Orome 2:20 - Anatunya Buku Baepole Ole Testamene Pii Lapo dee Nuu Tesamene

²⁰ Wambu kopyalipi wane wanake dupwapena mana lenge akali ingyuo karo lao suu pyao karene. Emba Lowa minyapi dokome singinya rengepe kinyinya rengepe soo giso karo lao suu pilinyi.

Orome 2:20 ပူးပေါင်းရင်းမြစ်များ

Matyu 11:25

Yuu gii dokopa Yesumi dopa leya, Rakane yake pandape isa pandape dolapona Kamongo karene doko embame akali mora petenge dee kendepuli suu pingi palengepe dupwa keta nolaka napala wambu koole dupwa keta panelene dokona ange leto.

Orome 2:19

Embame wambu lenge kwaepyamo dupwana kata lasaka pipala iminjingi panda petaminyi dupwana kata yanganyi peenge lao suu pyao karene.

Orome 3:31

Dopa letamo doko Yesu kapa ingingi lao suu pyarama dokome Lowa doko nyuo isa palyaramasa pirase? Ama daa. Namwame Lowa kata dokona paka pyao soo pinya karamano.

Orome 6:17

Wamba nakama koona, kendemande ingyuo kareyami. Epapu doko kaepala, nakama pii kinyi langiyaminyi mona dokona poraiyuo soo nyilyaminyi dokona Anatu lakandalapa.

1 Korina 3:1

Yangonemoo nambame Imambu wambu nakama keta palamo dokona ingyuo lamaingi doko suu pyao nakama langyalana saka nayo. Saka nao nambame nakama isa wambu ingyuo Anatu kapa ingingi lao suu pingi wane wanake dupwa kareyaminyi dokona dopa langiyu.

2 Timoti 1:13

Pii langiyunuli pyuo piri lao pii angi langiyu dupwa minyuo karape. Koraisa Yesupa pakaro karaminyi dokona Anatu kapa ingingi lao suu pingipi mona retengepe dolapo poraiyuo minyuo pyuo karalu karare.

2 Timoti 3:5

Anatunya kata angi dokona mee pele lao yongona mamba kiso karapala banya porainya renge doko mata mairami. Wambu dopale dupwa waso karape.

Taitesa 1:16

Nakama kambu dokome Anatunya wambuŋu lao yulu piminyi dupwame banya ingyuo paa nalyamo. Nakama kamba lao yango mende kando awa epekanda napala yulu koo pingi dokome yulu keyange pinya saka nalyaminyi.

Ipuru 5:13

Anju ipwange iki nao karenge dupwa andapae daa kandale dokona Anatunya pii angi porai dupwa soo manji nyii narami ingilyamo.

Jemesa 3:1

Yangonemoo nakama wambu malu mee rapu pingi ingyuo paa napengele. Rapu pingi dupwa keta kote pii kama andakele ingyuo palira doko soo karaminyi.

1 Pita 2:2

Wane nyaŋame yangama alemanji lao anju ipwange nano pingi doko suu pyao nakama Imambunya nenge angi doko wangu lakao koto karalapape. Nao andapala lete parami ingilyamo.