Orome 2:8 - Anatunya Buku Baepole Ole Testamene Pii Lapo dee Nuu Tesamene

⁸ Dee akali lapo dupwame Satanena kata dokona papyuo Anatunya pii dupwa kando kamba letaminyi dupwa Anatunya imbu singi doko nakama keta palira.

Orome 2:8 ပူးပေါင်းရင်းမြစ်များ

Samu 90:11

Emba dopa pyuo renge palyuo imbwualene lao angi apimi soo pakana palyuo silyase? Embena pakao imbwange renge minyuo epenge doko apimi pakame kumapala soo otengese?

Poropepe 13:10

Dokona wambu range ulipili lao suu pingi dokome mende nyii napala randako iki nyingi. Wambu mendeme laraminyi soo nyelana piso singi doko renge angi soo nyingi kata dopale.

Orome 1:18

Anatunya imbu singi yake panda piso neta epelyamo yulu koo dokonape isa wambu koo pyuo banya pii kinyi dupwa kalyamo karaminyi dupwa ketape pano epo palamo lao kandelyamano.

Orome 10:16

Siyaminyipape nakama peparaeme waili pii doko soo nyilyaminde daa. Akali Aisaya baa rangeme lao, Kamongo apimoo namwana waili pii soo nyiyamipi? leya.

Orome 15:18

Nambame mendena kata palyuo lao kara naro. Rara menge dupwana suu pyao Koraisame namba keta yulu pyamalyiyamo Anatunya kata lasaka piyu dokona paka nao laro ingilyamo. Pii leyonopape yulu piyunupape dolapome yulu doko pyakamiyu.

Orome 6:17

Wamba nakama koona, kendemande ingyuo kareyami. Epapu doko kaepala, nakama pii kinyi langiyaminyi mona dokona poraiyuo soo nyilyaminyi dokona Anatu lakandalapa.

Orome 9:22

Anatumi wambu pinya dopako pyuo piya. Baame banya imbu singi lasaka pyuo banya porainya renge doko nolakalana suu pyao kareya. Wambu baame imbu singi mandeyamo dupwa keta oo randa nyerami ingiyamopape waiya lao randa mailana suu pyaa naya.

1 Korina 11:16

Dopa pyuo piyamo dokona wambu lapo dokona palyuo apiyanda pyuo larami ramo doko see namanale. Doko namwape panda Anatunya Elyambu Pingi wambu dupwape kata wakale mendena Anatu lakandarami ingya nalyamo.

2 Korina 12:20

Namba eparono dokopa nakama kapu kyepala wakale ingyuo kararaminyi lao pakalyo. Dee nakamame namba karareli lao suu pyaraminyi doko kaepala wakale ingyuo karasarono lapala dokona mona kendalyoko. Nakama yango sukusa laiya lao yango palyuo imbwuapala rango nao wambu yango lao nembo pyuo kararami ingilyamo. Nakama kopetame pyuo mata kando lao moŋokyaŋe soo kararami ingilyamo dupwana mona kendo karo.

Galasia 5:20

Pipu lao dee mee bange dupwa kando kingi lengepe wambu yanda pimwai inginyi pyambuo yango pyalana pyuo yango palyuo karaminyi. Mendena wakale dupwa kanda lyanolyano pyakamyuo karenge. Rara lili pilya pyana pyuo karo pilyaminyi.

Pilipai 1:17

Wambu menge dupwa Yesu Koraisana waili pii keyange kyambo lele lao nakama rangena kingi andapyali lao letaminyi. Doko namba karapusi dokona moŋo andake jimwali lao lamisa pilyamo.

Pilipai 2:3

Rango nao range namba keta palipyali lao dee suu pingi koo suu pyao range ketae pyambuo lakando pii narami. Namba range wakasa lao masa nao wambu wakale dupwa mupwa lao suu pyao inyimungu karo mendali kondo kondo lao kararami.

2 Tesalonaika 1:8

Wambu Anatu see nangepe Kamongo Yesunya waili pii keyange warombo soo pisa nange dupwape Yesu banya aŋala porai dupwa pipya isare kekenge dokome randa maiyala eparami.

Taitesa 3:9

Kopyali ingyuo apiyanda pyuo laa nao mumbwange kauwange kamongo dupwana kingi lasi londe dupwa minyuo dopale kandale lao pyuo lao karare doko kapa ingyuo paa nalyamo. Laiya laa nao Lowa pii dokona lao suu pyao sisi nyuo kara napipi. Dusipame mendali nyisa nao mee ingyuo pelyamo.

Ipuru 10:27

Doko Anatu banya yanda pimwai kando kote lapala isare renge panda dokona kopeta kapeta pena laralyamo lao suu pyao mona nembo kararama ingilyamo.

Ipuru 11:8

Anatumi Aporakame dokona yuu maironya lao kaeyamo dokona pena leyamo dokona rape rape lao peya. Rangena rara yuupi yaki nyuo anja panya pelyo lao soo pakana palyapa nao Anatu kapa ingingi lao suu pyapala peya.

Ipuru 5:9

Baa dopa pyuo mana nyepala angingyuo peyamopa lete karalu karengena renge doko wambu baa warombo siyami dupwa keta maiya.

Jemesa 3:14

Rangena mona andarena pelanyi nembo range dokona kamongo karalana lao suu pyapala yango koo palyuo karare ramo doko keyange ingyuo karo lao kyambo laa nalapape.

Jemesa 3:16

Panda mendena wambu dupwame yango palyapala nyilyingili ingyuo karalana suu pyarami dokona piso koo pipala yulu dupwa kwao para.

1 Pita 3:1

Dopako pyuo nakama enda dupwa akalinya dokona isarena pisipwape. Dopa pirami dokome baa Anatunya pii dokona sili see nale lao karenge ramo doko nakamana yulu rolae dupwa kyanyi kandapala mona kapu kyera. Nakamame piimi lao sukusa nyeraminde daa.

1 Pita 4:17

Kote andake laramo yuu gii repetale pyaka sepelyamo dokopa Anatu banya wambu dupwa kando wambowana ingyuo kote lara ingilyamo dokona waili pii keyange doko kinyi lao suu pyaa nange wambu dupwa apa pyuo parami?

Orepalaisane 14:10

doko baa Anatunya imbu singi nyingi waene ipwange doko nara leya. Anatumi mee ipwa pipa minyuo pyasalya pyasana pyuo pii nara. Anatu banya imbu singi doko pee kapo dokona kulimbwanyi palyapala dokopa nena lara. Aŋala poo pyasipi dee Sipisipi Ikyanena lenge kambu dolaponape karo ipwange doo isareme rao lulyakasisi randa andake pingi dopale naminyipa nakamana randa nyingi doko isare kyau ingili lao pao karalu karara.

Orepalaisane 16:19

Taone andake doko remasa lao liti pyuo rali piya. Dee yuu mure lao rara wakale dupwana taone dupwa boo leya. Dokopa Anatumi yuu andake Bapilone lenge doko kame see napala banya kapona waene imbu singi renge paleta siyamo doko nao goe lena leya.