupwana opetaena daase? Kinyi menge dupwa opetaena ingilyamo.

Orome 4:18

Dupwame mende pii nara lao suu piyami dokopa Aporakameme mende piraŋa lao suu pyao kaeya nao kareya. Dokome lapala baa rara malunya rakange ingyuo peya. Anatunya pii pyasi dokona lao dokopa, Embena para pyaramo dupwa malu ingyuo para lyakande leya.

Orome 4:2

Aporakamena yanengena yulu piyamo dokona ingyuo Anatupa rolo peyali renge dokona range lakandeyali. Doko kaepala Anatunya lenge kambu dokona range lakandara ingyuo paa naya.

Orome 8:11

Anatunya Imambu nakama keta palirande ramo baa Koraisa Yesu lete minyalyuo nyiya doko suu pyao nakamana yongo doko minyalyuo nyerako.

Orome 9:11

Wane lama ene manjaraŋa lao dokopa Anatumi mende mupwa ingyara lao doko wambo rombo palyiya. Anatu rangeme rombo palyuo, Wane wambo dokome enakana dokona yulu pyakamira lao Orepeka lamaiya. Lamaiyamopa nakamba yulu koope panda keyange mendena wambo pipa nayambinyi dopa lao rombo palyinyi reteya. Reteyamuli pyuo Anatunya rombo palyiya doko nakambana yulu piyambi dokona daa. Banya leyamo kata dokona ingyuo peya.

Orome 9:26

Nakama Anatunya wambu daaŋa leyaminyi panda dokona, nakama Anatu lete karengena wambu larami leya.

1 Korina 1:28

Baame mee wambumi kando nembo mupwa daaŋa lapala koo ingilyamo laope dee kwao silyamopa lao suu pingi dupwa Anatu rombo palyuo nyingi. Dopa pyuo dokopa baame mee wambumi mupwa lao suu pingi dupwa nyuo kokwa singi.

1 Korina 15:45

Baepole dopa pyuo letamo. Wambo epeyamo Atame doko mee isa akali ingyuo epeya. Enakana epeyamo Atame doko baa Imambu lete karengena maingi ingyuo epeya letamo.

1 Timoti 6:13

Anatumi lete karenge renge maingi dokopa dee Koraisa Yesumi akali Pondiasa Pailate lenge kambunya karo dopa pyuoŋo lao polo leya dokope dolapona lenge kambu dokona karo epapu nambame emba dopa pyuo piri lao langilyu.

Ipuru 11:12

Aporakame emo kaepala kumalana kimbu malyaro kareyamo baa akali mendaki doko keta wambu ama rara andake ingyuo yakena bui dee ipwa kota kee kanape ingyuo peeyara mendeme yaka lao kandarami ingya naya.

Ipuru 11:3

Anatu kapa ingingi lao suu pilyamano kata dokona Anatumi banya pii dokome yuu muu dupwa wasiya doko silyamano. Doko wambo dokopa mende see nayamopa enakana maro leya.

Ipuru 11:7

Noa baa Anatu kapa ingingi lao suu piyamo renge dokome mende pira dokona Anatumi baa repe repe pii lamaiyamo doko soo nyiya. Sepala baame sipu anda wasiyamopa banya ree palu pipa lete wai pyao peyami. Yuu muu peparae koo keta pasi siyamo kandapala baa Anatu kapa ingingi lao suu piyamo dokona rolaena renge imu epeyamo kando nyiya.

1 Pita 2:10

Nakamba wambo wakale ingyuo peteyamiyipa epapu Anatunya wambu karaminyi. Anatunya sakao nyiso karenge renge dokona kamenge see nao kareyami doko epapu nakama kete palamo.

2 Pita 3:8

Nambana puu minyingimoo, pii dake kame see nalapape. Anatumi ee kana ama malu (1,000) doko yuu gii mee mendaki dopaleko lao suu pyaro karapyamo pilyamo.