Orome 2:4 - Anatunya Buku Baepole Ole Testamene Pii Lapo dee Nuu Tesamene

⁴ Anatunya yulu keyange anjiki pyuo waiya lao randa jii nao pilyamo doko mee kuki lapala pilyamipi? Yulu elyape dokome Anatu nakama mona kapu kyuo karalale lao pilyamo doko soo kanda nalyamipi?

Orome 2:4 ပူးပေါင်းရင်းမြစ်များ

Samu 104:24

Kamongo, embame bange malu mee soo kaeyo wasiipya. Apa pyuo mona palyakondali pipala wasiipi? lao suu pyao karo. Isa yuu dake embame wasiinyi dupwameko simbwaro silyamo.

Ekesetase 34:6

Dokopa Kamongome Mosesena lenge kambusa papala kee lao lao, Namba Kamongo doko Anatu kondome kumuo nyiso karenge. Dopa pyuo karo dokopa namba waiya lao imbwa nange. Dee namba yaki nyii nao mona retenge renge andake doko nakama keta palyingi.

Aisaya 30:18

Dopa piraminyipape Kamongome sakame kumuo nakama nyisalana lao isaro karamo. Kamongo baame yuu peparae anjuku rolae lao dokonako pingi dokome nakama kando kondome kumuo nyisalana suu pyao rapa rapa pisi karamo. Kamongo kapa ingingi lao suu pyao mona pyamalyapala karaminyi wambu dupwa rae maiyuo parami ingilyamo.

Jeremaya 7:10

Nakamame namba yulu rae mai nao epe kanda napunu dupwa pilyaminyi. Pipala dokopa namba rangena tembole anda dokona epo nambana lenge kambu sipya dokona karapala lao, Namwa kyawa lete nyisi karamano, letaminyi.

Osia 3:5

Dokopa enakana Isaraele wambu dupwa dee kamba nakamana Kamongo Anatu doko keta kamba range papala kiŋi Dapitinya para pyao nyeramo doko keta parami. Yuu gii doko eparamo dokopa nakama Kamongo kando baa mupwa lao suu pyao pakame kumuo karapala Anatumi bange keyange mee mairamo dupwa nyuo kararami.

Jona 4:2

Dokopa Kamongo lao loma soo dopa leya. Namba ene anda yaki nyelana dokopa dake dopa piri lao laa nayope? lao Kamongo doko piso siya. Renge dokona namba kaepala yuu Tasisi dokona panya peyo, leya. Embame Anatu waa waa lao kondome wakasa kumungi doko namba siyu. Yuu peparae emba keta renge keyange dupwa ipyali lao enda akalipi dupwa anjiki pyuo mona reto karenge. Dee yuu peparae embena suu pingi alowa pyuo randa mairu lenge doko kaenge kandape leya.

Nambase 14:18

Namba Kamongo, doko waiya lao imbwa nao wambu dupwa ama mona reto yaki nyii nao koo pyuo mata jilyaminyipape kame sakamingi. Nakamana endangi rakangepe koo pingi dokona nambame ikinyipi wanengepe apusingi kauwangepe dupwa koo keta palyuo pyao randa mairu. Randa maiyuo nakamame para pyao wane manjo manjo paraminyi dupwa randa maiyuo piru, lee.

Orome 10:12

Baame nyisinya lao kee larami dupwa nyuo elyapi keta pisara. Juu wambupi rara mengepe mendarele ingyuo paa naraminyipape pii doko wambu peparae keta palamo. Anatu baa peparaena Kamongo karamo.

Orome 11:22

Anatu banya yulu lama palamo. Dokona mende anjiki pingi rengepe kata pao karengepe yulu dolapona kandelyamano. Isa pasi dupwa baame poraiyuo kaepala nembo kaenge. Dopa pilyamopape emba mona maingi dokona baame banya anjiki pingi renge doko emba keta palena lara ramo dokona lao baame emba kando anjiki pyuo karalu karara. Dee embame banya anjiki pingi renge dokona kara nare ramo doko emba opetaeko neta paresa pira.

Orome 11:33

Anatu baa yuu muu dupwa peparaena Kamongo. Banya singinya rengepe soo gisingi rengepe ama andake wakasa ingyuo silyamo. Api mendeme baa suu pyao karamo dupwa sepala polo larape? Api mendeme baa dopa pyuonde karenge lao soo nyerase?

Orome 3:25

Anatumi Yesu namwana koo dupwana lao kumala pena leyamo dokome wambu Yesu kapa ingingi lao suu pyarami dokona nakama koo dupwa nyuo kame sakamira ingilyamo. Anatumi dopa pyuo Yesu kumala penale leyamo dokome namwa baapa rolo parama kata doko panasi sipyamopa kandelyamano. Anatu ipyapala wambo dokopa wambunya koo dupwa mee kame sakaya.

Orome 6:1

Dokona namwa apa laramase? Anatunya mona keyange palyuo ipingi renge doko ando penale lapala koo pyulu pyuo piramase?

Orome 6:15

Namwame aki mende piramase? Namwa lowame rapu pyuo kara napyamopa Anatu mona keyange palyuo ipingi dokome isapyamo karamano lapala namwa koo piramase? Ama daa.

2 Korina 8:2

Nakama randa koo nao kareyaminyipape rae maiyuo kareyami. Pendewa ingyuo karapalape nakama ipyuo wambu yango nyisamwali lao suu piyami dokome kana andake jiyami.

Epesasa 1:18

Nambame ateŋa lao dokopa imambunya lenge pendakae lapala Anatunya yanga paupau lasi dupwa kandamili lao lakalyo. Baame banya wambu keta keyange pyakarono renge dupwa kandarami lao kee lao sukusa ipupwape leya.

Epesasa 1:7

Koraisana ranjama kulimbuo peyamo dokome namwa kiiramo nyisi karamano. Karamwanopa baa keta namwana koo dupwa kame sakapa pingi. Banya mona keyange palyuo ipingi doko andeyamosa namwa keta kakana pyuo jiya.

Epesasa 2:4

Lara ingingi doko namwa yulu koo pipala dokopa kumasi ingyuo kareyamanopape Anatumi namwa ama sakapala mona reto kareyamo dokome namwa Koraisa keta lete wai pyao nyiya. Anatumi mona keyange palyuo ipyuo karenge dokome lete wai pyao nyiyapya.

Epesasa 2:7

Dokopa yuu ene eparamo gii dupwana baa anjiki pipala banya mona keyange palyuo ipingi renge kamame wakasa doko Koraisa Yesu keta panara.

Epesasa 3:16

Kamongo Anatunya yanga paupau lenge renge jingi ingyuo lyuo karamo doko Imambu keta epo nakama maralyapala mona andarena porainyi pyambunya lao ateŋa lakalyo.

Epesasa 3:8

Anatunya wambu yapasi menge dupwa peparaena namba kamame isale ingyuo karapunupape Koraisana kamongonge bange kapa pyuo soo nyii naramili dupwa namba keta epeya. Doko Juu daa rara wakale dupwa mana lamaiyuo karapenge dokona lao jiya.

Pilipai 4:19

Nambana Anatumi baa bange malu retenge dokome nakama bange yangyaramo dupwa peparae Koraisa Yesu keta isingi jera.

Kolosi 1:27

Anatumi banya suu pingi neta renge yalu pisi doko, banya wambupi Juu daa rara wakale dupwape keta nyuo panara lao suu piya. Pii wambo yalu piyamopa see nayami doko Koraisa nakama keta palamo. Dokome Anatunya yanga paupau lenge panda nyerami.

Kolosi 2:2

Nakama mona palipala mona retenge dokome nyuo mendakyaramo kararami lao yulu andake pilyu. Anatunya singinya renge dokope suu pingi dupwape Koraisa keta wua nanga boro kumuo yalu pili laro karamo. Nakama pyuo karo dokopa renge dupwa soo nyuo mona kumapala kararami.

1 Timoti 1:16

Dopa pyuo yulu koona mupwa ingyuo piyunu dokona lapala Anatumi sakao pyuo nyuo nyisiya. Anatu baa rape rape lao karenge doko namba akali koo wakasa pingi doko keta lasaka piya. Wambu enakana Yesu kapa ingingi lao suu pyao kyakana renge kulisa palu palenge nyerami dupwame serami lao namba keta lasaka piyasa piya.

1 Timoti 6:17

Wambu isa bange malu mee retenge dupwa moŋokyaŋe see nana lao poraiyuo lamairi. Bange peparae mee ingyuo isa para dupwana lao andanyi nembo mona nyii napala Anatumi bange monarena rae maiyuo kamongarami lao jiyamo dupwana rae maiyuo mona nyuo karena lare.

1 Pita 3:20

Yuu wamba dokopa akali Noa baa sipu mende wasapala banya wambu yanda ipingi nyero nyuo peya. Sipu doko ipwa dokome soo ketae pyambuyamopa nakama lete peyami. Anatumi doloma kando waiya lao pyaa napala isaro kareyamopape wambu lapo simbi simbi pyuo karapala koo keta paleyami dupwana imambu dokonasa letamo.

2 Pita 1:11

Isa paa naramopa namwana Kamongo Lete Wai Pyao Nyingi Yesu Koraisana isingi panda keyange doko nyerami.

2 Pita 3:15

Anatumi Pole nyisiyamopa baame pii keyange lao Anatumi nakama mona kapu kyamili lao maka napala iso karamo leya dokonako palyuo leto.

2 Pita 3:3

Yuu repetale lumwa piramo gii dokopa akali lapo rangena suu pingi koo dokona minyuo londo epapala nakama kando giyalya giyana pyuo lao,

2 Pita 3:9

Dokona ingyuo lapome baa mende piro lalu lao leyamo doko kame sepala pii nalyamo lao suu pilyaminyi. Doko renge angi see napala mee lao karamisa pilyamo. Anatumi koo keta pasarami lapala mona kapu kyamili lao isaro karapyamo pilyamo.

Orepalaisane 2:21

Nambame baa mona kapu kyerape lao isaro kareyonopa enda baame banya pamuku yulu mona kenda napala pyuoko petamo.

Orepalaisane 3:20

Selapape. Nambame nakamana anda kambu dowa dokona kapakapa pyuo karo. Wambu mendeme sepala kambu dowa lumbwaramo dokopa namba andakare kolando eparonopa nakama pipya yalya kando nenge nao pisarama.